كنان (للكاتبه ساره ابراهيم)

باقي البارت الثامن عشر

في المانيا
كان يقف كنان ويوسف و عمر أمام غرفه العمليات بتوتر وخوف كبير من فقدانها خصوصا إن الدكتور قال نسبه موتها في العمليه كبيره
كنان في حاله لا يحسد عليها حاسس ان لو حصلها حاجه هيبقا هو السبب في الفتره الاخيره كان متعلق بيها مثل همس وفرح ولا يقدر الاستغناء عنها بس كل ده لصالحها
أما يوسف كان بيفتكر المشاكسه بتاعتها معاه ديما قد اي بروحها المرحه قدرت انها تخليه يتعامل معاها وكأنها بقالها سنين عرفاه حالو لا يقل عن كنان فهي اختو بمعني الكلمه
عمر كان قاعد حاسس بعجز كبير يود أن يكسر هذا الباب ويتاملها ولو لحظه يود أن يعتذر يود أن يقول لها انها حبه وعشقه الوحيد نفسه يرجع تاني كام ساعه لورا عشان تتعاد لحظتها من تاني وهي أمام عينه حتي وإن كانت مش مسامحه فيكفي انها علي قيد الحياة مطمئن عليها

عدت ساعات كتيره ولسه مافيش حد خرج وكل ممرضه تقول لما يخرج الطبيب واخيرا خرج الدكتور
جري كلهم عليه بلهفه وخوف
ليقول الطبيب .لا داعي للقلق كل شىء علي مايرام حاله المريضه مستقر ولكن سوف تكون في العنايه المركزه لكي نطمئن عليها
كنان قعد علي الارض بأرتياح وكأنه كان شايل جبل وانزاح عنه وعمر تنهد بارتياح شديد
ليقول يوسف بفرحه وتوتر .هل نجحت العمليه تماما
الدكتور بابتسامه .اكيد لذلك يجب أن نراقب حالتها الصحيه لكي يتم الشفاء سريعا
الثالثه كانو في اسعد حال

في مصر ام الدنيا
كانت أم كنان وراقيه والباقيه في حاله فرح لا توصف ولا تتوقف زغاريط راقيه من فرحتها
طول هذه الأيام كانت جسد بلا روح انها ابنتها وقلبها
واخيرا قامت ليها بألف سلامه
نورا بفرح . الحمدالله كان قلبي وجعني عليها
ميرا بفرح . حمدالله على سلامتها ياماما راقيه
راقيه بسعاده .الله يسلمك وتقومي بسلامه واطمن عليكي
نورا بابتسامه.يارب يسمع منك ربنا
فرح بغيظ .مش يمكن ربنا ياخدها ونخلص
همس بضيق .فرح لمي لسانك عيب كدا
فرح بسخرية .طبعا مين يدافع للعروسه ..مهي تبقا اخت المحروس بتاعك
ميرا بغضب.اللهم طولك ياروح انتي مش بتعرفي تعدي لحظه من غير كلام سم
فرح ببرود.السم ده جاي منك ومن دمك عيله مابتختاشيش
نورا بصرامه .فرح لمي نفسك وياريت تقدرى أن ده مش وقت خناق احنا فرحانين أن مي قامت بسلامه والعمليه نجحت
فرح بعصبيه .هو انتي علي طول كدا بتيجي مع الغريب علي بنتك تيجي مع المخفيه الي وقفه دى عشان خاطر يوسف بيه الي خان بنتك بدل المره اتنين وكمان عايزاني اسكت عشان خاطر ست مي الي متعرفهاش من كام شهر هو أنا مش بنتك
نورا بضيق .اولا يوسف خانك مره واحده مش اتنين لأن المره التانيه كان متجوز مش بيخونك وده منك ومن غلطك وكبرك وثانيا مي تبقا بنت صاحبت عمرى يعني بنتي حتي لو معرفهاش غير من كام شهر بس هقولك اي يابنتي منتي ربنا عامي قلبك ومش بتحسي علي دمك طول عمرك بتفكري في نفسك وبس
راقيه بهدوء .نورا سبيها تقول الي هي عايزه أنا مش بزعل من فرح دى في مقام ملك ومي
فرح بعصبيه .لا وعلي اي حضرتك تحني عليا كتر خيرك وانا ماليش ام حقيقيه لما هيبقا ليا ام غريبه
كلمها صدم الجميع وبالاخص نورا الي دموعها نازله علي جحود ابنتها عليها
أما ملك اخدت كلام نورا لفرح علي نفسها لما قالت