مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حريمة تعيش وي إنسان ما يندل شكو بروحك
عريان السيد خلف
________________ زهراء
كعدت بـ٦ الصبح اركان حجه ويه هذا الرجال جيرانهم لذلك من اليوم راح ارجع اداوم علمود شغله وحده اريد اعرف منو الي مراسل ملاك وليش علي اجه لنفس المكان اكيد مو صدفه عرفت اكو شخص ورا كل الي صار واني مو زهراء اذا مراح الزمه
اني ما شاكه بأي احد لان ملاك ماعدها عداوات او شي بالعكس حياتها كلش هادئه بس اريد أكد شكوكي لان هذا الشخص يهجم بيوت عرفته واحد من الكليه من الكلام الي كالته ملاك يعني شكد ما خايفه من هالخطوه بس اريد اعرف منو وليش هيج دمر اختي خلاها لا ليلها ليل ولا نهارها نهار
اني وملاك ماعشنا مثل باقي البنات النحس ورانه ورانه وتوكع على روسنه مصايب بس الله يعرف بيها والمشكله ياريت مسوين شي غلط بس احنه نحسات بهل دنيا من عمري الي كضيته عذاب نفسي وي اخوي الى هاي اللحضه الي ملاك هم دتعيشها.
الحمد لله على كل حال واركان متعاركين اني وياه لا هوا يحجي وياي ولا اني احجي وياه ضالين صامتين هوا شايل باله من يمي واصلا مامهتملي والله ماعرف شحجي اذا بدايتنا هيج نهايتنا شلون؟
المشكله مصارلنا اسبوعين من تزوجنا وبلشت عركاتنا واني منا نفسيتي متدمره على لا شيء صراحة الغلط مني ومنه يعني هوا محسسني طفلة كدامه مو بنيه واعيه "لاتكولين هيج لاتحجين ويه هاي البسي الحجاب هيج اكلي هيج"تحكمه صار لا يطاق واني اتزعل على اي سالفه اذب غضبي وحزني كله بيه مع انو هوا ماله دخل
اول مانزلت جوه بديت اعزل وانضف الشغل الي عليه لان خطيه صبا البيت كله عليها وهاي توني وياهم واحد لازم يكسبهم وولازم اخليهم يتعلمون عليه
عمتي من النوع كلش فقيره ابدا ماتحجي او تزعل من شغله حسبتني من بناتها من اول خطوه الي بالبيت يعني صدك الله يسلمها اما عمو مامختلطه وياه او حاجيه وياه بس خوش رجال وهوا اصلا قليل موجود بالبيت ياسر اخوي وصدگ قريب كلش من يمي مع انو هسه اني مكسوره عليه خطيه حتى اكل مياكل ويانه كله برا يطب للبيت متأخر كلش بنين بعدها مراهقه وروحها طفوليه من اسولف وياها احسها تشبهني هم نفس الفهاوه واثنينه مطفين من الرئيسي ..
