الدكتورة أسيرة الزعيم 🔫👩‍⚕️

الحلقة 48

في فندق 5نجوم .....
حلت عينيها بتثاقل تحس بثقل في خصرها و حاجة مزيرة عليه دورت رأسها تشوف فيه راقد و شعرو مفرفش على وجهو بفعل لا إرادي حبط نظرها لشفايفو جوزت يدها على شعرو و وجهو و اخيرا حبطت وين نظرها مازالو مصوب جوزت يديها و قربت اكثر غمضت عينيها و طبعت بوسة و هي مازالها مغمضة حتى حست روحها بحركة خفيفة تحتو حلت عينيها و قابلوها عينيه سرحت فيه و غرقت في القهوة لي في عينيه
ماكس: راكي قد واش درتي؟
شافت فيه و حتى دوك باش فاقت على روحها و على واش دارت حبت تداري الموضوع : صباح الخير.
ماكس: لالا مانيش مليح
جوري: واشبيك!!
ماكس و هو يخطف منها بوسة طويلة: اااااح هكدا راني مليح و نقدر نقولك صباح الحب و كل حاجة حلوة كيما نتيا
ضحكت معاه و قاتلو: هيا هيا نوض نروحو ندورو شوية اليوم النهار الاخر لينا هنا هيااا
و ناضت قبلو: هيا ادخل تدوش باش ندخل موراك و نحبطو نفطرو و نروحو الدار هياا بلا تفنيين
ماكس: و انا نقول نضيعو وقت هكدا
جوري: علاه !
ماكس ناض و هو يقرب منها و يتبسم بخبث: انا نقول نضيعو وقت برك واش رايك ندوشو مرة وحدة ..
جوري: هو حنا راح ندوشو عشرين خطرة ؟
ماكس: امممم يعني موافقة ندوشو كيفكيف لوكان تسقسيني على رايي انا معندي حتى مشكل و الشيطان يخدم مليح و صراحة انا نحب  نسمعلو . و حط يدو من جيهتها و عينيها في دواه كيما سماه هو...
اما هي فشافت و فهمت النظرة تاعو لي تحولت لنظرة داكنة فهربت من الجبهة الأخرى قبل ميحكمها و دخلت تجري للدوش ضحك عليها
جوري من الداخل: في الاحلام يا راجلي العزيز
ماكس : يعني راكي تقولي نعلنو حرب !
جوري: راح تخسر انك خممت تتحداني 
ماكس: و انا قابل التحدي
جوري: هيا نشوفو اخرتها.....
راح يهدر حتى لمح حوايجها فوق الكرسي شافهم و تبسم بخبث :راني حابط دوك نولي ...
قعد يستناها تكمل بعد مدة سمع صوت الماء حبس عرفها كملت تبسم وراح تخبا في بلاصة باش متشوفوش ...
عند جوري دوشت و هي تضحك على راجلها كملت و لفت منشفة عليها و راحت تلبس حوايجها حتى....دارت على روحها كاش 3خطرات و ضربت رأسها: اااااه نسيتهم فوق الكرسي..حمارة جوري حمارة هذا الكل بسبتك يا ماكس راحت حطت رأسها على الباب تسمع كاش حس اما ماكان حتى حس
جوري: هو قال راني خارج و ماكاش الحس يعني سور يكون مازال مجاش وي وي
حلت الباب بلااا عقل و خرجت رأسها شافتو ماكاش زفرت و راحت جهة حوايجها رفدتهم حتى سمعت صوت موراها..
ماكس: لوكان قولتيلي انا نجيبهملك علاه تعيي روحك!
جوري حمارت خضارت : اا...ب..بصح..
