ريم فترة كُلش تعبتني وارهقتني منا ساالفة هذا المسربت يريد ينهي علية ومنا هذا المعقد الخطبني كُلش تعبت مااتحمل شيء بعد بعدني صغيرة مو كد مسؤلية ولا زواج وانة اكره جنس آدم كلة شلون ياربي؟ نزلت جوة حتى احجي وي بابا هو ميرفضلي طلب و شنو اريد يسوي ريم:بابا مااريد ولا واحد بابا انة اخاف من الظباط شكلة يخوف محمد:كليلي شنو اسوي؟ تردين ينهي عليج ابن عمج الي لاعلم ولا فهم ع الاقل هذا الرجال دارس وشهادة ريم:بابا بعدني صغيرة محمد:نرجلعهم خبر وكل شيء سهل ريم:شنو السهل بابا شنو السهل محمد:سارة ساارة سارة:هلا محمد:رجعي خبر للناس بموافقتنة ريم:شنوووو؟ مااريد هذا يخوف يخوف سارة:ولج ماما يخوفون بشغلهم وي اهلهم غير محمد:انة سألت ع الولد وجماعتي ب...... سألوا علية بولايتة كلها تمدح بي وبكرمة وشهامتة ريم:عفتهم وصعدت فوك ريام:شكالو؟ ريم:ميتين علية اكص ايدي اذا مامسوي لأمي سحر حتى تقبل ريام:عزا العزاج ريم هيج كاتلين روحهم عليج وميتن عليج ويسويلج سحر ب مليون مدري شكد ريم:انجبي اكو احلا مني ريام:تخرعين تخرعين ريم:ع اساس هو الحلو ريام:شفتي؟ ريم:لااا بس شفت اخو هذا ويعععع ريام:وين شفتي رييييم؟ ريم:وجعةةة ريم بكلبج وين شايفتة وصل امة بيوم اجولنة ريام:اها ريم:ديلا ريام سكتتي ح انام ريام:ريم انتِ سادس شوكت تدرسين صار اسبوع هاملة كُلشيء ريم:هو لو سادس لو خطوبة ريام بشرفج امي من يمتى ترضى بالخطابة شكد اجو فلا رضت بواحد ريام:ريم انة وانتِ وكلنا ندري الولد شكد حلو وكامل ريم:عجبج؟ وافقي بدالي ريام:رايدينج بالاسم عينييييييي ريم:عمت عينج نامي لااصيح لسارة عليج ريام:سارة بعينج كولي ماما اريد اصلي ريم:اية الله ريام روحي ودعيلي كون ابقى محد يريدني ريام:ريم شبيج قسمة وجايتج تصيرين عروس جنة كاعدين بغرفة ريام ومرام طفرت مرام مرام:الله واصير خالة ريم:خلخالة كون مرام:تسميها مرام على اسمي ريم:شو باي باي تسدن النفس رحت لغُرفتي توضيت وبديت اصلي وابجي اشكي لربي اكتبلي كُل خير حبيبي ربي مااريد اتزوج انة تعبانة غفيت وانة على السجادة كعدتني الفجر ماما صليت ورجعت نمت كعدت ثاني يوم وجان بي الموقف حاسم ريم:صباح الخير سارة:صباح النور ريم:ماما شقررتوا؟ سارة:ريم وافقنة ريم: ماما سارة:اششششش عوفي كُلشيء وامشي تغدي شوي وارجع خبر للمرة
نرجع لبطلنا قسور:وكعتي كلبي كليلي شكالو ملوك:يمة كُلشيء قسمة ونصيب قسور:ماوافقت موووو؟ تريد ابن عمها العينتين وحق الله ماتصير لغيري وماينكتب اسمها الا بظهر جنسيتي اليوم اودي شيوخ الهم قابل لهنا وخلصت؟ ندز مرة ومرتين والف مرة وتصير الي تصير ريم حلالي يااناااااااس ياعالم حلاليي الييييييي مااالتي ملوك: يمة يساعد كلبي عليك هسه انتَ شبيك ترعد علينا قسور:تكليلي قسمة ونصيب شسوي اطك اصبعتيننن؟ لو اروح أبارك الها ع ابن عمها المصون ملوك:هههههههههههه قسور:تضحكين يمة تضحكين على قهري؟ ملوك:وليدي موافقين قسور:طفرت يمها كولي والعباس كولي وروح ابوي يعني هي الي ولكمممممم غزززال البصرة صار حلالي ولككم صااارت ماااااالتي يمة امشي نشتري ذهب نشتريلها بدلة؟ هدى:ولج يماااااا فطست عزة شهالخفة قسور:من تشوفين لوعة كلبي عليها صار 6 سنين عود صيحي شهالخفة هدى:هسه فَاطمة تدك وتلطم قسور:تولي هالساق..ة هاي هدى:و الله خايفة لاتسوي لريم شيء قسور:ابن امة وأبو الي يدنالها لامااالعب بي طوبة حجية ترجعون تجهزون نفسكم ببغداد لو هنا هُدى:عن نفسي اريد اشتري فستان منا وحتى صالونات هنا اكو حلوة قسور:هاي هية وحجياتنة؟ ملوك:يمة ماعندي شي بس خابر خواتك يحظرن روحهن قسور:خير ان شاء الله وانتِ ام ادهم؟ أم ادهم:يمة انة وياكم قسور:ان شاء الله انة هاليوم رايح لبغداد اجيب ولد عمومتي والشيوخ ونجي نطلبها من ابوها ملوك:ياافرحتج ياملوك يوم الهنى اشوفك عريس وليدي قسور:بعد روحي شعندي غيرج هُدى حظري روحج بالليل اخذج اشتريلج فستان خاف ماالحك بعدين وتمدينلة اللسان مترين هُدى :فديتني شعندي غير لساني؟ قسور:خبلة وعلي يلا اودعناكم مع السلامة رحت انة وادهم ندور على قاعة اريد البصرة كلها تسمع بعقدي حجزت قاعتين بالأندلس ورجعت على هُدى واخذتلهم عشى قسور:السلام عليكم الكُل:وعليكم السلام قسور:يلا هُدى كومي بدلي بسرعة هُدى:يمعوووود شبدللل اريد اكل ميتة جوع قسور:كتلج كومي عشاج غير هُدى:لك هلا هلا هلااااا لو هيج الإخوان لو مايرادون قسور:يلا بسرعة اخذتها لمطعم نزلت الي عجبها اكلنا وطلعنا قسور:هُدى شنو جانت امنيتج اول ماتجين للبصرة؟ هُدى:اشوف شط العرب قسور:يلا نشوقة هُدى:احللفففففففففففففف قسور:مجذب عفيج قبل؟ هُدى:هييييييييييييي اليوم كلة نشر نشر بشط العرب قسور:صوتج فضحتينة هُدى:احبك احبك احبك قسور:ههههههه بعد روحي هدوة اخذتها واخذتلها حب وعصاير ورحنة على الكورنيش قسور:تكعدين هنا لو تنزلين للجرف؟ هُدى:لا خلي ننزل يم الماي ويضربنة الهوا قسور:يلا اخذتها ونزلنة يم الجرف ظلت تكرز حب صافن على الشط والموجات الي تجيبة وتودي هيج لطختني الدنيا ولعبت بيا بس لوين تاليها راح ارتاح لو لا؟ اجت على بالي ريم غزال البصرة زفرت بتعب فززني صوت هُدى هُدى:هالكد تحبها؟ قسور:اخخخخخ يافزة كلبي من ينجاب طاريها هُدى:بالعافية عليها انتَ قسور:جا هيه حاسة بية وبقهري؟ هُدى:يجوز تحبك قسور:وانة مامتعبني غير ال "يجوز" هُدى:سولفلي عنها قسور:بيضة عيونها اخخخخخ يعيونها طولهه شبر ونص هُدى:شبر ونص وهجولت كلبك بيوم وليلة قسور:يفديها كلبي كلي الها فدوة هُدى:تحمست اتعرف عليها قسور:تتكحل عيونج بشوفتها هدوة هُدى:الله يحفظكم قسور:آمين يارب يتممها على خير بجاه علي يلا حبيبة نرجع انة نص ساعة واطلع لبغداد هُدى:وترجع للبصرة عريس قسور:حالف ادزلها اكبر مشية هُدى:حبجي من الفرح قسور:هههههههه يلا امشينا هُدى:جاي نمشي وشفت شعر بنات قسور:تحبيهاا؟ هُدى:ايي تجنن قسور:تعاي اشتريتلها وصعدنة وصلت للبيت خابرت ادهم قسور:يلا ابو الهمة خلي نطلع ادهم:خمس دقايق واجي بس اتسوك الهم قسور:انة مكمل كُلشيء حتى غدة لباجر جايب ومانطول العصر ادهم:ميخالف قسور:جيب وياك حلويات لهدوة خاف تجوع هُدى:ونوتيلا نوتيلااااا قسور:ونوتلا عيني ادهم:ههههههه خير ان شاء الله قسور:استعجل بعد اخوك ادهم: هاولك بعد ماتتحمل قسور:دخيل ربك حسسسس حسسس ادهم:مستعجل بعد روحي قسور:انعل ابو روحك تعال بسرعة لااعوفك واروح وحدي ادهم:غير تخرب المشية أبوها يكلك جيب ادومي وتعال ماانطي بنات بدون ماايجي ادومي قسور:صخومي شيخ وماينطيها بدوني راح اجي امرعدك وعلي كتلك تعال ادهم:اوي حبيبي مشتاقتلك قسور:ولك صخاااااااام تعاال ادهم:اوي حبيبي شبيك ممشتاقلي ممشتاق لسهراتنة؟ قسور:بعد روحي تريد العب النع.ل على ظهرك ماعندي مُشكلة ادهم:نزول عليك حبيبي طلكني قسور:انعل الساعة الرافقتك بيها سرس..ي ادهم:حبيب.. بعدة مامكل سديتة بوجهه انة روحي لايبة يمتى اوصل لبغداد واجيبهم نوب طلعلي هذا اجة وطلعنة لبغداد ادهم:هاي الرداها وهاي التمناها بنت الشيخ لأبن الشيخ جبناهااا كلوووووش قسور:ك...