البارت38 من القصة الحقيقية #رجال_لاتعرف_الحب بقلمي #الكاتبة_شهناز_الخزعلي #Jaymin
مانسينة
عالدروب الماخذتكم جودرينة
وانتو عفتونة ولاطيف اعتناكم
ولا تلومونه لون نحجي بهواكم
هيه الكلوب التحن واحنه اشبدينه......
_دكتور تيسير شويه ويجي ...
_جاي علمودج اني ...
زينب/باوعت اله ب استغراب ..ورديت "
_علمودي؟
_اي علمودج....
_حجيك غريب الصراحه ومدافتهم ...
_موضروري تفهمين ...
_اتفضل تحب تشرب شي...
_شكرا مستعجل لازم اروح للعيادة ....
علي راد يطلع رجع التفت
_بيتكم نفسه ؟
_اي ...
_تمام اشوفج بخير ....
عافني وراح ماهتميت كل الي ببالي ورقة الكاشير مالمطعم.....اجه تيسير كعد يسولف ويايه مشى الوقت ...
رجعت للبيت بوجهي كبل ل تينه ....
تينه/جنت داضرب اوتي رجعت زينب و باايدها ورقه صغيرة باوعت عليها هاي ورقة كاشير
زينب:فسريلي شنو هاي؟
تينه ضليت ساكته كتلها"
_مو مو مالتي مالفرح ....فرح صديقتي نستها يمي ؟
_لاتجذبين تينه .......ترة احنه خوات
_اي واني يا يوم جذبت عليج ولايوم جذبت اني ....
_على العموم هاي جنطتج ....
عفتها ومشيت .....
تنيه/اي اخذت الجنطه وووطلعت الورقة ومزقتها هففف هاي شبيها وهيه شعليها...
جانت دتبدل رحت وراها....
_انتي ليش تتدخلين ب اموري ست زينب ؟ اني موطفله اني بالغه سن الرشد ...اهتمي بنفسج وهاي اوراق الكاشير نفس ماكتلج تخص فرح صديقتي ....
و ولاتجيبين سيرة ل اخلاص
_ها يعني لو مابيها شي جان ماتكولين لاتجيبها ل اخلاص...تينه خليج واضحه شمسويه ..
_ها اي هيج يعني مصممه وحضرتج تروحين من صبح لليل جان حجيت وكاعده بصيدلية فارغه ويه تيسير
_شنو هذا اللسان .....؟اشلون تتجرئين مو عيب عليج لج اني اختج وفوكاها اختج الكبيرة اشلون تحجين هيج ويايه ها تينه هااا؟
تينه عافتني ومشت ....انقهرت مستحيل هاي اختي الصغيرة الي احبها مستحيل ...
كلش انصدمت بيها..عفتها ونمت ثاني يوم الصبح لساني ابد ماطخ لسانها وكلمن راح لدوامه جان يوم خميس .....
أنت تقرأ
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
