جُئتكَ بعدما ألمتني الحياة

بارت 3

السلام عليكم اسفة هواية ع التأخير
يلا نبدي
بقلمي ريڤوليت كريم
________
‏عندما نلتقي
لن يكون هناك مجال للفراغ بيننا
سأحتضنك
بقدرِ الأيام التي لم أراك فيها

وصلت للبيت والجماعة رجعوا لبيوتهم خواتِي واصلات
ندى للجبيرة وهنى وهُدى الصغيرة
ندى عدها 2 بنات و 3 ولد (قمر،شمس و علي ، سيف ،ذو الفقار)
هنى 2 بنات و 2 ولد(اسراء ،سُرى و علي ، سجاد )
وهدوة ملح البيت   بعدها  طالبة قانون سنة ثانية
عندي 4 اخوان
ضيغم الجبير  عندة 3 بنات و 4 ولد(ديما ،دينا، ريما انة سميتهم و أحمد ،محمد، سيف الدين، زين العابدين)
__
شهم عندة 3 بنات و 3  ولد (زينة،زُمرد،زمزم و زيد ،زياد ،زين العابدين)
__
اسحاق الوسطاني عندة 2 بنات  و 2 ولد( ريناس،ريناد و غيث،ليث )
__
وانة ورا اسحاق

__
وراي لهيب اصغر واحد واهدئنا عندة بنية وولد (مروة،الأكبر)

كُلهم طالعين بيت وحدهم وهذا احسن شيء حتى لا مشاكل ولا يصير كره ولو  البنات كلهن الله يستر عليهن بنات اصل ماتطلع منهن العيبة بس  هذا قانون عائلتنا آخر واحد  يتزوج هو يبقى وي اهلة 
عدنا ملك واراضي وحلال تعبانين عليه نحب ناكل اللكمة  من عرق جبينة ونلم فلوسنة ونبني بيوت وقصور بالحلال ولا فد يوم مّدينة ايدنة ع الحرام ولا راح يجي هذا اليوم كرامتنا عزيزة لا يوم انذلينة ولا واحد حجة علينا واليحجي ناخذ الحك مربع لا يوم اذينا واحد ولا كربنة صوب واحد  ومسينا بشيء ناس تحبنة وتحترمنة  ولو عدها شيء وكاعدة وفصل تدز علينا عبن كلها تعرفنة مانرضى لا بالظلم ولا بالغلط ..وهذهِ نعمة من الله محبة الناس نعمة واحترامهم نعمة اُمي   طالع من الدنيا بيها توكف الدنيا بعيني لو صابها شي  شايلة حنية وطيبة محد شايلها تحب جهال خواني هواي وكل مانكلها هاا بطلتني تحبينة تكول ماأعز من  الولد الا ولد الولد.. بالعائلة كل خميس كلها تتجمع ببيت العائلة الجبير ما نحب نكطع احنة كلب ع كلب واخواني اخذو نسوان هم معدلات وهاي هم نعمة ثانية من الله ولو عيشتنة لحد  هاي اللحظة هي أكبر نعمة
درست طب بالخارج ورجعت للعُراق دخلت  دورة عسكرية
والحمد لله الله وفقني بحياتي وبشغلي
حبيت من كم سنة ومارف كلبي لغيرها ماتحلى بعيني بس هالريم  نعمة الله من صارت الي محد يعرف بفرحتي بس الله فعلاً ريم جانت صلاتي السادسة بكل يوم اصلي ركعتين اطلب من الله تصير الي ولا يوم قطعت هالعادة والحمد لله صارت الي
مرات الإنسان شكد ماتشتد بي الحياة بالاخير الله يفرجها فرج ماجان يتوقعة
رجعت للسويت مالكيت أحد خابرت ادهم مأجر بيت لان البنات جايات وزوجاتهم
دزلي الموقع وصلت للبيت بس طبيت الهلاهل  اعتلت وبناتي يركصن وفرحانات 
ريما:واخيراً  عمو  حموت فرح

قسور:هههه روح عمج 

دينا:ايي اي عمي بس ريما روح عمها

قسور: انتِ الخير والبركة بنيتي