ငယ်ငယ်ကတည်းကပေါင်းလာတဲ့ BB တို့မိန်းကလေးသူငယ်ချင်းအဖွဲ့မှာက BB အပါအဝင်လေးယောက်ရှိတယ်။ အဲ့ squad ထဲတစ်ယောက်မှာ ထားဝယ်မှာမိဘအိမ်ရှိတယ်။ (Hsu ပဲထားပါတော့) Hsu မှာဆယ်နှစ်ကြီးတဲ့ အကိုတစ်ယောက်ရှိတယ်။ BB နဲ့တော့မတွေ့ဖူးဘူး။ Hsu မိဘတွေရှမ်းပြည်ကအမျိုးတွေဆီ ခရီးထွက်သွားတော့ ထားဝယ်ကအိမ်မှာ သူ့အကိုပဲကျန်ခဲ့တယ်။ Hsu က သူ့အကိုဆီသွားလည်တာကို BBတို့လိုက်သွားရင်းနဲ့ squad လိုက် vacation သဘောမျိုးဖြစ်သွားတယ်။
ရန်ကုန်ကသွားတာ BB တို့squad လေးယောက်ရယ်၊ Hsu uni ကဘော်ဒါနှစ်ယောက်ရယ်။ စုစုပေါင်း ခြောက်ယောက်။ Hsu uni ကနှစ်ယောက်က gay couple လေးကွာ အရမ်းချစ်စရာကောင်းတာ။
အဲ့လိုနဲ့ BB တို့ထားဝယ်မှာ တစ်ပတ်နေဖို့ plan နဲ့သွားတာဆိုပေမယ့် ဟိုရောက်တော့အရမ်းတွေပျော်ပြီး 15ရက်နေဖြစ်သွားကြတယ်။ လူကြီးတွေလည်းမပါ 20ကျော်လူငယ်တွေချည်းပဲဆိုတော့ မသောက်တဲ့နေ့ မမူးတဲ့နေ့လို့ကိုမရှိတာ။
တစ်ဖွဲ့လုံးက Hsu ရဲ့အကိုကို ထားဝယ်ရောက်မှတွေ့ဖူးပြီး လူကြီးဆိုတော့ ရောက်စက နည်းနည်းရှိန်နေကြတာပေါ့။ ဒါပေမယ့် Thomas က လူငယ်ဆန်ပြီး အရမ်းဖော်ရွေတော့ နောက်နေ့မှာတင် ကိုယ်တွေsquad နဲ့အဖွဲ့ကျသွားရော။
Thomas က အသားညိုညို အရပ်ကငါးပေ တစ်ဆယ်လောက်ရှိမယ်။ ဆံပင်ခွေခွေ လူကောင်အရမ်းကြီးမထွားပေမယ့် ရှိသင့်တဲ့ကြွက်သားတွေကျစ်ကျစ်လစ်လစ်ရှိတယ်။ အရမ်းကြီးချောတာမဟုတ်ပေမယ့် အိိန္ဒိယအဆင်ဆိုတော့ တစိမ့်စိမ့်နဲ့မှကြည့်ကောင်းတာ။
ရောက်တဲ့နေ့မှာ BBက ခရီးပန်းပြီးတစ်နေကုန်အိပ်ပစ်လိုက်တယ်။ နိုးလာတော့ ဧည့်ခန်းမှာထိုင်နေတဲ့သူကထိုင်၊ ခြံထဲလမ်းဆင်းလျောက်တဲ့လူကလျောက်နဲ့ အားလုံးက ရန်ကုန်ရဲ့အငွေ့အသက်ကနေကင်းဝေးပြီး လွတ်လပ်နေကြတာ။ မျက်နှာတွေဘာတွေသစ်ပြီး BB ခြံထဲဆင်းတော့ Thomas က ကားရေဆေးနေတယ်။ Hsu ကလည်း ခုံတန်းမှာထိုင်ပြီး သူ့အကိုနဲ့စကားကောင်းနေတာ... BB ကိုမြင်တော့လှမ်းခေါ်တယ် ဒီမှာလာထိုင်ပေါ့။ အဲ့လိုနဲ့ သုံးယောက်သား ခြံထဲမှာ စကားတွေပြောကြပြီး BB နဲ့ Thomas ကခင်သွားရော။ Supernatural series တွေကြည့်တာချင်းတူတော့ ခနနေ BB တို့စကားဝိုင်းမှာ Hsu တောင်အပြင်ရောက်သွားတယ်။ အဲ့နေ့ကတော့ ဘယ်မှမသွားကြပဲ အိမ်ထဲမှာပဲနေပြီး စားကြသောက်ကြပေါ့။
