:بت انجزي بقا هنتأخر على ام الدرس
:ما خلاص يا زفت مكنش خمس دقايق لبست فيهم، إلا قولي حلو الأوتفيت ياض يا ميتو
:جامده جداً يا بت يلا بقا يا بتوتي عشان نروح نفطر
:اي ده يا محمد هو احنا مش متأخرين ولا اي و المستر المفروض مش هيدخلنا الحصه و كده
محمد: درس اي يا فاطمه تعالي بس ده عم درويش عامل شوية فول جنان يستاهلوا بوقك يا بت
فاطمه: محمد هو احنا بجد دخلنا أولى اعدادي اي ده اي ده انا خلصت ابتدائي امتا قولي امتااااا؟؟؟؟
محمد: فاطمه فاطمه انت محسساني يا بنتي اننا أخر سنه تعليم لي هااا لييييي؟؟؟ يلا يا زفته جعان
فاطمه : يلا يا ميتو
و هنا تبدأ هذه النوفيلا
بعد مرور 6 أعوام
فاطمه بريبه:محمد
اردف محمد بملل:نعم يا عجله
فاطمه و كادت تبكي:اضحك عليا و قولي اننا مش هنروح اول درس في تالتة ثانوي اضحك عليا و قولي اننا لسه في 6 ابتدائي بالله عليك يا ميتو
حاول محمد بأن لا يضحك ولكن فشل في النهاية: فاطمه يا بنتي يا بنتي اكبري شوية بقا هو انت مش عايزه تقتنعي ليه اننا خلصنا ابتدائي و سنه و هندخل الجامعه لييييي
: يا عم انا خايفه انا كان مالي و مال التعليم بس انا كان اخري اعدادي و اتجوز الواد هاني بالوظه اردفت فاطمه بتلك الكلمات و هيا تمثل البكاء ثم أكملت : يلا عوضنا على الله تعالى ناكل عند عم درويش
محمد:لالالا مش من اول حصه نتأخر احنا مش قولنا هنشد من اول حصه في تالتة ثانوي ولا اي
فاطمه و هيا تتذكر اتفاقهم و هم ببداية مرحله الثانوي العام: و فاكر يسطا قولتلك اي احنا اخرنا نشد كوله ثم شعرت بوخزة في قلبها
:محمد انا قلبي مقبوض معرفش لي اردفت فاطمه بقلق
محمد بريبة: مالك يا بتوتي
فاطمه: معرفش خايفه لا المستر يطلع متحمرش ابنالمشمحترمه ثم بدأت في نوبه ضحكتها
محمد و كاد يبصق في وجهها:ابو شكلك يا عجله انت هيتحرش بيكي على اي من جمالك الفولتر يا بتوتي و مليون مره اقولك خلي بالك و انت بتضحكي في الشارع مش ماشي مع رقاصة انا
وكزته فاطمه في كتفه:طب غور كده امشي قدامي يا بتاع منال
محمد بدراما: اه منال الخاينه سابتني و اتجوزت واحد من سنها الهبله
فاطمه: يا عيني يا ابني بجد بجد ملهاش حق ازاي ازاي بجد بنت المشمحترمه تسيبك و انت أصغر منها ب 20 سنه ده اي الوقاحه دي
YOU ARE READING
قلوب مشتتة
Short Storyكانوا أصدقاء منذ الصغر و اصبحوا جيران في الاعدادية و وقع في حبها إنما هيا لا تراه سوى أخ لها و صديقها الوحيد لأنها أنطوائية للغاية قراءة ممتعه يا اعزائي:).