اد هسه انتَ جبتها واجيت؟ ادهم:حبيبي ليش خنتني؟ قسور:عليك العباس ارجع هلهل وهوس قابل بس لاتتموعلي يطفر عقلي منك ادهم:هي هاي العشرة شكد تجيلي واستقبلك بحب وحنية بس انتَ ناكر الملح والزاد قسور:ابوس ايدك ارجع ادهم:وجان صاحبها وخذاها وجان صاحبها قسور:ادهم دير بالك تجفص كدام العالم نوب صاحبها ادهم:مجذب بس صاحبها وبس ميت عليها قسور:دسكت اسكت ادهم: اي وصارت غزال البصرة الك قسور:اكلك ادهم مو جنك طوختها شهالميانة ادهم:مرت اخوي وبكيفي قسور:شطيح حظ اخوك غيرها دخلي تكمل على خير والله كريم نام ادهم وبقيت فاتح المسجل على اغاني " اليوم احلا يوم بعمري" بعدها ماصارت يمي بس فرحان بس الله يعلم بفرحتي وصلنة بغداد ساعة 5:30 الفجر وصلت كلها كاعدة وتهوس قسور:الله بالخير يابة تلكوني بالهوسات وفرحانين بس مو كد فرحتي قسور:يلا بوية للبصرة ادهم:دخلي نرتاااح قسور: امشي امشي كون العصر احنة هناك ادهم:دكول اكلنا خر.ا طلعنة ووصلنة للبصرة ساعة 1 الظهر تغدينة بالطريق دخلتهم اكو استقبال بالسويت كعدوا ونص بالهول وكلها فرحانة وتذب هوسات ونص بالكراج صدك جبت شيوخ العُراق نصهاا غير ولد عمومتي وجماعتي وكلها على كلبي وتحبني وتتمنالي الخير عبن انة زين وياهم واحل مشاكلهم صارت ساعة 4:00 العصر توكلنا لبيت اهلها ادهم:ولك قسور هاي السيارات بيا شارع تخليها قسور:على راسي اخليها بوية الشارع يشيل ادهم:بس كون يكفون بيتهم نوب هسه يطلع استقبالهم صغير ويتفشل الرجال قسور:سألت امي تكول اكبر من استقبالنة ادهم: بيها الخير وصلنا ورجف كلبي دخلنة وبدينة بالمقدمات حجو شيخونة شوي من الدين طفر كلبي لمن الشيخ كال واحنة اليوم جايبين شيوخنة وولد عمومتنا نطلب ايد المحروسة لأبنة قسور محمد:اتشرف بيكم انة وعلى راسي جيتكم مناك لهنا الشيخ:عبن ندري بتربيتكم وأخلاق بنيتكم محمد:ونعم منك شيخ البنية بتكم الشيخ:نتوكل على الله ونعقد؟ محمد:خير ان شاء الله
********* ريم:اي وافقت حتى ماينهي عليية علي مااريد اتزوج وكارهه الوضع وكاضيتها بجي اجة اليوم الي انطوا لأهلي كلمة يصير بس عقد وتالي حفلة انة طلبت هيج وقبلوا دخلت مرام تركض مرام:ولكم هاي شكووو سارة:شبيج ولج صوتج مرام: الأمة العربية كلها بشارعنة اليوم نوب كلها سيارت تخبل وشكدددددد سارة:هاي مشية اختج مرام:كللللووووش سارة:طاح حظج صوتج ادبسزز مرام:هسه وين يسمعون ريام وين؟ سارة:كاعدة تصورهم من فوك تكول اريد اغور صديقاتي بالي اجو يخطبون اختِ مرام:أي والله خوش فكرة سارة:فارغات ريم:يحجون وانة صافنة عليهم فد خمس دقايق ويصير بحياتي شخص ثاني؟شخص مااعرقة! ولاشايفتة! انة الي جنت ابني احلام ومواصفات هسه ارتبط واكمل حياتي وية شريك بهالطريقة؟ وفعلاً صحاني من شردتي صوت بابا وهو يكول ريم تعالي خلي يعقدلكم الشيخ طبعاً جانت صديقاتي يمي وصديقات ماما زهراء صديقة ريم:يمة فدوة للي ح يعقدولها ابتسمي ابتسمي زينة تكول حلو لاتخافين وصلت يم الباب وبدة الشيخ يحجي ويا وهو يردد ورا لحد ماكال ريم محمد******هل تقبلين الزواج بقسور******* بمقدم قدرة 35 مليون دينار عراقي ومؤخر قدرة 40 مليون دينار عراقي فأن قبلتي فقولي نعم وانتَ وكيلي صار يرددها أكثر من مرة ثالث مرة امي ندستني بظهري حتى احجي ورا صرت اردد نعم وانتَ وكيلي تعالى صوت الهلاهل بالرغم الي موجودين مو هواي وفتحو الديجي ومرام وريام وصديقاتي يركصن وفرحانت شوي وصار صوت هوسات كلها طفرت للشباك وناس للسطح تشوف
