البارت41"من القصة الحقيقية #رجال_لاتعرف_الحب
بقلمي #الكاتبة_شهناز_الخزعلي #Jaymin
تعال وخل اسولفلك ع النضمن
ولو هو العشكته سوالفه يفشلن
لزمت ايد فرح وباوعت ب استغراب وكتلها"
_شنو ننزل هذا شبي؟
_يلا توته خل ننزل...
_اوكفي شلون ننزل ؟ميصير وين نروح وياه لج هذا بيت ...
_هه ...شوفي توته اني سرمد اثق بي لو يكول نروح للنار اروح وياه ...بعدين انتي شدعواج خايفه هو رايدج زواج بعد شكو؟
_ها؟انتي منين تعرفين؟ توه بارحه محاجيني بهيج موضوع شبسرعه لحك كلج ؟
تينه/هنا وشكيت بالموضوع حسيته شيء مدبر الي...نزلت اني وفرح مشيت سوة وياها بخطوات منتظمة سرمد يسبقني بخطوتين....لكيت مفتاح البيت ب ايدة جاي يفتح قفل الباب واحنه وراة فرح لازمه ايدي بهداوة بس بطريقة غريبه ...
_سرمد شنو هذا البيت؟
_هنا أأمن النا نلتقي ....
_بس شلون ووواهلنا..
_هي شغلة نصف ساعه ونلطع ...
*من كال شغله نصف ساعة فتحت الباب....تراجعت تركت ايد فرح وووووو ضليت اركض سرمد يركض وراية بسس يحاول يجرني يريد يدخلني للبيت وإني فلتت ركض وراية...ركضت بسرعه حذائي نشلع ماكدر ارجعله اذا التفت للحذاء راح اخسر نفسي.....او بالاصح انلزم واخسر شرفي...اخخخ رجلي يمكن حجار مدري كزاز ...
شفت رجال عسكري واكف ديخابر ...رحت لزمت ايدة من ورة كتله وايدي كلها تختض:
_الحكني ...هذا يلحك وراية ......الحكني ...
هالعسكري ذب التليفون من ايده ولزمه ل سرمد من ياخته.... وكله"
_تعال ...تعال شعندك لاحك وره البنيه ؟ احجي ها
هنا وسرمد جمد سكت تلعثم ماحجه شيء ....
_يلا ولي منا لا اخيسك بالسجن ادبسز
سرمد اشر ب ايدة على حنجه ....(معناه جاي يتوعد ل تينه بالشر)....
راح تينه جسمها ينتفظ خوف ...هالعسكري سحب لتينه كرسي واشرلها ب اصبعه اكعدي ....
ضاح ولد جاب الها بطل مي ...
_أشربي هدي اعصابج...مبينه انتي طالبه جامعه
تينه هزت براسها بمعنى "اي
_هذا شعندة وياج.....؟
تينه ضلت صافنه شتحجي ؟
بهدوء حركه مليئه بالتكاسل كامت ...
_متروحين منا اله اعرف شصار وياج ها وبعد اهلج يستلموج....
_لا...اهلي شنو لا ماكو شي....
أنت تقرأ
رجال لاتعرف الحب(مكتمله)
Genç Kız Edebiyatıهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
