اللي انا شايفاه دلوقت حقيقه ولا تهيؤات فضلت واقفة بحاول اتماسك لحد ما اتحقق كويس واني اللي شايفاه دلوقت حقيقة مش وهم ... الظل ظهر كان زي التمثال وفجأة لف وشه ناحيتي باصلي كتير وبعدين ابتسم بخبث وبهدوء سألني؟ ايه فوقتي اخيرا.... فوقت من ايه؟ انا مش فاهمه حاجه؟... مش فاهمه اومال ايه اللي طلعك بلكونة في التوقيت ده بالذات... كنت بحاول افتكر انا ليه حاولت انتحر زي ما أنت وجوزي فهمتوني، بس خلاص انا ابتديت افتكر كل حاجة انا ماكنتش بحاول انتحر زي ما انت قلت ولا انا اللي زقيت نهى اكيد انت اللي زقتها..... صح انا اللي زقتها عارفة ليه؟ علشان غدرت بيا وكانت هتكشف كل شيء .....ايوة فعلا نهى كانت عاوزة تقولي حاجة بس كانت مترددة وخايفة كانت هتقولي ايه ؟انا هافضحك دلوقت والناس كلها هتعرف انت عملت ايه في مراتك.... ما فيش حد هيصدقك كله دلوقتي فاكرك مجنونه كمان مش هتقدري تفتحي بوقك لما تعرفي انا معايا ايه؟.... معاك ايه انت كمان ليك عين تهددني..... وطي صوتك خالص واسمعي اللي هاقولهولك، كل اللي عملناه واللي لسه هنعمله كان عشان حقنا حقي انا واخواتي... انا مش فاهمه حاجه حقك ايه وانا مالي بيك وبأخواتك.. ازاي مالك عارفه سامر؟ سامر لما رجع من السفر، لقى عمه اللي سرق. حقه مات، مات من الحسرة لأن المحامي صاحبه ضحك عليه ونهب فلوسه، وهو نفس المحامي اللي زور العقود بالاتفاق مع عم سامرعشان يستولوا على املاك ابوه يعني الثروة كلها في الأخر راحت للمحامي، ماكناش نعرف ان المحامي الشبطان ده يبقى ابوكي.....ايه اللي بتقوله ده مش معقول مستحيل انت كداب انت تعرف منين بابا؟ تعرف منين سامر.؟...أنا اخو سامر الكبير وابوكي هو اللي أكل حقنا ونهى كانت سكرتيرة عمي اللي ساعدت ابوكي ينهب الفلوس بمقابل مادي....كان جزء من الخطة اني اوقع نهى في حبي واتجوزها لانها الخيط اللي يقدر يوصلني بأبوكي ومن ناحية تانية سامر يرجع يتصل بكي وده باقي الخطة ابوكي كان ولهان بنهى وانا بالاتفاق معها هليتها توهمه وتديله أمل انها ممكن تخوني معاه ابوكي اكل الطعم لدرجة انه هو اللي أجر لنا الشقة هنا في الكمباوند عشان نهى تبقى قدامه علطول باعتبارها جارة بنته وبكده كل شوية يقدر يجي بيت بنته ويشوفها وتقدر نهى تديله القهوة اللي المتحوجة بالسم طويل المدى اللي يخليه يموت بالبطيء ودي كانت مهمة نهى أما سامر كانت مهمته انه يرجع يلاغيكي لحد ما توقعي في الخيه ويعرف يصورك معاه وفعلا نجحنا والفيديو معانا دلوقت وحقنا معاكي انتي باعتبارك البنت الوحيدة ووريثة ابوكي، و مقابل الستر على الفضيحة فلوسنا ترجع لنا على داير مليم.....مش قادرة اصدق كل ده يطلع منكم؟ وحتى نهى؟....نهى في الاخر كانت عاوزة تغدر بينا قال ضميها صحي وكانت عاوزة تعترفلك بكل شيء قبل ما ابوكي يموت وده كام هيبوظ كل اللي عملناه كان لازم أخلص منها قبل ما تعترف لك... بعد ما خلص كلامه مسحت دموعي وبصيت له بغل وقلت ومين قالك اني مش هاعمل زيها وأبوط كل اللي عملتوه...انتي مش في ايديك حاجة يا حلوة الفيديو معانا وفي اي لحظة هيتذاع ويتنشر على السوشيال ميديا وأول واحد هيشوفه هو جوزك... ضحكت بألم وقلت و انا مش هاديكم الفرصه دي، الفلوس مش هتروح لكم الفلوس دي من حق جوزي تعويض على خيانتي له انا ما استهلوش وهو يستاهل حد احسن مني بكثير وانتوا افرحوا بالفيديو اللي معاكم وتأكدوا انكم عمركم ما هتطولوا الفلوس وانا اللي هادفع الثمن...بص ليا بتوجس وقال هتعملي ايه يعني؟..... هاعمل زي ما ضحكت عليا انا وجوزي وفهمتنا، مصيري هيكون زي مصير نهى هي دي النهاية اللي استحقها... دي أخرجملة بقولها دلوقت قبل ما ارمي نفسي من البلكونه
تمت بحمد الله🌹
آرائكم؟
