قيد من حجر

بارت 36

(تسريع احداث)

ليس هناك جديد يذكر

شمس /

مستمره بحياتي، ،وكلشي ع طبيعته، ،حتى مشاكلنه الي بالبيت صارت عاديه، ،وممله، ،وروتينيه ..

اغلب المشاكل اتصير م̷ـــِْن اتزورنه سحر،،وخصوصا فتره حملها،،ضلت تجي واتروح ع اساس اهناك زوجها وامه مادايريلها بال ومامعتنين بيها،،واني متأكده انو هيه اتجذب،،هيه المشكلجيه واللسانها اشطوله بس مانكدر نحجي وياها

وعمتي محتاره اشلون اتجهز واتحضر للمولد القادم، ،اما شهد،،جابت وراحت وماخلوني اوصلها الا بعد شهر م̷ـــِْن ولادتها،،ولا احد جهزلها، ،ولا تعبو نفسهم واتحمدولها السلامه، ،رحت اني واسيل عصريه وياا عمي ابو شعلان ورجعنه ..

اسيل بأخر سنه الها بالكليه، ،وكلش شاطره ومتمكنه، ،وتحاول كد ماتكدر توصل الطموحاتها، ،وتحقق احلامها، ،واتصير مهندسه مثل ماتحب.

عبد •اللّـہ̣̥ دخل الكليه،،بس ليهسه مو عارف شيريد،،انجبر ع دخول الكليه،،وهوه مايحب الالتزام اصلا،،وكل مايكبر كل مايتعب ويه نفسه اكثر..احسه ضايع ومو عارف شيريد

جمال طلع معدل عالي وملتزم بالدوام والدراسه ع طول،،حتى ماشوفه، ،الا م̷ـــِْن يجي ع عبود،،ومرات اتعمد اطلع اني افتحله الباب ..

امي ع وضعها ماتغير شي،،غير بدت تنطق بعض الكلمات،،واتصيحني م̷ـــِْن تحتاج شي،،كللش اتعلقت بيه، ،وماتغفه أإأذأإأ مو اني يمها، ،والحمد لله احسها امان ليـّۓ رغم مرضها وتعبها ..

شعلان بعالم اخرر،،مايتواجد دايما يمنه،،وتقريبا اختفه، ،

واذا عاتبناه كال مٍشًغوٍلً ومو فارغ...

شهد/

عدت الايام واني مٍشًغوٍلًهُ  ابيت زوجي،،،مَـرّھٌ ويا عمي ومره ويا بنتي،،ومره مشاكل ويا عمتي،،

امجد حنون وطيب لَـگِنْ عصبي،،مرات احس م̷ـــِْن الصعب التعامل وياه،،لَـگِنْ رغم كلشي بديت اتأقلم،،واعرف اسباب راحته واوفرها اله

عمتي تعارك ع الشغل،،وطبعا مثل كل عمه وجنه اتصير مشاكل،،بس احسها لانت اشوي،،خصوصا واني شايله عمي ع راسي،،ومامخليته محتاج شي،،وهيه ماتتدخل لٱ بأكله ولا حتى علاجه،،تركت كلشي اليه

حماي اسعد حملت مرته،،وهيه ع وضعها ابد ماتحسنت علاقتهم،،وبدت تشكي منه ومن اسلوبه وياها،،واهلها اجو اخذوها بين ماتولد بالسلامه

اني اروح الاهلي بين فتره وفتره،،عصريات وارجع،،لانو امجد ايكولي همه مايجوج ولا يوجبوج فما ترحين،،

وبالتواسيل وخاطير شمس وامي الي ماتكدر توصلني،،ياخذني اشوي ونرجع ...

بالنسبه الشعلان اختفه تماما م̷ـــِْن حياتي،،واصلا بديت اركز واتعب اكثر ويا عائلتي،،لدرجه ماصار عِنـ.̷̷̸̷̐ـديّ  وقت افكر بيه، ،لَـگِنْ ليهسه، ،م̷ـــِْن تجيب شمس طرواه،،او تتكلم عنه بدون ماتنتبه، احس كلبي ايرفرف مثل الطير