الساعة ٢ الفجر
تليفون نور وسط الضلمة شايل رسالة مكتوب فيها "جبنا البضاعة"
تقوم صاحبة التليفون تأكد على الرسالة و تنده اللي جنبها في البلكونه
-اجري يا مانو نزلي السبت
-حالا بالا
بتنزل البنت اللي اسمها مانو؟ مانومي، السبت من الدور السادس للدور الاول..طبعا السبت مش مفتوح طبيعي زي اي بيت مصري، تؤ في كيس بلاستك متعلق و متقفل للجيران في الدور الاول، عشان يفتحوا و يحطوا البضاعه كويس و يقفلوا الكيس عشرين مره اهم حاجه ميبنش حاجه من الكيس و استغلوا هدوء الليل انه محدش يشوف حاجه او يسمع👀
بيدوا العلامه و اللي فوق يبتدوا يسحبوا...حاجة النهارده تقيله نوعا ما و لو الحاجة وقعت هتبقى ليلة و لو اتقفشوا ليلتين....توتر و قلق بس الحمد لله رحلة السبت وصلت لشط الأمان في شقة الدور السادس
-عااااااش يا رجالة اكدي ان كله بخير يا ميا
-هااي كابتن
تجري ميا تأكد سريعا بمسدج و تقفل التلفون و تحصل مانومي لفتح البضاعة
"مياو"
مانومي:يوغتيييي ده صغنن خالص
ميا:هاكله😭😭
-ميا تشيله زي الأسد الصغير في الأسد الملك ناحيه البلكونه-
-يحيا الملك الجديد سيمبا
-متقالتش كده في الفيلم على فكره
-مش مشاكل الاهم سيمبا معانا
و معاكم يا سادة، اعقل اتنين الساعة اتنين الفجر، مانومي و ميا....طالبات جامعيات في فنون جميلة مع فرق سنه ما بينهم....في سكن طلاب و مغامرة جديدة عشان ليه لا...السكن قال لا؟ بس هيعرف منين برضو؟ مش مشاكل الدنيا أمان....طبعا ميعرفوش ان كان فيه اربع اطقم عيون بيتفرجوا على العملية دي و بيضحكوا....بس شخص منهم مش هيسيب الموضوع كده
المهم المهم، نرجع لناحية تانيه في اسكندريه، رجعت هلكانه يعيني دكتورتنا الشابة سنا، بس جسديا اكبر من كده شويتين....تلاته....و كده
-مش قادرة، هعيط
-ويلكم باك يا دكتور موشي، هسخنلك العشا
-ثانكس يا ساتو.....و ايه مين مشغل ماتش دلوقتي
-اوفيليا وراها بكره ماتش و بتتفرج على التيم اللي ضدها و كده...
-طبعا، عشان حضرتها ضيعت اليوم و لسه فاكره
-لول يلا روحي خلصي عشان الاكل هيبرد
هنا يا فندم، عندك ثلاثي مطحون، بينما يلهو و يلعب بتوع القط، فيه اللي بتحضر دراستها العليا ساتوكو، و د. تكاليفو موشي، و فتاة التمهيد اوفيليا....
هتسالني ساتو ليه سهرانه كده و هي المفروض معاد نومها...بس معلش هي طلبت معاها تخلص المانجا اللي بقالها شهر مش بتخلص من دراستها فا حلفت تخلص النهارده عشان الحرق ازداد من ميا لول
بالنسبة لموشي، فا سنة التكليف بتاعتها الحمد لله جت في اسكندرية و طوارئ، و ربنا سترها ان معظم الشيفت بدري الفترة دي، بس الإرهاق فوق برضو
طيب و اللي جوا بتشوف ماتش دي؟ تمام دي اوفيليا.....هي في سنة التمهيد بتاعتها و الاشعة الحمد لله مريحاها لحد كبير عشان بيجيلها فرصة تلعب باسكت....بعد اربع سنين لعب اهو بقى ليها مركزها في الفريق و بتنزل تلعب كتير و موسم الماتشات مظبطها نزول و جوايز النادي فوق......الماتش قدامه ربع ساعه بس خذلاص كفايه هي فهمت الجيم و يدوب تنام عشان بكره....بس تليفونها و الواتس كان ليه رأي غير ده يعيني
"خلصت الفيديو، تحبي تشوفيه؟"
لا مش يعيني عليها، دي بقت اجمل قاعدة دلوقتي، سيمب مش ممكن
-شور👀
