#كاثرين
"حبيبي لاتنسى الساعه 7 ونص تعال مسويتلك مفاجأه بمناسبة ذكرى ثلاث سنين على تواعدنا"
غمزت لزين وهو عند الباب بيطلع عنده تمارين مع الشباب عشان بعد شهر حفلة ون دايركشن في مانشستر
سكر الباب وهو يصرخ
"بشتاقلك"
لفيت عالساعه 4 عندي ثلاث ساعات عشان أسوي له عشاء و البس نظفت الصاله وجبت الطاوله وحطيتها بوسط الصاله جهزت السي دي أغاني رومانتيك لمكس بين ماريو و ني يو و مايكل جاكسون المغنين اللي يحبهم واكيد الأغنية بأول مره تقابلنا مستحيل أنساها
all about us - He is We
شغلتها وبديت أغني معها وانا ارتب الشموع والمفرش حق الطاوله لما خلصت دخلت المطبخ وبديت أسوي الباستا حطيت المشروب بالثلاجه ورحت أشوف الساعه
اووه الساعه 6 سكرت النار وغطيت الباستا عشان ماتبرد
رحت أخذ لي شاور سريع لما خلصت لفيت جسمي بالمنشفه ، نشفت شعري واستشورته طلعت فستاني أبيض دانتيل قصير وبدون اكمام سويت شعري ويڤي وحطيت مكياج خفيف لبست الفستان والاكسسوار والكعب طلعت اركض للمطبخ أوففف الساعه 7 ونص
سخنت الأكل مره ثانيه وانتظرت زين
مرت نص ساعه ولسه ماجا
9:00
11:00
تضايقت كثير انتظره ولسه ماجا رميت الأكل الورده ذبلت و الشموع طفت حسيت بدمعه هربت مسحتها رحت الغرفه و بدلت ملابسي ربطت شعري ورحت أجلس بالصاله انتظره
12:17
حسيت بصوت فتح الباب وصحيت من غفوه وقفت عند الباب لقيته يعلق جاكيته ويرمي جزمته لف علي و إبتسم حسيت بغصه بس مآ أبي أبكي قدامه "مساء الخير حبيبتي اسف تأخرت"
قرب مني يحاول يبوس خدي دفيته رفعت حاجب وإبتسمت
"تأخرت؟! لا حبيبي انت جيت بدري"
عبس وجهه لما شاف أسلوبي سألته بنبره حاده
"وين كنت؟"
رفع حاجب وقرب
"ماحسيت بالوقت بس هذا أنا الحين موجود"
ماقدرت أمسك عصابي وبديت أصرخ
"موجووود !! أنا سويت العشا وتعبت عليه والحين رميته لأنه برد وكنت مسويه لك مفاجأه ..."
قطعني زين وبدا يصرخ نفسي
"مايهمني العشاء هذا أنا الحين عندك وش تبين بعد"
"وش أبي ؟ كل اللي كنت أبيه ليله وحده نقضيها بدون إزعاج بدون معجبات بدون صحافة ليله وحده مستر مالك ليله وحده وعجزت تسويها"
