عائلتي الجديده

البارت الرابع والعشرون

البارت الرابع والعشرون
الكاتبه(سمو الملكه)

الحضن ميريد واحد مستحي وخجلان
حلات الشبگه من تبديها بالقسوه
وحلاة المايحب من يقتنع بالشيب
تبقه بروحه حسره الكلشي ما سوه !

تصويت⭐️⭐️
اجه يوم حنه شموسه حبيبتي طلعت اميره تجنن وانيهم مكيجت وياها وسويت تسريحه برم ع طول شعري طلعت اموت منو يشوفنا يكول ما شاء الله ع جمالكم فعلا طلعنا كلش حلوين والكوشه والترتيب مال حنه كله يخبل وفهد لابس قاط بيج يجنن طالع وجماعته واسد واخواني كلهم دشاديش وهو من اجه بقاط وبعدين بدلو وسو جلسه تصوير هي لبست قفطان وهو دشادشه طلعو يجننون وبيبي تفتر وتقرا ايات وبخرت البيت كله تخاف علينا
كصو الكيك وشربو عصير ولبسها ذهبها كلش هواي جايب ذهب حتى حجل وشباحيه وسلاح كلاده  جايبين الها نملت ملي ذهب بحيث كتلها اذا تعبتي جيبي اني اللبس بدالج ههههه وتمت الحنه بخير وسلامه وبس رتبنا البيت اني والبنات وحتى خالاتي وبنات خالاتي موجودات ساعدونا وراها بسرعه نمنا حتى نكعد من وكت للعرس  والعرس جان مختلط بقاعه بس للاقارب والعرف جماعتهم الي عائله ويه عائله يعني علاقه مثل الاهل بس عزموهم لان عرس مختلط ومايردون غريب موجود
كعدنا الصبح ورحنا اني وشمس وغزل وخالتي الصغيره وعمتي وخالتي ام اسد تجي بعدنا تمكيج وتطلع بسرعه لان هي المشرفه ع التنظيم
شمس مكيجت ولبست بدله ردن ملكيه تجننن حيل حلوه وسوت تسريحه تخبل طلعت ملكه تجنن
واني لبست فستان محجبات وربطه ستن ومكياج هادىء وغزل نفس الشي حتى نفس لون الفستان اوف وايت لبسنا  طلعنا مميزين نخبل
كملنا ورحنا للقاعه دخلو العرسان بدخوليه فخمه وتصوير يجننون فهد وشمسنا واسد واكف بطاوله يم جماعتهم الضباط تقريبا ٣ همه وعوائلهم جاين واحد خاطب واثنين عزابين واحد منهم يخبل طويل واسمر معظل مشال عينه مني حتى اتضايقت واسد عيونه تلحكني واي حركه اسويها متعجبه لو يجيني لو يدزلي رساله لاتسوين هيج واكعدي هيج ورحي اهناك بحيث اختنكت رحت لغرفه التبديل كعدت من القهر كلش قهرني الاسد خانكني خنك لان العرس بيه شباب وهم لان هذا الضابط مشال عينه وهو صديقه يستحي يعاركه او يطرده بس من طلعت تفاجئت اسد عاط عليه ام علي تعاي عبالي ع امي او اي شخص لاخ بس طلع عليه رحتله وهو واكف يم هذا الضابط لمعجب بيه كال اعرفج صديقي واخوي امير كتله تشرفت كله اعرفك ام علي مرتي هو دنك وكال كل الهلا بيج خويه تشرفنا
كتله بلمهلي الي الشرف وانصرفت من عدهم وحللت اسد سوه هيج لان اسد مو غشيم وشافه يباوع عليه او اكلني اكل بعيونه بحيث كلها انتبهت عليه و راد  يبعد عيون صديقه بطريقه مودبه عني الاسد
