Choi Hyunsuk FF in MIZO

💜🔥KA SUKPUIA💜🔥

                    By Puisuki JH🖤🔥

"Nu!!!!!!, khawnge ka kekawr helaia ka dah kha, tun lawk khan ka dah chhuak sia, khawnge a awm hman ni? " Ti lawng lawngin ka nu chu ka au a. Ka nu chuan, "Khuma kha i dah pharh reng kha! I hmu lo mi a, I bul lawk a kha, tinge maw I va hmu lo ho em em ve, I thawh tlai vang vek a nih kha, tho hma la chuan tunah hian I inpeih var var tawh ang, " Tiin ka nu chuan min zilh nghal mawlh mawlh a. Vawiinah ka hna thar ka zawm dawn a, ka ni hmasa ber tur a la ni zui, tunah hian ka tlai hle tawh bawk, huizzzz!! Nizanah treasure video ka en tui lutukna lamah zing dar 3:00 thleng ka meng a, nula pui tawh mah ni ila, heng korean boy band ho hi chu duh loh theih pawh an ni lo, an mizia, an thawhrimna, an talent, engkim hian min hip ka ti mai, a bik takin an leader Choi Hyunsuk phei chu a vei hian ka vei tûk mai a ni. Ka roomah mai ni lo, phone wallpaper zawng zawngah hian a pic ka hmang vel vek a ni, ka duh rum rût a nih ber chu. 

Ka hnathawhna tur hmun chu thaw hlawp² chuan ka thleng a, pawn atang mai pawh hian pui tak a ni, a chhipah chuan lian leh nalh tak hian 'The Black Label' a in ti kuau mai. Fashion department-a manager hnaah ka tling ve hlauh a, ka lawm zia chu vân chen vel hi ni ang, a chhan chu 'The Black Label' hi Yg Entertainment peng pawimawh tak pakhat a ni a, chuan Yg entertainment-ah hian ka duh leh ka vei em em boy band 'Treasure' ho entertainment a ni bawk.Company chhung ka luh chuan pawn kha a pui viau tawh maw tia, a chhung chu a aiin a la pui zawk, ka hau hian ka en reng a, security pakhat chuan ka kal duhna te min zawt a, ka hrilh chuan ka kalna tur chu floor chung ber dawttu a nih thu min hrilh a, lawmthu hrilhin hmanhmawh takin ka kalsan nghal a, ka han thleng chho a, ka tlai avanga ngaihdam dilin, ka first day ni a nih vang chauha min hriatthiam thu hrilhin hna ka thawk zawm nghal a ni. 

Ka hming chu Rohlupuii a ni a,Puipui tiin min ko thin tunah hian kum 22 na ka hmang mek a ni. B. Sc ka zawh hnu hian fashion designing lamah ka kal leh ta daih a, a chhan chu ka nu hian puanthui zirna dawr lian tak a  nei a, fashion designing lam hi ka tui thei lutuk, mahse ka chhungte thuin science lamah ka kal ta zawk a, chhan chu Lecturer ni turin min duh a ni, ka tui em em pawh ka hre lo, mahse ka ti ve thei zel a, B. Sc zawh meuh chuan ka peih ta ngang lova, fashion lam kal ka duh thu ka sawi ta tawp a, an lo remti ve hlauh mai a, chuan fashion designing lam chu Delhi lamah ka zuk zir leh a, ka tui em avang leh nuam ka tih em avang hian hei tunah pawh naupang te siin manager hna ka hmu ve ta hlauh a, ka lawm takzet a ni.

"Miss, hei aw, sample nichina rawn dah tura i tih kha" Tiin nutling lam hmel deuh hlek hian a rawn ti a. "Miss ti lovin Puisuk, min ti dawn nia aw", nui sangin ka lo ti a, a hawi â hman hle, a mak ang chu Hyunsuk leh ka hming inzawm a ni miau a, ka naute ho min phuah sak, ka duh em avangin Puisuk tiin min ko ta tawp mai a ni. Ka hna chu ka thawk mawlh mawlh a, vawiinah hian kawr 100 chuang sample siam ka ngai miau a ni, Hyunsuk pawh ka ngaihtuah hman hrih lo. Ka ni khat ni mah ni se, ka hnuaia thawkte nen chuan kan in nel nghal em em a, ka hlim veng veng mai. An chunga thuneitu ka nih avangin inlakthu velte ka tum reng reng lova, nel taka an biak ngam, mahse a hunah tak chuan zahawm taka awm thiam chu ka tum ber ani. Hmeichhe lian ka ni lova, 5'3ft ka ni,hmeichhe dang angin vun ngo tak te, pian nalh tak tih vel ang kha ka nei ve lem lo, mahse keima tawkah hian ka confi tawk ve em em a, a chhan chu khawvelah Pathianin keimah ang hi pakhat mah a siam lova, chuvang chuan ka hlim tawk ve em em a ni. 

In ka thlen chuan ka roomah lutin ka khumah ka bawk nghal thlawp mai, ka chau ve ngang a ni. Ka phone ka en a, WhatsApp vel ka luh chuan Little Miss Sunshine  groupah pawh message lo awm leh tuar tawh mai, heng ho hi keimah ai chuan an nau vek, mahse ka thian leh ka fanute ang an ni mai, anmahni hi nia AuPuisuk tih ngata, min ko tute chu, message kan open chuan Treasure bawk a ni an lo sawi leh kan tui tlang a ni, ka chauh êm avang chuan tawng ve lem lovin ka inbualsan ta daih a. Ka inbual zo chu ka harh hawk thei, zanriah ei turin inhnuaiah ka chhuk a, ka û hmeichhia chuan chaw ei lo siamin ka pui ve nghal a, Unau hi pathuam kan ni a, û hmeichhia pakhat leh nau mipa ka nei a ni. Ka û hi tunah hian teacher hna a thawk mek a, ka nau erawh college a la kal thung a ni. Ka chhungte chuan ka hna chu eng nge an thute min zawt hlawm a, a nawm thu leh ka hnuaia thawkte nen pawha kan in pawh tlan nghal thute ka hrilh chuan a lawmawm thute sawiin thu tha min hrilh nghal malh malh bawk a.