أربعه راكب ( مُكتملة)

الثامن عشر ( خطوبة سوري + جوازة سوري🙆)

فين الفوت بتاعكم يا جماعه 🌚♥️♥️♥️♥️
البارت في ميعاده يارب بقا يعجبكم 🥺
###############

أنهوا المحاضرات ليتجمعوا معاً في حدائق الجامعة ينتظرون بعضهم .........جلست شهد و نديم و طلبوا ياسمين فيديو كول لحين قدوم نورا .........تحدثت ياسمين لهم بحنان و هي تخبرهم عن حالها و أشغالها و بدايه يومها في الدراسة حتي شاهدوا نورا تقترب منهم من بعيد و هي تلوح لهم بأنها قادمة و أثناء ذهابها إليهم وقف شاب أمامها و هو يقول : هو القمر بيطلع الصبح ولا بليل يا جميل

نورا بسخرية : بيطلع في بلكونة أمك يا خفيف

لتطلق ياسمين صفارة مشجعه لها عبر الهاتف و هي تقول بحماس : براڤو يا نورا يااااا جااااامد

ضحكت نورا ثم تقدمت الي الفتيات ليحادثوا ياسمين من جامعتها هي ايضاً ، أخذوا الفتيات يرون بعضهم  جامعه كل منهم عبر الهاتف ليبتسموا من شدة الجمال ، جلسوا علي أحد المقاعد التي تتلون بالون الأصفر في الجامعة ثم قالت نديم بحماس : يلا يا ياسمين أحكي كل حاجه حصلت من اول ما سافرتي ، و كمان يوم ما كلمتيني و كنتي متوترة اوي

توترت ياسمين أكثر لتقول محاولة أن تداري توترها: يستي هحكي حاضر ، بقالي أسبوعين في الجامعة و بحاول اتأقلم أهون
قالت حنين بحماس و هي تنظر الي نورا  : عارفه اي آخر الأخبار يا ياسمين؟؟؟؟

ياسمين بتسأل : اي أشجيني؟؟؟؟

لتقول حنين بحماس و هي تصفق بيديها : نورا جالها عريس و هتتخطب

ياسمين بدهشة و هي تقول : عملتها يا هادي الكلب

ضحكت شهد بشدة و هي تقول : و النبي أتوكسي يا ياسمين دا فريدة حكتلي علي الي نورا عملته في هادي أمبارح دي أحرجته في نص الشركة و خلته في نص هدومه

ياسمين بصدمة : اي نورا عملت كده؟؟؟؟

نظرت نورا بعتاب لشهد حتي قالت شهد و هي ترفع حاجبها بأستغراب : في اي بتبصيلي كدة لي ؟؟؟؟؟ إحنا عارفين كلامك الي بتقوليه أنك مش بتحبي هادي ، اه أنتِ كدابة بس اشطا ما علينا مش معني أنك مش بتحبيه تجرحيه بالشكل دا يا نورا

كانت ياسمين تستمع لهم بصمت تام حتي سألتها نديم : اي رأيك يا ياسمين في الحوار دا مش بتتكلمي لي؟؟؟

ياسمين و هي تنظر لنورا نظرة ذات معني : هقول اي مثلاً يا نديم ، خليها عايشة في مستنقع خوفها و فاكرة أنها صح ، يمكن لما تندم تفوق

نظرت لهم نورا بغضب و قالت : والله و نعمة الصحاب

ياسمين ببرود : لو كنا مش خايفين عليكي مكناش عملنا كدة و أنتِ عارفة كويسة أنك بتحبيه و عارفه أنك خسرتي أكتر شخص بيحبك و هيقدر يسعدك

لتتذكر ياسمين أن ريحان في أنتظارها اليوم لتجلس معها قليلاً لتقول ياسمين معتذرة للفتيات : طيب يا بنات سلام دلوقتي ورايا مشوار ضروري