لبست لبس عروسة خفيف و بحط ميكب رقيق كدة مناسب للبيت منا عروسة بقي
دخل عليا لقيته بيقولى : انتي فاكرة نفسك حلوة ولا جميلة فوقي لنفسك انتي مفيكيش حاجه حلوة ولا تتتحبي
بصيتله وانا دموعي علي خدي وببتسم:مقولتلكش انا عاوزاك تحبني ولا قولت اني حلوة ولا جميلة وبعدين انت بتحكم عليا بمعايير اية؟
بتحكم عليا بمعايير حطتوها علي السوشيال ميديا وخلاص اللي مش عندها تبقي وحشة ياريت تحافظ علي الأمانة اللي اتحطت في ايدك
مشيت ودخلت اوضتي وفضلت اعيط
ده حسام
يبقي جوزي للاسف بابا بيحبه جدا لانه أبن صاحبه الله يرحمه وعشان كدة خلاني اتجوزه بالرغم أنه مبيطقنيش
صحيت من نومي حضرت الفطار لقيته داخل بيقولي: بسخرية:هه فاكرة كدة يعني هتخليني احبك
_بص بقي انا زهقت تمام أنا عملت اكل يكفينا عاوز تأكل اتفضل مش عاوز متاكلش وكل من اي حته نفسك فيها وياريت تبطل تفكيرك ده انا مش عاوزاك تحبني يا اخي اغنيها
......... صلي ع الحبيب........
مسك ايدي وقال: القطة المغمضه بقي ليها صوت هه فاكره لما كنتي بتتخبي ورايا زمان من العيال اللي بترخم عليكي كنتي لسة صغيرة وكنتي زي القمر تخيلي كنت بحبك اكيد مستغربة بس ياريتك ماكبرتي وياريتني ما حبيتك لانك خلتيني اكرهك أضعاف حبي ليكي وهتعيشي أسوأ ايام حياتك معايا
دخل اوضته وسابني مش فاهمة اي حاجة
انا أصحاب طفولة اه بس لما كبرنا بدأ يبعد عني ويعاملي بعنف ومبقاش يطقني ولحد دلوقتي مش فاهمة السبب في تغيره اية
لقيت بابا بيتصل رديت
_نعم يابابا
:عاملة اية مع حسام يا مليكه
_مش كويسة خالص يابابا
:كنت متأكد من كدة بس اللي عملتيه فيه مكنش هين
_عملت اية
:خليه يبقي يفهمك سلام
_بابا استني
قفل معايا وانا مش فاهمة اي حاجه.... يتبع
فوت وكومنت قمر عشان لو هكلم الروايه يا عثثيل🤎🧸
ليكو عليا انزلها كل يوم لو عوزين🤎🧸
ادمنت قسوتك بقلم ملك العربي🤎🧸
