عاد أدهم الي غرفته وكان يفكر في حديث ابيه طوال الليل وفي طيف المسكينه حتي غفوت عينيه...
في صباح اليوم التالي.... استيقظ ادهم وهم من علي سريره سريعا لكي يذهب الي شغله لقد تأخر الوقت.. وعند خروجه من المنزل سمع صوت ابيه: ادهم تعالي عايزك
ادهم: متأخر يا بابا علي الشغل لما نيجي نتكلم
احمد: طب انا كمان نازل يلا بينا..
لم ينجح في الافلات من ابيه
احمد : ينفع اللي حصل امبارح دا؟
ادهم:آآ
احمد:قبل ما تتكلم كلمه انت مش ملاحظ ان الموضوع تطور شويه وانك بقيت واخد طيف تحت جناحك اوي وكمان مش مراعي شعور اخوك!
ادهم: في غضب اخويا! العيل دا؟
احمد :متقللش من شعور اخوك يا ادهم
أدهم :دا شغل عيال يا بابا وبعدين انا من زمان واخد طيف تحت جناحي زي ما بتقول ايه اللي جد؟
احمد: اللي جد ان طيف كبرت يا ادهم
ادهم: كبرت!
احمد: بنت داخله علي ١٦ سنه شايف انها مكبرتش!
ادهم: بس دي بن...
احمد: قبل ما تنطق دي بنتي هي مش بنتك وانت عارف كدا كويس يا ادهم وانا كنت ساكت طول الفتره اللي فاتت لانك بترعاها لأنها كانت صغيره بس البنت بتكبر وموضوع ان انت تبقي معاها دايما وتنزلو دا جد ومش مريحني ولا هيبسطني ولو حد من الجيران قال كلمه مش هيعجبني الامر واظن انت كمان
ادهم: مش ملاحظ ان الموضوع كبر شويه! وان انا اكبر من طيف بكتير اصلا عشان اي حد يشوفني معاها يتكلم بحاجة زي ما فدماغكم كدا
احمد : الفرق مبنكم 9 سنين يا أدهم يمكن ف نظرنا كتير لكن ف نظر بعض الناس لا وانت شايف طيف يعني بسم الله ماشاء الله بنت حلوه وزي القمر وبقت انسه وانا مش ناقص كلام
ادهم: في ضيق.. يعني يا بابا حضرتك عايز ايه دلوقتي
احمد : تبعد عن طيف شويه وتخليها تشوف حياتها لوحدها حبه
ادهم: وانا مش لازق فيها يا بابا
احمد:اسمع كلامي يا ادهم انت راجل وعندك 25 سنه اللي قدك ف الزمن دا متجوزين وعندهم عيال يا حبيبي مش عايز احس اني بتعامل مع طفل عادل مش بيتعام زيك كدا
ادهم: بتأفف برضو عادل
احمد :انت لو زعلان من عادل ف تبقي معندكش مخ لان دا ابنك انت اكبر منه ب ٩ سنين اعتبرو زي طيف يا اخي
ادهم: مش لسه قيلي ابعد عن طيف دلوقتي هعتبرو زيها؟
احمد: بص الكلام مش هيخلص هنا ف روح شغلك ونبقي نقعد مع بعض تاني
ادهم: ماشي ان شاء الله سلام...
...........
استيقظت طيف وهمت بفطورها و بدلت ملابسها وذهبت الي درسها وكانت تتمني ان تعدي هذه الايام علي خير وتخلص الاعدادية في سلام دون ضغط اكثر من هذا خوفا من ان تأثر في دراستها بسبب الذي يحدث معاها ف المنزل...
مروه: صباح الخير
طيف: صباح النور يا مروه
مروه: جاهزه للعد التنازلي لاخر سنه في الاعداديه
طيف: بحاول اكون جاهزه
مروه: انتي مش جاهزه دا انتي دحيحه يا حبيبتي ماشاء الله
طيف: مبقتش دحيحه يا مروه والله بسبب مشاكل كتير كدا
مروه: ليه في ايه طيب احكي؟
طيف: مش لازم دلوقت.. المهم هنعدي علي مامتك النهارده؟
مروه: اه ليه
طيف: لا هاجي معاكي اصل عجبني المكان وحابه اشوفو تاني
مروه: بأبتسامه عريضه بجد! كنت متأكده والله.
............
انتهي الدرس وذهب كلا من مروه و طيف الي المصنع مره اخري وكانت طيف هائمه في شكل المصنع بشكل الالات بتفاصيل المكان كله
مروه: واضح انه داخل دماغك اوي كمان
طيف: يعني حابه اتعلم حاجه تفيدني
مروه: انا بفكر اخلص اعداديه واقدم علي وظيفه
طيف: مش هتكلمي؟
مروه: زهقت بصراحه وبعدين فكره الشغل احسن بالنسبالي ذا انا هبقي موظفه قد الدنيا
طيف: مش معاكي بصراحه انا حابه اكمل اه الوظيفه حلوه بس اني اكمل واكون حاجه احسن دا شئ كويس برضو
مروه: الوظيفه مع تعليمي في المصنع دا جمب دا هيفدوني كتير
طيف: مش عارفه ولكن ربنا يقدملك اللي فيه الخير..
أنت تقرأ
طَيف🌺
Romance6.1973.. اليوم الذي ولدتُ فيه وسنه النصر كما تقول لي امُي مع إنني لبنانيه ولكن امُي كانت تقول لي أتيتي لتجلبي النصر لمصر بل الفخر لم يكن لمصر وحدها بل للوطن العربي اجمعه..
