طَيف🌺

طيف27

طيف :حسنا ابي سأحاول
أدهم : طيب يلا ننزل
طيف: ننزل! اين؟
ادهم: تحت في شقتنا يا طيف
طيف: لا يا ادهم انا تعبانه جدا مش حمل البيت تحت
ادهم: لا ما انتي زي الشاطره هتسمعي الكلام وهتباتي تحت كمان
طيف: كمان! لا لا ادهم بالله عليك
ادهم: انا مش هسيبك وانتي تعبانه كدا وبعدين موحشتكيش اوضتي؟ مقضيه فيها 7 سنين من عمرك وخلاص كدا عادي؟
طيف: تبتسم لا ابدا وحشتني بس انا مش لازم انزل تحت انا هكون بخير
ادهم:عشان خاطري هما يومين واطلعي بس اطمن عليكي وتبقي قدامي ووعد مني محدش هيضايقك تاني ابدا
طيف: بجد يا بابا؟
أدهم :بجد يا طيف،، يلا ادخلي هاتي حاجتك اللي هتحتجيها وانا مستنيكي هنا عشان ننزل...
طيف:حسنا..
..........
احمد :متطلع يا عادل تشوف اخوك فين هو غاب كدا ليه؟
عادل:حاضر يا بابا... وذهب عادل الي الاعلي ليتلقي بأدهم جالس علي الدرج... ادهم قاعد كدا ليه؟
ادهم:لا ابدا مستني طيف
عادل: مستنيها ليه انتو نازلين تاني؟
ادهم:لا هتنزل تقعد معانا ويومين
عادل:ابتسم دا بجد؟
ادهم: اه بجد
خرجت طيف.. لتلتقي بكلا من ادهم وعادل
عادل: ينظر الي طيف مبستما كنت عارف انك هتغيري رأيك
ادهم: يضحك بصوت عال
عادل:بتضحك علي ايه؟
ادهم: لا ولا حاجه مش يلا بينا احسن انا بقالي ساعه مستني
طيف: نظرت الي ادهم وابتسمت وتفهمت الأمر.... نزل الثلاثه الي الاسفل ليقابلهم احمد وزهره..
احمد: كنت فين يا ادهم كل دا... ظهرت طيف.. الا انتي هنا يا طيف
عادل: مبتسم اه يا بابا اقتنعت انها تقعد معانا يومين
ادهم:ينظر له في استغراب،، اه يا بابا طيف هتقعد معانا يومين بس ولما تتحسن هتطلع تاني دا شرطها
احمد: وهي الست طيف بقت غريبه يعني هتستأذن عشان تدخل البيت دا بيتها،، صح ولا ايه يا طيف
طيف : تنظر الي عمها وتبتسم وتهز راسها بالايجاب.. وكانت تدعو الله ان تمر الايام علي خير..
يلا يا زهره اختك طيف هتنام جمبك النهارده عشان تراعيها..
أدهم :يلاحقو في الكلام.. لا يا بابا طيف هتنام ف اوضتي زي ما كانت
احمد: ينظر الي ادهم في حذر... آآ بس هي لو نامت جمب زهره زهره هتاخد بالها منها
أدهم : هي حابه ترتاح لوحدها مش كدا يا طيف ولا تحبي تبقي مع زهره؟
طيف: نظرت لادهم اي شئ لا اكترث ابي
احمد: طب خلاص تنامي جمب زهره
زهره:يا بابا انا اوضتي لوكانده
احمد: ايه يا بنت اللي بتقوليه دا
ادهم: خلاص يا بابا هتنام ف اوضتي... تعالي يا طيف واخذ طيف الي الغرفه وفتح الباب لها منزلك الصغير الذي كنتي تحبيه يا طيفي..
تبتسم طيف : حقا اشتاق اليها...
ادهم: يضحك طيب يلا ارتاحي وانا هجهز الاكل واجي نتعشي سوا
طيف:ابتسمت وغلقت الباب خلفها..
ادهم:تنهد بأرتياح وكأن عادت له روحه من جديد،، طفلته اصبحت هنا من جديد..
زهره: تدخل علي ولدتها الاوضه.. ماما طيف هنا
فطيمه: هنا فين؟
زهره: هنا يا ماما في البيت
فطيمه:بتعمل ايه يعني؟
زهره:هتبات هنا كام يوم
فطيمه: نعم؟ كام يوم؟ هي مشيت عشان ترجع تاني ولا وحشها انها تخنقنا
احمد:يدخل عليهم في ايه يا فطيمه صوتك عالي ليه؟
فطيمه:هو الكلام اللي بتقولو زهره دا صحيح؟
احمد: ايوا صحيح
فطيمه: تاني يا احمد ما صدقنا خلصنا منها دي واكله عقل عيالي وبتاخدهم مني
احمد: بطلي الكلام اللي بتقوليه دا وبعدين البنت تعبانه ومهما كان دي بنت اخويا وهتقعد كام يوم وهتطلع تاني
فطيمه: وانا هستني لما تكسب عيالي في صفها اكتر واكتر في الكام يوم دول!
احمد: هو احنا في حرب تكسب عيالك! بقولك ايه يا فطيمه انا مش فاضي لكلام العيال بتاعك دا وعيالك مش اطفال هتخطفهم منك ودي عيله انتي اللي بتعمليها كأنها ضرتك
فطيمه: متنكرش انها بتاخد عيا....
يدخل ادهم عليهم الغرفه..
ادهم: ممكن دقيقه بس بعد اذنكم؟
احمد :خير يا ادهم في ايه؟
ادهم :طيف جايه تقعد يومين ف بعد اذنكم والكلام موجه ليكي يا ماما بعد اذنك مش عايزين خناق ولا كلام يضايق طيف تعبانه واعصابها تعبانه خالص والدكتور قالي لازم تعدي الفتره دي علي خير عشان الموضوع ميزدش
فطيمه: شوف يا احمد ابنك بيخصصني انا بالكلام ازاي
احمد: الكلام اللي بتقولو دا بجد يا ادهم
ادهم: والله بجد يا بابا طيف مش مستحمله اي حاجه بجد وفي ضغط عليها كبير ف نحاول نهون الامور شويه انا مش بخصص حد بس مش عايز مشاكل تحصل خالص
فطيمه: وهي هتحكمنا في بيتنا يعني؟
ادهم:يتنهد انا مقولتش هتحكمكم انا اللي قولتو بلاش مشاكل بس كدا وهي يومين وهتطلع تاني بس تبقي كويسه
فطيمه: اه واليومين يسحبو شهر والشهر يسحب سنه مهي كانت جايه يومين وقعدت 7 سنين بحالهم علي قلبنا
ادهم:نظر الي امه وغصب.. ثم وجه الكلام لأبيه.. بابا اظن حضرتك فهمتني ياريت تفهمهم وهما يومين بس والله... ثم خرج من الغرفه...