روح لم تنجو من الحب ..

بارت 4

جوجو: مب مجرمه بس لازم يعلمونا هاذي الاشياء
عمر: وش لون انتي مب في كلية طب؟
جوجو: الى بس انا ليه رموني في ذي القرية لانها خطرة ويمكن ينقلوني لمكان اخطر وكذا فا عشان كذا يعلمونا على الاشياء ذي وكيف اتعامل مع الوضع اذا صار اقتحام او استيلاء على سيارات مصفحه وها الله بلاني فيكم
مصلح: بس والله انك تعرفين تسوقين احسن من عمر
وضحكت ضحكه خفيفه
رشاش: اقول خلو عنكم سوالف وانقلعو نامو
وراحو لخيمهم وصارت ساعه ٣ وجوجو ماجاها نوم وطلعت برا تطالع نجوم وجاء عمر
عمر: اجوان وش بلاك مانمتي
جوجو: تفكير لعب بحسبتي
عمر: أبسئلك انتي مقتنعه بالي تسوينه هذا؟
جوجو: طبعاً لا غصباً عني
عمر: طب ليه اشوفك كذا كنه عاجبك الوضع
جوجو: عيونك تشوف بس انت ماتدري بالي جواي ووش افكر فيه الحمدالله انه الي جوا مغطى ولا احد يعايرنا فيه او يتشمت فيه
عمر: وش تفكرين به
جوجو: افكر وش بيصير لي بصير من دكتوره لمجرمه او اتأقلم مع الوضع وبعدين يحلها الف حلال ولا احاول اهج وبعدها تقتلوني كأني راميه نفسي بنار انت وش رايك
عمر مسك ذقنها وعدل جلسته
عمر: رأي انك تصبرين والي كاتبه ربي بيصير وحاولي انهم مايغسلون عقلك شفيني من يوم تورطت وانا متألقم ولا غسلو عقلي
جوجو: من ناحية يغسلون عقلي تطمن واخاف احط كتافي بكتاف رشاش ويخذلني لانه ماله مصلحه انه يساعدني اما انت ولد عمه خوي دربه
عمر: حطي كتافك بكتافي
جوجو: وش لون وانت حاط املك كله برشاش
عمر: ماعليك انا ابعرف اتصرف
جوجو: رشاش ممشيك على سراط المستقيم وانت تقولي بتتصرف
عمر بعصبية خفيفه: مو معناته انه ممشيني على سراط المستقيم معناته مقدر امشي كلمتي عليه او اسوي شي الي فراسي... اااسف
واجوان صمت وفجاء حطت راسها على كتفه
اجوان: عمر طبيعي اني قاعده اشوف المستقبل
وعمر قعد يلعب بشعرها
عمر: وش لون
اجوان: افكار تلعب فيني وتقولي مارح اعيش وانه هاذي اخر ايامي
عمر: انتي قلتيها بنفسك افكار لا تودي ولا تجيب
اجوان: مو بس كذا قاعده اتحلم بناس مااعرفهم ميتين في نغزات بقلبي
عمر خاف شوي بس مابين خوفه
عمر: هاذي احلام ونغزات ماتدل الى على صبر
اجوان: ياعمر انا نويت صبر بس دموعي خانتني يمكن انه الموت قاعد يقرب مني وانا مو حاسة فيه
وعمر مسح دموعها وحط يده تحت عيونها
عمر: تو تو لا تقولين كذ هاذي افكار تلعب فيك وبس لا تخلينها تستغل ضعفك
واجوان انهارت وعمر حضنها وانسدحت على ركبة وكان يمسح على شعرها كأنها قطو ونامت على حضنه وعرف انها نامت وشالها وحطها على خيمتها وفرد ركبه وحطها بخيمتها وكان يمسح على شعرها وغفت عينه ونامو وصحى رشاش وراح يشيك على خيمة عمر ومالقاه وراح لخيمة اجوان ولقاهم ومصلح ومهل لحقوه
مهل: ول ول
مصلح: ياعصافير قومو
جوجو: وجع وش في.."شهقه" عمر وش تسوي عندي
عمر: بسم الله وس اسوي عندك
جوجو: أسئل نفسك وبعدين انتم وش تسون بعد تقلعو
وقامت ومسكت يد عمر وقومته ونست تفك يده وطلعو
سلطان: اوووف
عمر: جوجو يدي
وفكتها وكانت منحرجه
رشاش: امشو افطرو
وراحو فطرو ولمو الحوسة
رشاش: ابروح مشوار ابو يومين واعود عندي شغله ابخلصها انتبهو على جوجو لا تهج وانتبهو على عمر
جوجو: وشنب الي بوجهه زينه
رشاش: مشانا قحص مصلح
وجلسو يسولفون
سلطان: الى وش لون دخلتي كلية طب
جوجو: تخرجت من ثانويه ودخلت تخصص طب وخلصت الجامعة يوم كان عمري 19 قدمت على كل الوضايف وكلها في قلعة وادرين فا اضطريت احاول اقنع اهلي واقنعتهم بعد ماطلعت روحي بحجة انه كلام ناس والقبيلة ان البنت ما تسافر لحالها بدون محرم ومن الكلام ذا وعشان لا تطيح شرفهم وصملت على الي ابيه هددتهم بكل طرق طلعت من البيت كم يوم انعزلت عنهم اسبوع سويت كل شي لين وافقو مع ان اخواني كانو موافين واخوي كان مستعد يعلمني سواقه ويخليني اروح وبالفعل علمني سواقه والامور هاذي وعلمني على اشياء ثانيه واختي بعد ماقصرت ضبطتلي سكن وعلاقات بالمستشفى وبعدها رحت للعليا وها الحين خطفتوني واتوقع اهلي بلغو وقاعدين يدوروني الى انت شلون دخلت المجال ذا انت واخوك
وقالها سالفة واتوقع الكل يعرفها
جوجو: بالله تركت دراساتك عشان هذا؟
سلطان: اخوي ماني مخليه ماله غيري اخوي ماله دخل بالعكس بغى يبعدني عن المخدرات وسربته ذي
اجوان: اوليه بغى يبعدك عن سربته ذي وصار اخس منك
سلطان: سعيد فرمتني وفرمته وماخفيك شايفك انتي وعمر من يوم جيتو 
واجوان ابتسمت وناضرت له وهو نفس شي
سلطان: جاك ذيب على طاريه وش سويت
جوجى: وش سويتو... انطقو
رشاش: تفاهمنا مع واحد
عمر: طارق صح؟
جوجو: من طارق
عمر: طارق رجالاً حقير ومايهمه الى الفلس بياع مع رشاش في الحرس ولما درى انه السالفة فيها فلوس خر كل شي
يتبععع..