أنت قلبي الجزء الثالث

الحلقة ٧٠

#أنت_قلبي٣
_________
الحلقة ٧٠

في شقة رُفيدة.
راندة : انتي بجد مش فاهمه كان يقصد ايه لما قال لـ أمجد كده؟!
دا مش ناقص غير إنه يكلمك ويقول لك متتصليش بالرقم دا تاني
لكن علشان هو محترم مستحيل يحرجك ويقولك الكلام ده وجابها بطريقة شيك ومحبش كمان يوضح لـ ابنك أكتر من كده علشان بس يحافظ على منظرك قدام ابنك اعقلي بقى يا رُفيدة.
رُفيدة : أنا عاوزه اعرف أنا بعمل ايه غلط علشان يتقال لي اعقلي شوفتيني بجري وراه ولا بكلمه بدون سبب يا راندة
عيب اللي بتقوليه ده وعلى فكرة هيبقى فيها زعل متفكريش علشان بسمعك إني متقبله كلامك ده لأ أنا بس محافظة على اللي بينا لكن بصراحة انتي كده تخطيتي كل الحدود.
راندة : واضح إن مفيش فايدة أنا قايمه داخله أنام جنب سمر علشان الصبح هلبس هدومه وامشي
تصبحي على خير.
اتنهدت رُفيدة بقوة فنظرت لها راندة وتركتها ودخلت جوه.
رُفيدة : معقوله يكون قصده كده؟
جرا ايه يا رُفيدة ما هو الكلام كان واضح بس انتي اللي حابه تضحكي على نفسك.
________
بيفتح كريم الباب ويدخل يلاقي فريدة نايمة على الكنبه في الريسبشن يقرب منها ويحاول يقومها تنام في اوضتها.
كريم : فريدة.. فريدة
قومي يا حبيبتي ايه اللي منيمك هنا؟
فريدة تفتح عيونها وبصوت ناعس : كريم.. أنت جيت امتى؟
كريم : لسه داخل حالا
قومي خلينا نطلع ننام فوق.
فريدة : هي الساعة كام؟
كريم : حداشر.
فريدة : أنت كنت فين؟
كريم : روحت قعدت مع علاء شويه وبعدها طلبوني في المستشفى بس مطولتش هناك تعبان ومحتاج أنام.
فريدة : طيب تصبح على خير.
كريم : أصبح على خير ايه قومي معايا نطلع انتي لسه مفوقتيش ولا ايه؟

فوق.. بعد ما يغير كريم هدومه ويقرب من فريدة
اللي كانت حاطه ايدها على خدها.
كريم : منمتيش ليه وبعدين حاطه ايدك على خدك ليه خير؟
فريدة : أنا مضايقه
ومستفزه جدًا من اللي اسمها رُفيدة دي.
كريم : معاكي حق بس متقلقيش مش هتتصل تاني.
فريدة : بجد!
أكيد بقى كلمتها وسمعتها كلمتين خلتها تندم إنها عرفتك اصلا.
كريم : لأ مش بالظبط كده
بس هي مش هتتصل مرة تانية اطمني.
فريدة : هو أنت للدرجة دي فيك جاذبية بتجذب أي ست ناحيتك مهما كانت؟!
كريم : ايه اللي بتقوليه دا يا فريدة؟!
فريدة : امال فيه ايه فهمني ما هو لـ اما دا أو إنك يعني...
وسكتت فريدة.
كريم : سكتي ليه ما تكلمي.. أنا يعني اللي بديهم فرصة صح؟
شوفي يا حبيبتي هو أنا مقدرش اتكلم ولا اقول عن الست اللي هي في دماغك دلوقت إنها كده
بس أنا كل ما فيها إني بحاول أساعد الناس على قد ما أقدر ممكن أتفهم غلط وارد لكن أنا ببقى واضح جدًا ومتحفظ في تعاملي مع الستات فملوش لازمه الكلام اللي قولتيه ده.
فريدة : كريم أنا بحبك ومن حقي اغير عليك لإنك جوزي وأنا وأنت تعبنا كتير في حياتنا فميبقاش دا اخرة صبري عليك.
كريم : ايه اخرة صبرك عليه ده؟
فريدة : أنت عارف أنا مستحمله ايه معاك.
يُقبل يدها : عارف يا حبيبتي وانا مش ناكر لده كل موقف صعب وقفتي معايا فيه أنا فاكرة مش ناسيه ومتخافيش أبدًا مفيش في قلبي واحدة ست غيرك ما عدا ماما طبعًا.
فريدة : حبيبي تعيش وتفتكر.
كريم بتنهيدة : علشان كده مش عاوزك بقى كل شوية تفتحي الموضوع ده احنا عندنا مواضيع اهم من دي بكتير نهتم ونفكر فيها.
فريدة : معاك حق.
كريم ياخدها في حضنه : مفيش في قلبي غيرك
يا فراولة.
فريدة بابتسامة : وأنا كمان.
كريم يغمز لها... فتضحك فريدة.
____________