الجنة ليست لها

الجزء الرابع والعشرين

وكعت گلبي أمير
وهسة شنو وديتوها دكتورة مستشفى

لا بس خابرنا وحدة عرف عدها سونار كالت لا تستعجلون احتمال عايش وحتمال نزل بالنزف
بس هية خايفه وتبجي تريد تحجي وياج
تكول منار بت عمتي منى هم صار عدها نزف وعمتي دارتها والطفل بقى مابي شي

اي صح بتي صارت عدها هاي الحاله بس بتي بشهر الثالث
ونتو بعدكم بشهر الثاني

زين هاج خاله حاجيها وطمنيها اليوم ماكو دكتورة لان جمعه
واخاف اوديها مستشفى امي تكول يلعبون بيها خليها نايمة منا يجي السبت وتشوفها دكتورة

صح كلام امك انطينياها

هاا عمة

هااا فطومه خنكتني العبرة من سمعت صوتها وهية باين عليها هم جانت تبحي

شجالج عمة ليش هيج صار وياج

عمة والله فجأة لا متحركة لا مسويه شي اصلاً من حللت لليوم عمتي متقبل اسوي شي تكلي ارتاحي منا من يجي الطفل

زين هسة انتي لازم نهائي متتحركين وحاولي ترفعين رجلج وخلي مخدة جواهن حتى الطفل يستقر مكانه مينزل
شون وضعج هسة مستمر لو لا

اي مستمر بس مو مثل البارحة
عمة منار بتج مو صار بيها مثلي

اي وهم اخذناها للمستشفى ورادو ينزلو لان حالتها خطرة جانت
وطلعتها من المستشفى على مسؤليتي وجبتها للبيت داريتها الى ان جابت

عمة احجيلي اعراضها وبيا شهر وشسويتي الها

حبيبتي هسة انتي اهم شي الحاله النفسيه لتخافين ولا تقلقين
اهم عامل للحامل الحاله النفسيه وعدم الخوف وتمسكي بالدعاء
او مو شرط الطفل نازل
منار جانت تنزف بس الطفل بي نبض
وحته جان يتحرك والنزف مستمر وبالمداراه والعنايه وصل للدنيه
عمتج هديل ترة تعرف

اي كالت الي بس اني خايفه وذكرت منار كتلهم نخابرها تعلمنه

لتخافين انتي من ترحين للدكتورة باجر
هية تنطيج علاج ومثبت وتعلمح شتسوين بس اوصيج اهم شي ابعدي الخوف منج واريدج تبشريني من ترجعين باجر من الدكتورة

خابرت امي وحجيتلها
كالت عدها علم بالصار وتدعيلهم
كتلهة يمة خنكتني العبرة من سمعت صوتها
كالت والله يمة اني هم بجيت ودعيت ربي يثبته الها ويجي بسلامة

ثاني يوم خابرتهم
جانو يم الدكتورة
والحمد لله رب العالمين الطفل بعدة ما نازل بالكيس موجود بس حالته  خطرة
وطالبه منها متتحرك نهائي وناطيتها مثبتات وعلاج
وكايله الها شهر وتجين اسويلج ربط بس خل يوكف النزف ونتأكد من نبض الطفل

خابرته
كتله امير ميحتاج اوصيك ونته ما تتوصه
خل الطفل يجي بسلامة
جنت تنتضرة بفارغ الصبر
داريها منا من تكمل الحمل وانتبه عليها وعلى حركتها
الشغل يا خاله ملحوك علي