𝐓𝐇𝐄 𝐎𝐑𝐏𝐇𝐀𝐍 ✔️

1

Uni

မျက်စိ​ရှေ့ကချစ်စဖွယ်​ကောင်​လေးကို အလိုမကျ​မှု​တွေပြည့်နှက်​နေတဲ့မျက်နှာဖြင့် ​ဟီဆွန်းရှုကြည့်​နေမိသည်။

ဂျယ်ယွန်းဆို​သော​​ကောင်​လေးငယ်ကို အပြစ်မြင်​နေမိတာ သူတစ်​ယောက်တည်းလား။ အိမ်ရှိလူအကုန်က​တော့ ထို​ကောင်​လေးရဲ့သနားကမားမျက်နှာ​လေးကို ကရုဏာသက်​နေ​ပေမယ့် ​ဟီဆွန်းကထိုထဲမပါ။

"က​လေး​မွေးစားချင်ရင် ငယ်ငယ်ရွယ်ရွယ်​လေး​တွေတစ်ပုံကြီး​လေ။ ဘာလို့ဒီအရွယ်ကို​ ခေါ်​မွေးရတာလဲ။" 

အရာအားလုံးအဆင်​ပြေ​ချော​မွေ့​နေကာကြမှ ​ဟီဆွန်းက အပြစ်​ပြော​လေ​တော့ ကျန်လူများမှာမျက်နှာပျက်ရသည်။ အထူးသဖြင့်​တော့ ချစ်စဖွယ်​ကောင်​လေးရှင်းမ်ဂျယ်ယွန်းပေါ့။ စိတ်မ​ကောင်းဖြစ်ချင်​နေ​ပေမယ့် နာကျင်မှုကို ကြိုးစားပြီးဖုံးကွယ်​နေရသလိုလို၊ ဒဏ်ရာ​တွေနဲ့​နေသားကျ​နေသလိုလို အရိုးခံမျက်နှာ​လေးလုပ်ပြ​နေလိုက်တာ။

တခြားသူ​တွေက တုံးအလို့ရှင်းမ်ဂျယ်ယွန်းရဲ့ သနားစရာမျက်ဝန်း​လေးတွေထဲ နစ်မွန်းသွားလားမသိ​ပေမယ့် အဲ့ထဲ​တော့​ဟီဆွန်းမပါပါ​​ချေ။

ဂျယ်ယွန်းဆို​သော​ကောင်​လေးက အရွယ်နဲ့မလိုက်​အောင် မာယာကြွယ်​ပေမယ့် အဲ့မာယာ​တွေကသူ့ဆီကို​​တော့တိုးမ​ပေါက်။ ဒါကိုမသိတဲ့ ထိုမိဘမဲ့​လေးကသူနဲ့ ကစားချင်​နေသည်ထင်။ အ​တော်​လေးရယ်ရသည်ဘဲ။

"ဒီကိစ္စနဲ့ပတ်သတ်ပြီး ​ဆွေး​​နွေးပြီးသား​လေ ​ဟီဆွန်းရဲ့။ ဘာလို့​ဖောက်လာတာလဲ။"

​ဟီဆွန်းရဲ့​အစ်မလုပ်သူ ​တစ်နည်းမဟုတ် မကြာခင်မှာဂျယ်ယွန်းရဲ့အ​မေဖြစ်လာမယ့် ​​ဂျောင်ဟီးက အ​ခြေအ​နေကို တည်ငြိမ်​အောင်ဝင်​ပြောသည်။

တစ်အိမ်လုံးမှာမှ ​ဟီဆွန်းတို့​မောင်နှမနှစ်​ယောက်ရယ်၊ ​​ဂျောင်ဟီးအမျိုးသား ​ဆောဟူရယ်၊ ပြီး​တော့​ဆောဟူအ​မေရယ် အိမ်သား​လေး​ယောက်ရှိပြီး ထို​လေး​ယောက်အနက် သုံး​ယောက်ကသ​ဘောတူထားတဲ့ကိစ္စကို ​ဟီဆွန်းတစ်​ယောက်တည်းကသာ ကန့်လန့်တိုက်​နေခြင်း။