Aking sisimulan ang tula
Sa mga taong dukha
Na kadalasa'y tinatapakan at kinakawawa
Mga taong mapanghusga sa kanilang kapwa,
Minsan, kung sino tuloy itong may pinagaralan
Sila pa itong nagdudungol-dungulan
Kung sino pa tuloy itong hindi nakapasok sa paaralan
Sila pa itong mas nagmumukhang may pinag-aralan.
Bakit tila ang hustisya ay para lang sa mayaman?
Ang laging sinisisi ay mga walang laban;
Iniipit sa iba't ibang krimeng hindi naman nila ginawa kailan man.
Tumungo tayo sa mga kabataan,
Na pinaniniwalaang pag-asa ng bayan
Ngunit paano iyan mapatutunayan
Kung ang karamihan ay hindi marunong kumilala sa bansang sinilangan
O kabataan, paano maisasalba ang ating bayan,
Kung mas tinitingala ninyo ay hindi naman natin kababayan?
