كلنه كاعدين فرحانه بالمة
مسويه غدة لوجه الله تعالى بسلامة امي
اخويه فاضل اجة هوة وزوجته واختي هديل بس فاطمة ما جتي نايمة على ظهرها
حسين بكليته كال ماكدر اعوف المحاضرات دزولي حصتي
ومحمد ومرته
جاسم كال ماكدر لان شغل عدة
اخلاص او ولدها وزنوبه الشعنونه
ورهف جتي من الصبح تساعدني
ندكت الباب واجت عمتها الرهف تتحمد الامي سلامتها
من غير موعد المرة جايه متدري مسوين غده ثواب ومتدري اصلاً رهف
عدنه كل ظنها ابيت اهلي
طابخة اني شيخ محشي
ودجاج شوي وتمن برياني
وكبب تكلاه وطرشي ولبن ونعمة فضيله
فرشت السفرة والكل كاعد
امي خليت بايدها ماعونها تاكل منه
الدكتور كال خلوها تتحرك بس بمكانها لتكوم لان لازم تحرك عظلات ظهرها حتى التشنج يروح فاكعدها عالجربايه واسند ظهرها وجوانبها متسيطر بعدهي
تعبت كلش سوده علية
تباوع على ولدها ومرتاحة كدام عينها ملتمين
فتح الموضوع فاضل كال جايين خطابه على بنته
والناس خوش ناس والولد يعرفه
ويسألنه يكدر يسوي خطبه البنته وامي نايمة مريضه
كنالة
اذا جا نصيبها فالله يسهل امرها
مابيهة شي
وكال شوكت ترجع امي للبيت
كتله ترة متكدر حالياً تتحرك ولا تمشي
فيراد فترة شويه لما تعتمد على نفسها
هسة اني او ولدي كوة دنحركها
مو عاد ترجع للبيت هناك شلون
عاد اقلها جوة عيني
سكتو
حقهم يردون يشوفوها ويستصعبون الجيه عدي
ندكت الباب وطلع ابني فتح ودخل حسين جاي علينه من دوامة
شاف امي كاعدة
ابتسم ابتسامته المعتادة وكال الها
شنو هااي تعلمتي عالدلال
وكعد يشارك بالغدة
كتله
شعجب غيرت رايك وجيت
لا والله بس الاستاذ ماكو ما اجة فصار عندي محاضرة فارغه
كلت استغل الوقت وياكم
كتله ايه خو انته جتك من الله طلعات وطبات محد يحاسبك
هههه ضحك وكلي شسوي خوما ابقه بالبيت محبوس
اي وترجع بليل متأخر
لالا ابد والله من المغرب بالبيت ههههه دوام عدي وكعدة الصبح انام من وكت وداعتج
اطمن عليك غير
لان صكارتك نايمة عدي ههه
بس والله وحشة هية ماكو ويامن اكعد
تعال دائما عدي لو اله عزيمة
فاطمة هم دائماً نتراسل لو نتخابر نتطمن عن احوالها وهية هم تطمن على بيبيتها
فاطمة اصبحت انسانه ثانية تماماً
كتله من طيبه وحنان ولطافه وبسمة
رشاقه واناقه واهتمام
وبعد ماصار الحمل وتقدم
نضاف الهة صفه جديدة
الحرص والخوف على طفلها
اتصلت على جهاز امي بت عمها صبريه ام محمد
خطيه سامعه بامي من مدعومه ومسويلها عمليه
وتريد تجي وتطمن عليها
كتلها تجي على العنوان بيتي واني اطلع اجيبها
وتواعدنا على ثاني يوم
جتي
هية وبناتها طلعت الهم عالشارع قرب اقرب نقطه داله وصلتها للبيت
من دخلت وشافت حال امي
بجت عليها
حنينه هالمرة صراحة وطيبه
شكد تمنيت فاطمة تصير من نصيبها
ولو امير ما قاصر
بس تعبها الفاطمة بدايه حياتهم اله استقرو
وحتى مكام ياخذ الجهاز منها من يطلع
ولا يقفل الباب
واذا طلع يكلها اقفلي الباب ورايه
شافها وجربها مطيعه وحريصه على بيتها ونفسها
زالت شكوكة ومخاوفة والحمد لله
أنت تقرأ
الجنة ليست لها
Romanceالجنه تحت اقدام الامهات وضعها الله سبحانه جزاء للتي تستحقها فهل يا ترى ستكونين ممن يستحقونها فأن كان لكي فيها نصيب فنصيبي منكِ سيطردكِ منها قريباً بقلم قمر الزمان 💋💋
