حبابة لاتعوفينا، بابا بابا لااا بابااااا
—فزيت مرعوبة نفس الحلم من سنين كل يوم اتحلمة واقعد مرعوبة، مااعرف شوكت اقدر اتخطى هذة الحادثة
= ييي. تأخرت بالقعدة راح اتبهذل، تفقدت اخواني نايمين نزلت ع السريع اسوي الريوق قبل لايحجون علية، فترة امتحانات ومابية اسمع اي رزالة
=كملت الهم الاكل ورحت ادرس، واني فارشة كتبي واباوع على المطر شلون ينزل على اوراق الشجر والزرع، لفت انتباهي بزونة حسيتها خايفة على بنتها الصغيرة وتريد تلقة مكان دافي الها والبنتها يحميهم من المطر والبرد
—رجعت بية الذكريات للايام الاليمة
—ماما كلش بردت وماكو غطة كلة يمج
—ايي شسويلج هاي امكانية ابوج كم بطانية وكم فراش ولاصوبة بيها خير ولا شي ندفة بي
—زين ماما غطينا وياج بلكي ندفة سوة
=لالالا بطني توجعني وماادفة اذا احد وياي شسوي الابوكم يكوم بالاطفال وهو فلوس مصرف وفراش ماعندة
—رجعت الواقعي على صوت سرمد
=سحر سحر سامر وجعفر تعاركوا
—ركضت لا يربي كم مرة قلتلة ماريد مشاكل، رحت شفتهم واحد لازم الثاني من بلوزة وزوجة عمي تسب وتغلط بسامر وتحاول تفاككهم سحبت اخوية من جعغر بصعوبة اخذت اخوية وصعدت لغرفتنا
—سامر شنو هاي السوالف اني شقلت احنة شحجينا
=سحر هو داس ببطني يقلي، سكت بلع ريقة نوب كمل يقلي شنو سبب وفاة ابوك وامك وين، قام يبجي، عمة هالة تسميني ابن الشاردة
—مسحت دموعة وحضنتة، روح روحي لاتبجي لو تدري شيصير بروحي من اشوفك أنتَ لو سرمد تبجون، مابقة شي والله كم سنة واطلعكم منا
—حبابة بااسرع وقت كلش اضوج من يحجون على اهلنا هيج
—هزيت راسي وهو راح يلعب ويا الاطفال،. تنهدت وكملت قرايتي
هالة: اذا خلصتي تضياع الوقت مالتج اريد اقلج شغلة
—اي قولي عمة خلصت قراية
=تقرة على اساس راح تصير عالمة مثل امها
—كل ماتجيب طاري امي احس رشت ملح على جروح ماضية
=المهم مو ردتي شغل بعد ماتطردتي من شغلج القديم
—اي اي محتاجة شغلة كلشش
=صديقتي تريد خدامة
—خدامة؟! صعبة
=غير تكعد ترى مشتغلة بيها مو اول مرة حتى تنفعلين واذا على هذيج السالفة
—هاهي گولي الصديقتج موافقة، شوكت تريد ابدي
=ابدي باجر، اخلي اسامة يوصلج الها
—تمام، صعدت ارتب جدولي المدرسي واسوي جدول جديد ليومي قسمت يومي قراية وشغل واعتناء بااخوني وشغل البيت،
وجدان: سحر ماما تكول تعالي اكوي ملابس اسامةوخالة عبير تريدج تنظفين غرفهم ولاتنسي علاج بيبي
=بس عندي امتحان مهم وهم لازم ادرس اخواني
—والله هذا الحجي قولي الماما وخالة
=خلص جاية وياج
"اشتغل واني ساكتة احسن مايخلون عقلهم ويا دراستي"
—بديت بتنظيف غرف بيت عمي صلاح عدهم ثلاث غرف وكلهم كلش مرتبات ماشاء الله هه عبالك غرف اطفال، انطيت بيبي علاجها وصعدت اكوي ملابس اسامة، اسامة ابن عمي الاكبر اول حفيد لجدو مهندس نفط ، اكثر واحد غاثني بالبيت مدلل وغثيث الابعد حد هو وامة
اسامة: واقول منورة الغرفة
=بالجذب قولي منورة بوجودك، تسلم
—مابقى شي وتكمل ملابسك
=مو مهم، سمعت راح تشتغلين، ليش؟
—لان اريد اعيش اخواني
=ليش هسة هم ماعايشين
—اعيشهم بكرامة ابسط شي، خلصتهم واشرت على الملابس
—غريبة
=اني؟
—اي، تشغلين خدامة وتقولين اريد اعيشهم بكرامة
=الشغل مو عيب ثانياً قصدت بكرامة بفلوسي من تعبي اوكلهم واكبرهم مو من احد
— وهذاك اليوم، المفروض يصير عندج رد فعل من هيج شغل
—اعرف شلون انقذ نفسي من مانقذتها هذاك اليوم.، عفتة وطلعت يدوس بالبطن هو وامة
—سامر سرمد تعالوا نقرة
=صعدت قريت اخواني ووكلتهم
سرمد وهو ياكل اللفة: سحر تدرين شقال زيوني من اكل البيتزا الي سويتيها البارحة
—لاا شگال
=گال اختك ملكة الطبخ لازم تسموها ملكة بالبيت، ويگول كل ماتصير عزيمة جيب من اكل اختك
—ههههه الف عافيه ان شاءلله اذا عندي مجال كل مرة اسويلكم اكل طيب
—يلاا روحوا غسلوا حتى ننام
=غسلوا وفرشوا فراشنا، فتحت ادية مثل كل ليلة وحضنتهم ونمنا سوة اتمنى اضمهم بداخل قلبي اخاف عليهم من الناس ومن الايام، بدوا يكبرون وماضينا بداء يزعجهم ويأذيهم