العرس جان حرفياً عرس ملكي من بدله العروس جانت ملكيه فخمه كلش ردن ومكياجها الناعم وتسريحتها الحلوه لفهد وجماله بالبدله الرسميه طالع جليته  جانت بدلته ابيض واسود حرفيا طالعين كيك للقاعه الفخمه وجمالها والحضور الي هو احنه الحلوين كلشي جان تّمٍُام تم العرس ومراسيمة باجمل شكل من جلسه تصوير ورقصهم سلو ورقص دبكه ورقص شرقي كلنا سوه وتقطيع الكيك وتبديل الحلقات كلشي جان حلو والعريس والعروسه مجان عاجبهم فندق ف فرغو الطابق الفوك كله الهم مال بيت جدو حتى ياخذون راحتهم بيه رغم غرفتهم جانت كلش جبيره هم وبيها حمام ومع ذالك كالو نفرغ الهم الطابق اول ٣ ايام ورا السبعه مالتهم جانو مقررين يسافرون يتونسون خلص العرس وطلعنا كلنا نزف العروسه والعريس لبيت العريس طبعا اني ع اساس اصعد ويه اسد وبعدين صعدت ويه فهد وشمس هههه لان اني صعدتها بالسياره بدلتها جبيره واني ساعدتها هي وفهد بالصدر واني ورا اردح واسد كل ما يجي يم سيارتنا يخزرني جان مصعد وياه جماعته اخر شي بعد انفجر خابرني
اسد: الو ها حبيبي شلونك اكولك اكعد لا تتحرك شويه واجيك
عسل: احم اسد انـي عسل!! شسالفه
اسد: تره ادري بس طالع حاليا وياي جماعتي بس ارجع اجيك
عسل: امممم اوك اوك ما اتحرك بس ترررره والله عرس اختي وابن عمي حرام عليك باي سديت المبايل بوجهه ضايجه وروحي طفرت من خابرني حتى العرسان انتبهو عليه فهد كال
فهد: عسل اليوم عرسي معليج باسد الارعن ركصي والعريس بظهرج وشخط السياره ابتعد عن سياره اسد كل البعد ههههه
واني بقيت اعيط كفوووو كفوووووو عمييييي كفووووو
وصلنا للبيت نزلت شمس انــي وفهد هو لازمها لان لابسه كبوس العرس واني رافعه بدلتها لان جانت البدله تنظف الشارع من الطول والضخامه  ف ساعدناها تدخل لبيت جدي نوب بالحديقه مال بيت جدي هم شغلو الديجي وهم كلها تركص ما شبعو ركص اني صرت ع صفحه اخاف من اسد بس يشوفني يكتلني
دخلو العروسه للبيت صعدت وامي واني وغزل وخالاتي وعماتي عشيره
ونوب نزلنا وصعد العريس زفو جماعته بالهوسات والركص اجواء تجنن جانت عرسهم احلى عرس بالدنيا
بيبي رادت تنطي لخالتي ام اسد العشه تصعده واني لزكته اله اصعده وياها واسد يخزر وميفيد لزكت لزكه وخاصه جدو جان يكول ي جدو ساعدي خالتج صعدي وياها العصائر والفواكه فديت جدي والله كبل صعدنا لكينه العروس بسيت العرس اوف وايت وذهبي يجنن جان والعريس ماكو يمكن بالحمام دخلت اني وخالتي واني اركص واهز بركبتي واغني واغمز لشمس بحيث اختي صارت حمره طماطه هههه طكيتها بضحكه قويه مال رقصات وطلعت ههههه نزلت ولكيت اسد يمكن جان يريد يصعدلي خطيه والله ضحكني يابه واكفلي ورافع حاجبه وبس منتضرني انزل حتى ياكلني من العصبيه واني شسويت نزلت ولازكة بخالتي ونوب ركضت لجدو احتمي بيه
جدو: شبيج بويه لاتوكعين عليش تركضين !
عسل: لا جدو شفت بزونه وخفت
اسد: هاااا هي بزونه تره متخوف اصلا انتي لتخوفين جنج جنيه
عسل: اوي اوي اجنون انييي داده
