فصليتي لسان دلاله

فصليتي لسان دلاله(البارت الأول)

#فصليتي لسان دلالة

قصة تتحدث عن فتاة من بغداد تذهب فصلية
بسبب خطأ ارتكبه اخاها من دون قصد...

Roqyaror

تعريف الشخصيات

هلاو اني رقيه عمري 17 صف خامس علمي احيائي...
مواصفاتي بشرتي حنطاوية على بياض عيوني جوزي طوخ وشعري هم نفس لون عيوني
وزني 56 وطولي 164 يعني جسمي متناسق شعري مو كلش طويل يوصل لنص ضهري وناعم بس بي كسرة بسيطة...
خلي احجيلكم شوية عني طبعا اني احب الدراسة كلش وشاطرة وذكية وشايلة فكرة الزواج من بالي نهائيا واكره شي اسمه زواج وما اتوقع يجي يوم واتزوج ، اني كلش احب اقرأ قصص وخاصة قصص الفصليات ويمكن كل القصص اللي اقارها عن الفصليات ومرات اتخيل انو اني اروح فصلية واعيش قصة حب مثل اللي يصير بقصص الفصليات هسة تكولون تفكيرها متناقض شلون متحب الزواج وتريد تروح فصلية وتعيش قصة حب اني صح اقرا قصص الفصليات واحبها بس اني ما اريد اروح اني بس اتخيل الا وين اكو وحدة تريد تروح للموت برجليها
لمن نقرا انو بنات يرحن فصليات ويعيشن قصة حب هاي كله من خيال الكتاب بس الحقيقة المرة انو الفصلية ياخذوها للكراب والتنضيف وتفريغ العصبية...
اني طبعا ما الي بسوالف الحب واكثر من مرة يزحفلي واحد عل الانستا ويكلي خلي نجرب الحب وكذا بس اني حاطة ثقة اهلي بين عيوني ولا مرة حبيت او انحبيت مثل البنات الوياية واللي بعمري، كافي حجيت هواي صدك اني ثرثارة كشرة ويا ويلة اللي يجرب يسألني سؤال لئن راح يتندم بكد شعر راسه راح احجيله قصة حياتي واضل لحد ما هو يعوفني ويروح 😅😅..
نجي لعائلتي:
امي:سنا
بابا:سامر
اخي:حسين
خواتي :نورة-سمارة-غفران
تلاثتهن متزوجات بس غفران اصغر مني ونورة وسمارة اكبر مني
اخوية عمرة 22بالكلية مرحلة ثالثة كلية قسم طب حياتي
ابوية الة شغل خاص بي
وامي ربة منزل...
كافي ولج شكد تحجين كركركر خلي زوجج المصون اا قصدي زوجج العزيز يعرف عن نفسه
(ملاحظة ترة اني صدك كرارة احجي هواي😅)
نروح لبطلنه..
السلام عليكم. (اهووو صار مؤمن براسي 🤦🏻‍♀️كول هلو واسكت)
اني اسد عمري 29 متخرج من قسم ادارة واقتصاد،احنه من اهل الناصرية بس علمود شغلنه كاعدين ببغداد ونهاية كل اسبوع نرد لديرتنه اني واهلي المتكونه من...
ابوية الشيخ حسين ، واخذ المشيخة مع انو هو مو الابن الجبير هو الابن الثاني وعندة ٣اخوان تحسين الجبير وابوية الثاني وبعده عادل وبعده حسن
تحسين ماخذ بنت خاله وعنده منها بس ولد وبنية
الولد ابراهيم وكلش فقير وحباب عمره26 والبنية علياء كلش لسان وما تحترم ولازكتلي لزكة كشرة،عمرها 17 وزوجة تحسين نهال هم مرة راعية مشاكل وتضوج من ابوية لين هو اللي اخذ المشيخة وتكره امي ودايما جانت تسوي مشاكل وتبليها براس الوالدة المهم ،
الكاتبة
راح تتسائلون ليش حسين اخذ المشيخة مع انه هو عند اخ اكبر
السبب هو انه تحسين ما رادها كاللهم ما يحب سوالف العادات والتقاليد وماله بيها واخو حسين احسن منه بهاي الشغلات ويفهم عليها .
نرجع لاسد...
عادل الابن الثالث بالخارج وما متزوج اتزوج مره وماتت زوجته وهو جان كلش متعلق بيها وماعنده منها لا ولد ولا بنات فاحتفظ بحبه الها وما اتزوج وما ناوي يتزوج اما حسن فمتزوج بنت عمه وعنده منها توم بنات رؤى و نهى عمرهن 11 وولد اسمه محمد عمره 19 وكلش حبابين وزوجة حسن اسمها سعاد وحيل حبابه وهادية وما عدها مشاكل ويه احد... واسد عنده اخت وحدة اسمها زينب 17سنه صف خامس اعدادي وعنده اخ عمره 21 اسمه علي...
نجي لمواصفات بطلنه
مواصفاتي اني اسمر بس سماري جاي على حنطاوي او حنطاوي على سمار ما اعرف بس يعني مو كلش اسمر عيوني لونهم اخضر ومخلوط ويا الوان ثانية شوية احمر يعني مو اخضر صافي وشعري اسود على بني ومو كلش عالي يعني كفشة معقولة مو مثل بعض الولد ووزني75وطولي 179 جسمي رياضي عضلات لين العب حديد ومسجل بنادي وملتزم بي...