Midnight Hunters (Completed) (Under Editing)

Chapter 10

Hunter's POV

Sinuot ko na ng maayos ang wig ko, tumitig ako sa salamin at nang makontento na'ko sa itsura ko ay lumabas na'ko sa kwarto ko.

“Teka, bago kayo bumili may ipapasundan muna ako sa inyo,” pigil samin ni Boss.

Humarap kami sakanya, ngumiti s'ya at nillahad ang isang litrato samin.

“S'ya ang panibago nating target,” sabi n'ya.

Tinignan namin ang litrato na binigay n'ya. Isang babaeng medyo may katandaan na, maikli ang buhok na kulay itim, medyo mataba din s'ya. Mukang masungit ang babaeng to base sa ekspresyon n'ya. Hindi s'ya naka ngiti at walang kabuhay-buhay ang mata, sa madaling salita nakasimangot s'ya.

“S'ya si Cynthia nakita ko ang babaeng yan na naninigaw ng bata, sinigawan din n'ya ang cashier sa fast food na kinakainan n'ya, tapos binato ng bote ang matandang gusto lang manlimos sakanya. Lagi ko yang nakikita kahit saang lugar, and believe me walang araw na hindi s'ya nag rereklamo o nagsusungit sa ibang tao.” napahalumbaba si Boss sa lamesa n'ya.

“That women is giving me a headache, rinig ko parin ang nakakairita n'yang boses. I want you two to follow her, to know where she live, get some information as well. She's just roaming around borth town mall at this hour, you will find her immediately. I don't want to give Hacker another load of work, come home before 12am.” Sabay kaming napatango ni Bullet.

“Yes Boss!” Sabay din naming sabi.

“You may go,” sabi n'ya. Tuluyan na kaming umalis.

Nilagay ko sa bulsa ko ang listahan ng grocery at hawak ko naman sa isang kamay ko ang picture ng babae. Sumakay kami ng taxi dahil napagod daw si Bullet kagabi, ako naman ay hindi pisikal, pero emosyonal na pagod. 

Sinandal ko ang ulo ko sa bintana ng sasakyan, pinanood ko ang dami ng sasakyan na dumadaan sa paligid. Si Bullet ay nakapikit ang mata at sa palagay ko ay natutulog na s'ya, muka ngang napagod. Ano kaya ang nangyare sa laban n'ya sa isang member ng pamilya Aragao?

Hindi ko pa din matanggap na naduwag ako at hindi man lang nagawa ang ipinapagawa sakin. Bumuntong hininga ako, hinintay kong makarating kami sa north town mall.

“Nandito na,” inalog ko nang onti ang balikat ni Bullet

Dumilat s'ya at agad nag bayad sa taxi driver. Bumaba na'ko at tinanaw ang madaming taong naglalabas pasok sa mall. Maaga pa pero napaka dami na agad ng tao, hinintay ko muna si Bullet.

Nang matapos s'ya nag-simula na kaming mag hanap sa babaeng pinapa-imbestiga ni Boss.

“Patingin nga ng itsura.” Binigay ko ang picture kay Bullet, habang tinitignan n'ya ay patuloy parin akong nagmamasid sa paligid.

Napakalawak dito sa north town mall. Saan kaya namin mahahanap ang babae na yon?

“Ang tanga mo naman, sinabi ko nang ayoko ng pineapple sa pizza ko! Bakit meron paring isa dito? How dare you do this to me! I want to see your manager, where is the manager?!” Nakarinig kami ng sigaw mula sa 'di kalayuan.

Nagkatinginan kami ni Bullet.

“Mukang hindi na tayo mahihirapang hanapin s'ya,” sabi ni Bullet.

Naglakad kami papalapit sa isang fast food na tanging tinitinda ay mga pizza. Nasa malayo palang si Cynthia pero rinig na sa kabilang kanto ang boses n'ya. Inaasahan ko nang si Cynthia yon, base sa paglalahad sakanya ni Boss ay walang dudang s'ya nga ang sumigaw.

Agad naming nakita ang taong sumisigaw, sa dami ba naman ng mga taong nakapaligid sakanya ay malamang makikita namin s'ya agad. Sinulyapan ko ang picture at ang mukha ng sumisigaw, hindi kami nagkamali, s'ya nga si Cynthia na tinutukoy ni Boss. Lumapit na kami, naabutan naming nag pupumilit syang pumasok sa loob para hanapin ata ang manager.