حبيت الهدرة كي سمعت الباب راح ماكس يفتح الباب و هي هربت تجري تبدل
جابولهم الفطور فطرو و راحو يدورو و رجعو للدار طمو حوايجهم و رقدو لانو غدوة عندهم رحلة طويلة تستنا فيهم
خاصة صباح لبست جوري سروال جينز مع تريكو ابيض و فيستا جين و باسكات بيضة دارت كوتشوفال
اما ماكس لبس سروال جين و تريكو كحل مع فيستا كلاسيك و صباط
حبطو التحت
ماكس: صباح الخير
لامية بابتسامة: صباح النور وليدي واشراك؟
ماكس؛ الحمد لله خالتي
لامية: بووه على خالتي راني في مقام يماك
ماكس كي قاتلو يماك شرد في تخمام حتى خرجاتو جوري من تخمامو كي دخلت : صباح البووونجور عليكم
لامية : صباح النور امصيبة
جوري: لعجوز قادري روحك انا مصيبة ! انا ماكاش واحد عاقل كيما انا
ضحك ماكس: لااالا ماكاش اسكتي برك و غمزلها و هي فهمت عليه و ولات حمرة
Flashback:
البارح بعدما كانو يدورو رجعو لدار جوري تعشاو و قصرو و طلعو يرقدو دخل ماكس دوش خرج كانت جوري تمشط في شعرها و هي لابسة بيجاما سروال طويل مع تريكو صومونش راح قعد ماكس فوق الفراش  يهبل فيها : واش راكي لابسة يرحم باباك
جوري و هي تشوف في انعكاسو في المرايا: بيجاما علاه
ماكس: تباني هادوك لي مهابل يلبسو برك و يخرجو ...المهم انا راح نرقد مدابيك كي تكملي طفي الضو باش نعرف نرقد.
شافت فيه جوري بضحكة شر و قاتلو : ميكون غير خاطرك راجلي العزيز..
راحت للخزانة تاعها خربت و جبدت شورت و بوستيي و دخلت للصالدوبان لبست و دارت rouge a lèvres في الفيولي القاسح طلقت شعرها و شافت في روحها: واش راني ندير!!! يا البهلولة راجلك لازم يشوفك شابة و متهلية في روحك. خدات نفس و خرجت لقاتو في البوزيسيون لي خلاتو بيها ضحكت و راحت جهة الكوافوز تاعها و رمات البروسة تاعها في الأرض دارت حس : اوووف سمحلي درتلك الحس
ماكس و هو مغمض : واش طيحتي!
جوري و هي تشوف قدامها و عاطياتو بظهرها : هادي و طلعت يدها توريلو البروسة في المرايا
حل عينو باش يشوف واش اما شافها واش كانت لابسة حبس النفس فيه و قلبو يزيد في الخبطات تاعو تلخبطلو كلش ملقاش واش يهدر  دارت ليه و زاد شاف الروج في فمها هبل و نص العقل لي بقا طيرتهولو
جوري لي نظراتو حستهم يحرقو و حست انو كلاها بعينيه عضت شفتها و راحت قعدت اما هو غير قعدت جبدها و قلبها جات تحتو : واش راكي ديري فيا !اه قوليلي برك
جوري و هي تحط يدها على صدرو العريان: واش درت ؟
ماكس و هو يجوز يدو على شفايفها: حبيت نخربو
جوري: اه لالا عييت فيه
ماكس: ميهمش حبيت نخلطو
جوري: م....مكملتش الهدرة لانو ببساطة غرقت بين شفافو
حطت يدها ورا راسو و تفاعلت معاه و هو مرة يخفف و مرة بقسى عليها ...حبس حط جبهتو فوق تاعها و هوما يلهثو بين زوج هدر و هو مزال مغمض : خفت نغلط و ندير كثر
اما هي فبمجرد انو هدر هكدا محبتش تمنعو من حتى شي حطت يدها ورا رأسو و جبداتو في قبلو عميقة و هو فهم مبتغاها ضحك بين شفايفها و كمل واش بدأه و هنا و في هاد اللحظة طبعو حبهم و ولات جوري ملك ماكس و ماكس ملك جوري للابد......
END FLASHBACK ...
ضحك ماكس عليها كملو قهوتهم 
ماكس: ايه هيا راكي واجدة ؟
جوري: وي خلاص
راحت سلمت على يماها
لامية : بالاكي على روحك و على راجلك و عيطيلي
لامية: أن شاء الله ماما
حكيم عنقها : اتهلاي في روحك و في راجلك و دارك و انت يا ماكس يا وليدي بلا منوصيك عليها
ماكس: كونك هاني راح نديرها تاج فوق راسي و مدامني نتنفس الريح ميقيسهاش
و بعد وداع و وصايا من حكيم و لامية على جوري راحو ماكس و جوري راجعين للقصر باش يكملو الحب لي بداوه ....
اما جوليانا و ميار و سام فسبقوهم للمطار ....
Désolé pour le retard 🙏❤