مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أركان يگول : أمسكِ يدٰي فـ بقربكِ قاربُ النجاة
________________
اركان
نفتح الباب سلمت على علي بس وجهه ثكيل عبالك كاتل ابوه بس عذرته لان موقفه صعب ومتفهم حالته كل اللي ببالي انو راح تنحل السالفه بيناتنا لان احنه اهل واكيد متصير عشائريا لان راح يشهر اخته بين اقربائهم ونصير علج بحلوكگ الناس والسالفه برأيي ماتحتاج كل هذا التعقيد الحل الوحيد الي هوا انو نطلبها لياسر ونفض السالفه
اني ابدا مو ضد الحُب بالعكس تجربة حلوه مشاعر جديدة مرحلة من الحياة تستكشف نفسك بيها اكثر وتفهم تخبطات مشاعرك والدين ما محرم الحُب وانما حرم لجوء الحُب للمعاصي والذنوب اذا حبك طاهر ومن صدك تحس انك حبيت ارضي مشاعرك والشخص الي گدامك بالزواج ولا تلجأ للطرق القذره
جمال الحُب بنقاوته حب ابيض يستحق تبذل جهدك علموده ومن تسعى اله تكول يستاهل العذاب والليل الي سهرته علموده مو حب ارضاء الشهوات الي صاير مع الاسف منفعه للشباب اخذ الي يريده ويروح والبنيه ضاله بقوقعه الحب الي عامي عيونها عن الحقيقه المرأة الها رونقها وجمالها وشخصيتها تكدر تعيش ملكه على جيلها بحكمتها ورزانتها وتكدر تصير اسفل السافلين !
گعدنه بأستقبالهم والي چانت عباره عن غرفه متوسطه الحجم واغلب اثاثها بـ لون قهوائي وبني المتواجدين چانوا محمد وعلي وابو عزيز
الاب :" الله بالخير"
بلش ابوي بسوالف عاديه لان مايصير ندخل چفت بالموضوع وضعهم چان طبيعي وعادي خصوصا محمد بس علي مادري شبي متعصب احنه كعرب قبل مانكون عراقيين متشددين من ناحيه العلاقات فأني جدا متفهمه بس مامفتهم ليش هيج يتصرف اكثر شي اكرهه بالاشخاص الي يذبون حرگتهم بغير شخص ويزعلون عليه وهوا مو يم الموضوع اصلا وهذا اذا استمر افلش شي اسمه صداقة وادوس عليها لان معتقداتي فوگ كُلشي ....
الاب:" عمي احنه عرفنا الي صار من ابنه وهمه شباب وطايشين هوا هذا الوكت ماينحزر فجيناكم بنفس اليوم نحلها بوجه طيب وان شاء الله ماتوكف بوجهنه هاي السوالف عليمن نخليها سالفه عشائريه والناس تاكل وجوهنا من الحجي خل نزوجهم ونفض السالفه وان شاء الله تعذرونا على جيتنا بهل ضهاري"