اسد....
اسد: عسل اصعدي جيبلي موبايلي فوك
عسل: انتة اصعد اخاف من البزونه ادري بيه يريد يلزمني يعاقبني
اسد: ما تدخل هنا اصعددددددي ع س ل
عسل :صاعده
عسل صعدت ادور ع الفون واقنع نفسي ميعاقبني اصلا هو يحبني ي واني حبيبته ايييي
ما اسمع الا الباب ينقفل
عسل: باوعتله وهي الدمعه وحدها تلئت بعيني من الخوف حجه بهدوء
اسد: تعاي يمي
اجيت يمه كعد ع الجربايه وكعدت يمه
اسد: ي بنيتي صايره وكحه وجسره وتمادين هواي مو صح؟ ف شيحتاج! يحتاج اعلمج كم شغله جديده مو باباتي حبيبة ابوها
عسل: اسودي والله والله بعد ما اعاندك واصير حبابه وهااا و و و عاقله هم
اسد: ( ضام الضحكة كوه ع شكلها من تشوفني عصبي تخاف والوجهه يصير احمر والعيون بيها دموع وتحجي بطريقه لو بيدي اللزمه وابلعها ع جمالها) اممممممم يعني بعد ما اتعبيني وتسمعين الكلام مو ست عسل (اتصنع العصبيه بس ويـن كدام الكل اسد بس يمها اصير اسدها ملكها وباسمها ) تنطبق عليه كدام ربعي اني السبع بس يا سبع كدامج
عسل: ي ي والله كلشي كلشي تكلي اسوي انزل جوه؟
اسد: تو تمددت ع الجربايه وجريتها نوميني ياله تنزلين
عسل: اسددددد
اسد: عيوني
عسل: اريد اقطك
اسد: شوكت تقطيني
عسل: من تفرغ
اسد: وشتقطيني بله( احجي وياها ومخلي ايدي ع عيني دانام والايد الثانيه جوه كتفها شابكها لصدري بيها)
عسل: اريدددددد حلويات واكل وفواكه الي الي مالتي وحدي
اسد: بس؟
عسل: وبعدددد مكياجججج وفساااتين واشيائات هووووواي
اسد: (تحجي وتعظم بالاشياء عود هي دتطلب هواي اشياء ضحكتني طريقتها جنها طفله بالضبط) زين عسل ابوج امج او علاوي ميجيبون حلويات واكل؟
عسل: لاااا لااااا يجيبون كومه هوووواي هووووواي بس انيييي مو كتلك بس الي اريد وانيييي اصلا اررررريد اقطك
اسد: مو هيج اذا يوميه تقطيني بعد ما اجمع فلوس وما اشتريلج بيت وحدج
عسل: شسوي بيت وحدي؟ اخاف
اسد: ليش تنامين براحتج تكعدين هم بكيفج تاكلين تشربين تطلعين تلبسين محد يكلج ع عينج حاجب غيري
عسل: عادي انييي احب هنا اعيش حتى لو يكولون الي اكعدي من وكت اكعد عادي واكل وياهم واللبس البس بغرفتي عادي ما اطلع ولا تجمع فلوس بس دللني
اسد: اذا على الدلال سهله تسوين الدلال بعد كلبي
هسه كافيييي اشششش اللعبي بشعري دانام
عسل: نوم العوافي
اسد: بستها بخدها وبراسها وبشفتها ونمت احلى نومه بحياتي

صوره بدله شمس فخمة وملكيه تقريباً تشبهه لهاي

صوره فستان عسل لطالعه اميره بالجمال والنزاكة

صوره الاميره الثانيه غزل اخت العريس طالعه متقل جمال عن بنات عمها

البنات لابسات ابيض لان جانو متفقين مسبقاً ويه شمس ع الابيض بعتبار همه صديقات العروسه
والامهات جانو لابسين قفاطين عائله كلها كشخه وفخامه👑♥️

شلونكم حبيباتي  بسكوتاتي الحلوات🥨🥖بارت خفيف لطيف لعيونكم♥️🤧

تصويت⭐️⭐️⭐️