بين الدروب البعاد
بين الشجر والاوتاد
بين الحب والغيره والعناد
بين الفقر والغناء
كانت هناك فتاة
لها شعر طويل ووجهه جميل شتات
مدلله عند والديها
تحب اللهو واللعب مع ابن الجيران
الى ان كبرت واصبحت........
ماما لارا بنتي كعدي صارت الساعه 7 ونص
لارا.. بعد دقيقتين ماما
فاطمه... راح انزل احضر الريوك اكعدي بعد مااصعد اكعدج...
لارا... كمت ماما كمت اووف ماشبعت نوم...
اني لارا الي يكولون عني مغروره واني مو هيج
اني الي يكولون عني دلوعه لان البنت الوحيده لابوي
واخر العنقود وعندي 3 اخوان
جاسم اخوي الجبير متزوج من بنيه اسمها ميساء وماعنده اطفال
محمد يحب وحده ولو هيه لو ماكو بس تبيع ثكل ومتريده يوم احبك واموت عليك ويوم مافارغه احاجيك
ومؤيد بعده طالب ماجستير وباله مو يم الحب ابد عنده احلام وطموح عالي
لارا من انه وصغيره احب العب ويه ابن جيرانه فهد وبعد ماكبرت وبحكم الظروف والعادات والتقاليد ما اطلع واعلب وياه ولا حتى اسولف او اسلم عليه لان استحي
وهو حسباله انه مغروره ومااسلم عليه
وهسه اني طالبه جامعيه كلية قانون مرحله ثالثه
فهد.. اوف لازم اكعد من صباحيات الله واروح اشتغل شنو هاي العيشه ليش مو ابوي حاله حال غيره عنده شريكات عنده مصانع نظل هيج احنه بالفقر طول العمر
ام فهد.. ها فهد رجعنه ع نفس الحجي ماتبطل انت من هذا الحجي
فهد.. يمه شسوي تعبت وانه اشتغل اريد حالي حال الشباب اطلع اطب اتونس مو من الصبح لليل بالشغل وعامل بمطعم دبريني يمه الكيلي حل
ام فهد... يمه الله يوفقك ويفتحه بوجهك ويرزقك من اوسع ابوابه
فهد.. هذا الكدرتي عليه حجيه بس دعاء
عبدالله...
ها صبحنه شبيك لوك لوك من الصبح لو مكمل دراستك ماجان هذا حالك
فهد..وانت الي مكمل دراستك شمحصل غير هالوظيفه وراتبك زين يكفيك لاخر الشهر وهاي بدون زواج من تزوج شلون
عبدالله.. َ الحمدلله ع كل حال شنسوي ياخوي وراتبي مو بس الي مصرف البيت ودوامات خواتك واخوك
لارا... بدلت وكشخت ونزلت تريكت ويه ماما وبابا وطلعت انتظر السايق يطلع السياره يوصلني للجامعه وطلع فهد نزلت راسي ووجهت وجهي لناحية بيتنا
فهد... شكد مغروره وشايفه روحها ما عبالك امس اول امس نلعب سوى هسه كامت تتكبر وليش ما تتكبر وابوه صاحب شركات والبيت قصر مو بيت الك الله يالفقير
لارا... وانه وصافنه ع حايط بيتنه اتذكرت شلون نلعب سوى وشلون كنا اصدقاء وواحد يحب الثاني بس هسه اكرهه واكره تصرفاته واكره الشي السواه والطلبه مني
نبهني من صفنتي صوت هورن السيارة
تمشيت وصعدت للسيارة ورحت داومت يومي عادي
فهد.... كلش ضوجتني بتصرفه هذا هسه كامت ادور وجهه عني تمام يصير خير
استغفر الله انه طالعه روحي وهذا الافندي عنده دوام وشفت الصبح بس عليه الشغل
تاليته شلون ماادري
أنت تقرأ
اهداني غدرا"
General Fictionالقصة تحكي عن الثقة العمياء التي نهديها للاشخاص الغلط فيهدونا بدالها الغدر والخيانة
