ماساه
الحلقه الثالثه
تم زواج طاهر وليلي واخذ العريس عروسه التي طالما اشتاقا لبعضهمها البعض
طاهر:يابوي دا انا عندي مخزون استراتيجي يكفي المدريه بحالها
دا احنا خللنا ياجدعان والله كنت ياست سبع سنين واكتر دا انا بطلت اعد
والله خايف ع البيت يتهد من اللي هعمله انهارده
ليلي:ليه كل ده انت هتخوفني منك ليه
طاهر:تخافي مني دا انا اغطيكي برموش عنيا انا لاحبيت ولا هحب غيرك
ليلي:امانشوف
طاهر :تشوفي !
الا تشوفي دي وحملها الي غرفتيهما
الحب جميل ولكن الاجمل المحافظه علي هذا الحب لان سر السعاده ان يبدا الزواج بحب وينتهي عشقا
ولكن سبحان مقلب القلوب احيانا يبدا حبا ينتهي كرها واحيانا يبدا كرها ينتهي حبا
واحيانا يختنق الحب ويموت
..................ف الصباح
نزلت حوريه من الفجر لحماتها
عاوزه اعمل فطرتين لسي طاهر ومراته عشان يفطرو بيهم سخنين
امه:سبحان مبدل الاحوال هو مين يعمل لمين
حوريه:ياامه هي غريبه وماتعرفش عوايدنا هو عشان امي جمبك وجابتلي ف الصبحيه
دول بتوع البندر مايعرفوش كده
امه:طب يافالحه والله هتمرعيها علينا اكتر ماهي
بقي انتي ياللي حامل اللي هتجعدي جار الفرن وبطنك تشد عليكي
خلاص فسحي اجي جارك واقعد انا قدامه وانتي بططي
حوريه:تسلميلي يامه ويخليكي ليا
وكله لابنك سي طاهر
وفعلا خبزت حوريه الفطير ووضعت القشده والعسل وخيرات الله وانطلقت بالصينيه للعرسان
.................
دقت الجرس
ليلي :مين جاي ع الصبح كده حد يجي لعرسان بدري كده
طاهر :مين ويفتح
وجيباه بنفسك تعبينك معانا والله نخدمك يوم جواز عتريس يام عتريس
حوريه:تسلم وتعيش ياسي طاهر
ومشت حوريه
ليلي :وانت قاعد تهزر معاها
طاهر:انتي هتغيري من مرات اخويا ولا ايه والله ماببصلها ولا اعرف شكلها لدلوقت انت ملكت قلبي وعيوني ياجميل
والست كتر خيرها عشان عارفه انتي مش من البلد عملت حركه جدعنه معانا
ليلي:يعني انا اللي غلطانه
طاهر:ياسيتي ماحدش غلطان يلا بقي الفطير هيبرد
.........................
وبعد ذلك انتظما ف العمل وحياتهم مستقله وكما هو الحال حوريه من تحمل هم البيت
..................
حوريه:اااااه
خضر :في ايه ياوليه
حوريه:بولد
فلبس خضر مسرعا واتصل بامها تاتي معه وذهب المشفي وولدت حوريه سعيد علي اسم ابو خضر وقدم الجميع البيت وامها معها لتعمل لها الطعام والجميع سعداء بهذا المولود السعيد ولم تاخذ الا اقل من اسبوع راحه ورجعت مره اخري للشقاء وحياتها العاديه
.............................
وبعد مده
حوريه:مابلاش انهارده ياخضر شكلك تعبان
خضر:جرا ايه يابت انا زي الحصان هتلغبطي ف الكلام ولا ايه
حوريه :يقطعني ياخويا والله ماقصدي انت بتتعب جامد ودا كمان مجهود عليك ولم يستمع لها وبعدها تعب فاعطت له دواءه ونام
وفي الصباح
قوم ياخضر اتاخرت ف النوم كده ليه مش عوايدك
خااااااااااااضر
يالهوووووووووي
وقام الجميع علي صويت حوريه فقد مات خضر فقد كان مريضا بالقلب ولم يحتمل هذا الاجهاد مع الاهمال
وجاء المعزيين بعد ان قدمو من بضعه شهور لتهناته علي مولوده فهذا حال البشر نولد من رحم الموت
واصبحت حوريه فتاه العشرين ارمله ومعها طفل فيا وارث من يورثك
وطبعا لها ولابنها ميراث من ابوه والاراضي التي يتاجر بها فقد كانت باسم خضر
وظلت تغلق علي نفسها وتحدث نفسها
باعوني عشان الورث اهو مات وهم اللي هيورثو فيه فهي لم تكن تحبه ولكنها تقوم بواجباتها الزوجيه ولكن هناك من يقوم بها بحب ومن يقوم بها كواجب حتي رسولنا الكريم عندما قال هذا قسمي فيما املك
فهو حقا يعدل بين زوجاته وهذا مايملكه لكن قلبه ليس ملكه ان مال لواحده عن الاخري فهذا القلب محير والله
فهي كانت تكره معاشرته ولكن لاتشتكي تفعلها كواجب فقط
.................
وبعد عده ايام يذهب طاهر وزوجته الي عملهم فتستوقفه امه
علي فين
طاهر:الشغل
امه:وانت مش عارف عندنا ضم لا اخوك بقي مع ابوك وكمان مرات اخوك فيها اللي مكفيها انا اللي هعمل الاكل للناس لوحدي مش تاخدو اجازه وتساعدونا انهارده
ليلي:انا ماليش ف الكلام ده
امه:مش هتعرفي تطبخي طبخه للرجاله
ليلي:وانا مالي
امه:ليه مش ارض جوزك دي ولكو فيها وتتعالي الاصوات لا والله بنت اصول اوي
فتزل حوريه:خير ياامه
امه:مافيش يابتي
ليلي:اهي جاتلك بنت الاصول اللي تساعدك
طاهر:بس ياليلي ماتزوديش
حوريه:يامه لو علي اكل الرجاله انا بعت لامي تجيب وياها م السوق بطاطس ولولبيا وفراخ هندس البطاطس ف الفراخ ونعمل شويه اللوبيا والرز
امه:تسلمي يابنت الاصول دا عشمي فيكي يابتي
انتي ف ايه ولا ف ايه ودايره راسك ع الكل
ليلي:هتيلا ياطاهر ولا هتخليك
طاهر:انا ماشي ياامه عاوزه حاجه
امه:لا ياولدي كتر خيرك يسلملك طريقك
أنت تقرأ
مأساه
Roman d'amourتتزوج صغيره وتتحمل مسؤليه كبيره الى ان يموت زوجها وتبدا في معاناه اخرى مع تقاليد اجباريه واجبه التنفيذ لتتزوج أخو زوجها المتوفي فهل ستظل مأساتها ام سيعوضها ربها بالخير الكثي
