ام شمس : يمه شمس تعالي صبيت الاكل
شمس : لحظه يمه بس اكمل البيدي
ام شمس : راح تموتني هاي البنيه ٢٤ س بغرفتها حتى اكل متاكل
درع : عوفيها يمه تدرين بيها تقرأ قابل شتسوي بلغرفة
ام شمس : يمه المن تقرأ وهيه اول وتالي تتزوج تفيدها شهاده ؟هاي التخرجوا شحصلواا؟
درع بأستغراب !: شنووو ؟ يمه شدتحجين هاي عود انتي العاقله البنيه سلاحها الشهاده سلاحه الوحيد الي تكدر بي تحارب الف واحد واذا ماتعينت فهلشي مو ذنبها اذا حكومتنا فاشلة وان شاء الله لذاك الوقت الله كريم.
ام شمس: يمه لاتضل تحجي هيج كدام اختك تدري بابن عمك رايدها وتعرف هناك ميحبون وحده تدرس
درع : ومنو كلج اني موافق علي لو يبقى اخر رجال بلعالم مانطي اختي ،وشمس راح تكمل دراسة وموضوع الزواج ينسد هسه ، وابنج ايهم وين المسعد ماشوفه بس من يريد فلوس راح يموتني ناقص عمر
شمس :نزلت من الدرج واسمع امي ودرع يحجون وسمعت كل حجيهم بس مشافوني كلش فرحت من موقف درع دائما ويكفيلي ويحب يشوفني واصله اتذكر مره من المرات. جنا صغار فدنلعب وي بيت عمي وجان ابن عمي يدفعني وكعت وضليت ابجي طفله برئيه والعيون كبار والشعر الذهبي طاير وي نسمات الهوى شافني درع وتخبل وزاد خباله من شاف رجلي كلها دم كام تعارك وي ابن عمي وضربه وكله ديربالك اشوفك يمها
اجه شالني وايدناتي الصغار محاوطاته جان عمري ٧ وهو ١١س بس بنية جسمه ضخمه فجان طويل وحلو من صغره.
بهل اثناء أسمع الباب يندك اندك هوايه مادري لحد ماا امي صاحت منو فزيت من صفنتي وركضت ع غرفه ماريد احد يشوفني وخصوصا ابن عمي اللزكه
ام شمس: منو!
ابرار:اني عمه ابرار
ام شمس : هلا يمه جايه
فتحت الباب وسلم
ام شمس : تفضل يمه
ابرار : درع او ايهم هنا ؟
بهل اثناء درع كام للحمام حتى يسبح فمايعرف منو اجه طلع من الحمام وجان يشوف ابرار كباله وهوه كلش يضوج من عنده لان بصغرهم جانو ميحبوهم ودوم ياذوهم هوه واخته
ايهم :اهلا 🙂
ابرار : هلا ابن العم شلونك جايك بشغلة ؟
ايهم : خير ياطير
ابرار :ان شاء الله خير
ايهم : تفضل احجي.
.....................
اول بارت من القصه اذا شفت تفاعل انزل الباقي كاتبة مبتدئه واتمنى تعجبكم القصه. اذا عجبتكم لاتنسون الدعم حتى استمر 👍🏻
