T h e H e l l D i v i n e♡︎

Part 11

Unicode

ယခုအခြေအနေသည်အလွန်အင်မတန်မှတုန်လှုပ်ခြောက်ခြားဖွယ်ကောင်းနေ၏။ဩဂတ်စတပ်စ်ဆေးဗီးရပ်စ်အတွက်သူအသက်တမျှမြတ်နိုးရတဲ့လူကိုဆုံးရှုံးရဖို့စက္ကန့်ပိုင်းမျှသာလိုတော့သည်။ဘတ်သနီသူမမျက်လုံးထဲမှအစိမ်းရောင်အခိုးငွေ့များကိုဖယ်ရှားလိုက်ပြီး လော်ရီ့ကိုလှမ်းကြည့်လိုက်သည်။

လော်ရီသည်လမ်းမထက်ဝယ်အရုပ်ကြိုးပြတ်လဲကျလို့နေ၏။သူ၏ဘေးနားတွင် အနက်ရောင်အခိုးအရှိန်အငွေ့များပြည့်နှက်နေပြီးအနားကပ်ရန်လဲမလွယ်လှပေ။စခန်းတစ်ခုလုံး၏လူများနှင့်မေးလီးစ်တို့လဲရှိသည်။

သူ့အရှေ့၌လဲကျနေသောအကောင်ပေါင်းများစွာသောHellhoundsတွေကမလှုပ်မရွငြိမ်သက်လို့နေပြီး puppetsအများစုဟာလဲခန္ဓာကိုယ်ဟိုတစ်စဒီတစ်စနှင့်နေရာအနှံ့အပြား၊အဆောက်အအုံအနှံ့အပြားတွင်ကပ်ညိတွယ်လို့နေ၏။လော်ရီ့ထံသို့သာဦးတည်ပြီးလာနေသောအကောင်တို့သည်သူတို့ရောက်နေရာအရပ်တွင်ပဲသေကြေပျက်စီးလို့နေပြီးသွေးအလိမ်းလိမ်းနှင့်ဖြစ်လို့နေလေသည်။

breaths loudly*

လော်ရီအသက်ကိုခပ်ပြင်းပြင်းရှုနေသည်။လက်နှစ်ဖက်ကိုကြမ်းပြင်ပေါ်ထောက်ကာဒူးထောက်ထား၍မျက်နှာကိုအောက်သို့ငုံ့စိုက်နေသောလော်ရီ့ထံတွင်သေမင်း၏ကောင်းချီးအပြည့်ရှိ၏။

"လော်ရီ..."

ဝေရီနှင်းခပ်တိုးတိုးခေါ်လိုက်သည်။ခန့်သွေးကဝေရီ့ကိုအနောက်ကနေမသွားရန်သတိပေးသည်။သို့သော်ဝေရီကသူ၏လက်ကိုပုတ်ထုတ်ကာရှေ့သို့တိုးကပ်လာသည်။

"လော်ရီ..အဆင်ပြေရဲ့လား"

"ငါ...ငါ.."

ကလေးအချို့ကကြောက်၍ရောက်ရာရင်ခွင်ထဲတွင်ခိုလှုံနေပြီးတစ်ချို့ကတော့ကြောက်ကြောက်လန့်လန့်ဖြင့်သာကြည့်ရှုနေကြသည်။မေးလီးစ်နှင့်လူးမီးယက်စ်တို့၏ဝံပုလွေခန္ဓာကိုယ်တစ်ပိုင်းတစ်စကအကြီးအကျယ်ဒဏ်ရာရထားလေ၏။

ဘေးနားတွင်လဲကျနေသောဝံပုလွေအချို့လဲရှိပြီးအရိပ်အကဲကြည့်နေကြသော ဒဏ်ရာရဝံပုလွေအချို့။ရုတ်တရက်ဝံပုလွေအားလုံးရဲ့နားရွက်တွေထောင်လို့သွားသည်။ခေတ္တမျှနားစွန့်ပြီးလျှင်ဝံပုလွေအားလုံးတစ်ကောင်ကိုယ်တစ်ကောင်ကြည့်ကာကုန်းရုန်းကာထလာကြသည်။Hellhoundsတွေအစုလိုက်အပြုံလိုက်ထပ်ရောက်လာပြန်ပြီ။