#انت_قلبي٣
__________
الحلقة ٦٩
تاني يوم... في فيلا آسر.
مجدي : خلاص يبقى حضرتك تكلم انكل هشام نروحلهم بالليل نتفق على كل حاجه والخطوبة تبقى الاسبوع الجاي ممكن نخليها الخميس واهو النهاردا الجُمعة يعني باقي اسبوع.
مليكة : اسبوع ايه احسبها يا حبيبي كويس.
سهر : هههههههههههه اعذريه يا مليكة مستعجل
يا حبيبي.
علي : مستعجل قوي ميعرفش إن في ناس خللت ولسه متجوزتش.
مجدي : وأنا مالي يا حبيبي مش أنت اللي خاطب بقالك تلات سنين.
آسر : كملي فطارك يا مليكة.
مليكة : حاضر يا بابي.
مجدي : كملي فطارك يا مليكة!
وبالنسبة ليه أنا ايه يعني هوا مثلاً!
آسر : عاوز ايه يا مجدي؟
مجدي : ما أنا قولت لحضرتك تكلم انكل هشام ونخلص الحوار دا الليلة.
آسر : حاضر بس دا لو فاضي يعني الليلة.
مجدي : النهاردا الجُمعة مفيش شغل يعني محدش له حجه.
آسر : اقول له كده يعني ولا ايه؟!
ما تهمد يا ابني مالك فيه ايه؟
مليكة : هههههههههههه مستعجل يا بابي فاكر إن الحكاية سهلة.
مجدي : بقولك ايه يا مليكة بلاش تعقديها يا أختي وقومي شوفي ابنك بيعمل ايه فوق علشان لو طلعت مش هسيبه.
مليكة : يوسف تعالى هنا يا حبيبي.
مجدي : نعم!
دا ايه الهدوء اللي حضرتك فيه ده؟!
بتعملي كده في بيتكم ولا بتقومي تجري بالشبشب وعلى دماغه؟
مليكة : أنا اضرب ابني؟!
لا يا حبيبي مبيحصلش.
مجدي : طب أنا مالي أنا قومي هاتيه يلا.
سهر : سيب اختك تاكل.. رهام.
رهام : نعم يا مدام.
سهر : هاتي يوسف من فوق.
رهام : حاضر.
سهر : اقعد بقى كمل أكلك.
بيقعد مجدي ويقوم علي.
سهر : رايح فين؟
علي : هقوم اتشمس شويه في الجنينة.
مليكة : خُدني معاك انشر نفسي بره شويه.
مجدي : هههههههههههه تنشري نفسك! على اساس إنك هدوم يعني؟!
مليكة : عضمي وجعني من قلة الشمس طول اليوم قافله الباب بالمفتاح علشان الأستاذ مينزلش.
كانت رهام نازله ومعاها يوسف.
مجدي : هههههههههههه صحيح هو فتح باب الشقة ونزل يشتري شكولاته من تحت؟!
مليكة : اسكت متفكرنيش.
مجدي : يا وقعتك المهببه ايه اللي أنت عامله في نفسك ده؟!
علي : هههههههههههه
دا ميكب ارتيست هايل.
سهر : أنت دخلت اوضتي صح؟
هز الصغير رأسه.
مليكة : امال جيبت الحاجات اللي بهدلت بيها وشك دي منين؟
يوسف : ملك.
مليكة : ملك ايه؟
مجدي : هههههههههههه وقعتك مهببه هتيجي تضربك دي معندهاش تفاهم وحاجتها محدش بيلمسها.
آسر : اغسلي وشه يا رهام.
رهام : حاضر.. تعالى معايا يا يوسف.
آسر : خلاص يا مليكة محصلش حاجه اقعدي بقى.
مجدي : محصلش ايه دي لازم تطلع حالا تخفي آثار الجريمة اللي عملها ابنها قبل ما تيجي ملك تطردنا كلنا من البيت.
علي : هههههههههههه تطردك أنت أنا لأ هتيجي يا مليكة؟
مليكة : ايوه جايه بس لما يوسف يخرج من جوه علشان اخده معايا مش ناقصه يرتكب جريمة تانية.
آسر : يا حبيبتي سبيه براحته ياما اخواتك عملوا أكتر من كده.
مجدي : احنا كنا بنعمل كده يا بابي؟!
آسر : ايوه خلي مامي تفكرك.
سهر : هههههههههههه لا أنا في الحوار ده فاقدة الذاكرة.
مليكة : تعالى يا يوسف نروح نقعد مع خالو في الجنينة.
يجري يوسف يخرج.
مجدي : هههههههههههه دا مش مستني حد يقوله بيجري على طول.
مليكة : عقبال ما نشوف شقاوة عيالك.
مجدي : ادعيلي بقى.
نظرت سهر لـ آسر وهي بتضحك : هههههههههههه
آسر بهمس : يااااه امتى بقى علشان البيت يفضى عليه أنا وأنتي.
سهر : مستعجل على ايه بس هو كده هيبقى حلو يعني؟!
آسر : طبعًا هيبقى حلو ولذيذ كمان.
سهر : هو مين؟!
يغمز لها : البيت يا حبيبتي هههههههه
سهر : اه بحسب هههههههه
مجدي : ها يا بابي هتكلم انكل هشام امتى؟
آسر : هو أنت لسه قاعد؟!
مجدي : ايوه ما أنا مش همشي غير ما حضرتك تقولي وتريحني.
آسر : حاضر يا مجدي شويه كده انكل هشام تلاقيه نايم دلوقت.
مجدي وايده على خده : اوك اديني مستني.
____________
في فيلا مراد.
أمل : هشام.. هشام قوم يا حبيبي علشان تفطر.
هشام : أمل يا حبيبتي مش النهاردا الجُمعة؟
أمل : ايوه ما هو الساعة عشرة.
هشام : اوك شويه كده وهقوم.
أمل : أنا قولت يعني تنزل تقعد مع الولاد بيفطروا تحت.
هشام : نفسي أنام براحتي.
أمل : لما ترجع من بره ابقى نام زي ما أنت عاوز.
هشام : ما هو كده كده مش هلحق افطر معاهم لسه هدخل اخد شاور وعقبال بقى ما انزل فيها ساعة دي.
أمل : طيب ما هو يدوب يا حبيبي علشان الجُمعة.
هشام : حاضر يا أمل.
أمل : نور تحت.
هشام : في حاجه ولا ايه؟
أمل : لا عادي جايه تقعد معانا النهاردا.
هشام : اه طيب.
أمل : هنزل بقى تكون اخدت شاور وروقت نفسك ماشي؟
هشام بابتسامة : حاضر يا أمل.
تخرج أمل من الغرفة وترجع مرة تانية تقول لهشام حاجه تلاقيه نايم.
أمل : هشام أنت مقومتش؟!
هشام ينفض الغطا : حاضر يا أمل قايم اهوه.
أمل : أنا عازمه الولاد على الغدا اعمل حسابك.
هشام : هو دا اللي لما ترجع يا هشام ابقى نام براحتك!
أمل : يا حبيبي دا يوم في الاسبوع مش عاوز تقعد معاهم كمان!
هشام : طب ما كنت نمت الساعة دي علشان اصحى فايق كده واقعد معاهم كلهم.
أمل : معلش ابقى نام بدري يلا بقى بطل كسل.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
