تبارك ... اليوم خلصت امتحانات وجايتني العطله كلش فرحانه رجعت من المدرسه دخلت للبيت فارغ بي بس بيبي ام امي كلهم بالدوام دخلت عليه ببسته ورحت بدلت ونزلت سويت غده ع السريع طبعاا كلشي اعرف اطبخ كل مره ماما تطبخ باليل بس اليوم اني كلتله اني ارجع واسوي غده كملت الاكل اذن الاذان رحت صليت ورجعت اجوي من الدوام
بابا .. الله شنو هالريحه اليوم مبين الاكل يجنن
ماما ... شنو قصدك يومي اكلي مو طيب
بابا ... لا يروحي انتي طبخج يجننن بس اليوم وردتي
مسويه اكل يعني مايتفوت وانتي اصلا محد يوصل طبخج يروحي
تبارك ... بست بابا وماما وضحكت على ماما شون تغار مني 😂😂
.. راحوا غيروا ملابسهم وصلوا اجوا اني مجهزه الاكل ومايخله اكيد من عركي اني واخواني علاوي و زيوني
سيف جان ملتحق
جان بابا يكول .. حضروا نفسكم عكب باجر انروح للناصريه عمكم خابرني وعزمنه يمهم نروح نغير جو لان عطله
اني فرحت لان راح اشوف بنين وهم حبيب كلبي مسلم
اني كلش احبه ماعرف ليش وهوه مادايرلي بال يمكن (يكرهني بس ماعرف ليش اني ماعندي اذيه على احد
وبس اضحك ومااحب ازعل لو ازعل واحدي علي اتخبل
وهوه اني خبله وعفويه كلش )
.. فرحت حضنت بابا وكلته خلي اروح اخضر نفسي هم يله الحك ورحت ركض صعدت الغرفتي خابرت بنين وكتله فرحت وضلينه نسولف على الامتحانات شويه وسديته كمت سويت تنضيف بشره وماسكات وهاي السوالف بعدين طلعت جنطه وخليت بيه ملابسي الي اخذهن وياي كملت ونمت ماكعدت اله الساعه ب 3 باليل شفت الساعه حيل هاي شكد نايمه اني .. كمت غسلتةونزل جوه جوعانه طلعت اكل مبقيلي من العشه بيتزا وصاج وكولا حميتهن بالمايكرويف وكعدت اكل ومطلعه مسلسلي واباوع كملت صعدت الغرفتي وكعدت اباوع
اذن الفجر كمت صليت ورجعت هم نمت كعدت بالعشره علاوي يكعد بيه
علي .. خاب يله اكعدي اشكد نمتي الخاطر الله شاربه منوم بس اريد اعرف كومي
... اييي كمت شبيك اكو واحد هيج يكعد
علي.. اي اني هيج اكعد يله كومي
.. اييي كمت كمت
غسلت وفرشت اسناني وغيرت لبسي وخليت عطر ونزلت
... صباح الخييييييييرررر
زيوني .. وسم طرشتينه على كيفج
. ... دكول صباح النور شبيك كبل استلمتني
بيبي .. كافي ولكم كبل تناكرتوا . تعالي حبيبتي صباح النور تعالي تريكي
.. بوست بيبي وكعد اكل زيوني طلع وعلي راح الغرفته ماما راحت للمستشفى على مود تاخذ اجازه
وبابا طلع عنده شغل واليوم باليل سيف يجي
مر اليوم عادي
اجه سيف واني كلش احبه واعده وهو هم اعتبره مثل ابوي من كد ما حريص علي وخاف علي
رحت بوسته وضليت حاضنته ماريد اعوفه لان كلش مشتاقتله وكتله
... ليش تأخرت صارلك 15 يوم مجاي مو على اساس كل 10 ايام تجي
سيف.. يروحي ولله شغل فوك راسي وصديقي صار عنده ضرف وني سديت مكانه
.... اوك حبيبي بس بعد لا تتأخر هيج لان ولله اشتاقلك
سيف .. انشاء الله يروحي يله كلبي ميت جوع اريد اكل من اديج الحلوات
... يدلل سيوفي هوه امي شكم سيوفي عندي دقايق والاكل يمك بسته ورحت
