الجزء ١
في حوش كبير مفروش ومرشوش بالمويه قعدت سلمي ومحاسن اختها بتكلمو عايني ي محاسن لازم تشوفي حل دا م كلام ل بتين ح تكوني عايشه كدا محمد دا م ح يتغير حاولتي وفشلتي خلاث اعترفي ابدي حياة جديدة بدونه خلاث حاولي سلمي الكلام ساهل لكن انا في يدي شنو عارفه ابوي صعب وم ح يسمع مني ...
قاعدين تقولو في شنو ي بنوت تعالو هنا اعملو لينا الشاي دا نشرب ونمشي علي ام يوسف نساعدها في عرس ولدها دا
ي حبوبه الشاي اسي بجهزو تعالي اقعدي اتكلمي مع محاسن دي ي حبوبه م تشتغلي بي سلمي دي خليها امشي اعملي الشاي بنعناع ....
جبت الشاي وقعدنا انا وحبوبه ومحاسن نضحك مرة ومرة نحرش في محاسن تخلي محمد 😂😂...
م عرفتكم علينا انا سلمي عمري 16 سنه اي فصيحه كدا 😂😂 اختي محاسن عمرها 24سنه وانا بنصحها م تتخلعو لكن الدنيا بتعلمك تبقي اكبر من عمرك بكتير احنا ماشاء الله 4 امي اتوفت وقت ولادتي وحبوبه ربتني وبقول ليها امي م بعرف لي امي شئ اخواني متوكل ومصطفي معرسين وبي اولادهم قاعدين في السعوديه الاتنين بجو زيارة مره في السنه انا اشكالهم م حافظها كويس 😂
ابوي حاج احمد مصطفي صعب شديد ومتمسك بي عادات ومجتمع الاسرة جدا جدا ماف زول بقدر اقول لا قدامه... اختي محاسن ابوي من امتحنت تالته ثانوي طوالي عرست وقال الجامعه لو راجلك قال تمام تقرئ قال لا لا بس الحمد لله
محمد ود عمي طوالي قال عايز محاسن اختي وتم العرس بدون اي موافقه علي الاقل من اختي ومحمد اصعب من ابوي شديد م مخلي محاسن اختي تعمل اي حاجه بس شغل البيت حتي الطلعه بي حساب دا كله كوم وانه اتزوج بعد سنه من اختي عشان م جابت ليه اولاد لسه انا م عارفه محاسن منتظرة شنو منو محاسن اختي عندها الان ولدين تؤام حلاتهم😍 ياسين وياسر سنتين حاسه انها صابرة عشانهم بس ...
يلا ي سلمي انا راجعه البيت خليت الشفع مع كوثر طيب مع السلامه ..
انتظري ي بتي انا كم مرة قلت ليك م تخلي شفعك ديل مع ضرتك انتي مجنونه اسي لو عملت لي عيالك ديل شئ ي حبوبه كوثر دي ظروفها اصعب من ظروفي انا بحس بيها اختي الصغيرة عديل 😂غايتو ي محاسن ي بتي كلمتك بالنصيحه ...
حبوبه خليها احنا اصلا عايزين سبب اخلي محاسن تخليهم وتجينا هنا وياسين وياسر انا بربيهم ليك 😙
سجمي 😂😂انتي عايزة ال اعلمك الادب اول يلا مع السلامه ...
يتبع ...
