تألمت فتعلمت

البارت ألاول

#_تألمت _فتعلمت
بقلم ((نبأ السلطان ))
🌹
((البارت ألاول ))

كل ما انهزمت نفسي من #الحياة
عقدت معها صلح جديد،
واتّفقنا على يقين
أن العوض الجميل من #الله مبهر دائمًا،

ولن يشعر بلذة هذا العوض شخصٌ قانط من رحمة #الله..

🌹

كلنا نعرف شون الان المشاكل والانفصال تأثر بشكل سلبي على نشأة وعلاقة الطفل المُستقبلية مع مرور الوقت؛ الأطفال الذين نشئوا في ظروف المشاكل العائلية و  الطلاق تكون علاقاتهم الزوجيّة لاحقاً أكثر عرضة  ايضٱ للمشاكل وللطلاق أيضاً.  الطفل راح تنعدم  ثقته وراح ينهز من اقل شي ممكن يتعرض اله  ، إضافة لافتقارهم لبعض الحنان والعاطفه الي المفروض تكون من الاب والام وبعدين الطفل  ، ونقص العواطف والمشاعر الجميلة واستبدال مشاعر أكثر سلبيّة بها...

تكتم  ...
من الناس تكعد الصبح تصبح على صوت ترتيل القران بصوت
عبدالباسط الي يرد الروح ويهدئ النفس
بعض الناس يكعدون على اصوات ضحك وسوالف امهم وابوهم الحلوةة الي ما تنمل
بعض تكعد تصبح على اطفالها بكلمة حلوة وطيبة وتطيب الخاطر ..
لكن هاالاشياء مموجودة بعائلتي وشكد جنت اتمنى هالشي منهم
عمري ٩ سنوات ..
واشوف والدي ووالدتي دتووم مشاكل وطلايب وعلى اقل شي ممكن يتعاركون وتصير بينهم مشكلة الها بداية مالها نهاية
المفروض الاطفال الي بعمري امهم او ابوهم يكونون شوي عطوفييين عليهم
مو يتعرضون للتهميش او للتنمر من قبل ام او اب ..
كعدت على امي وهيه تحجي بصوت كلش عالي وتبجي
مشيت باتجاه الهول الي يطلع منة مصدر الصوت العالي اريد اعرف هذي المرة السبب على شنو يتعاركون .
شعري كان منكووش وما مرتبة ملابسي ..واسناني الفوك بعض منها واكعه
وخليت ايدي بحلكي العادة الي ماكدر استغني عنها
شفت امي تحاجي والدي بصووت .
وسن..ياعيني اكلك على مسواك وشغلات محتاجيها للبيت ما تقبل اجيب شلون بينه يعني ما ناكل نموت احنه وجهال
وابنك ترك دراسته وراح يشتغل عماله بسببك ليشش فهمني نبقى احنه
علي ..يعني وتشوفين عندي راتب حته اجيبلج مو اني اشتغل حمال وجاي اشتغل كلشي
وسن..تطلع من لصبح ليل ما تترجع وربع بجيبك ماكو مكضيها نسوووان مووو بين المنطقه كلها تكولي رجلج عنده غيرجج والا لو الكلام جذب جان جبلتنه مسواك من اكلك
ولطمت على وجهه امي من تعصب هيج تسوي بروحها
تفقد من تعصب بعد مدري شنو تحجي تصير
راحتلها اختي الجبيرة زينب تركض لزمت ايديها
الي تركت دراستها بسبب فقرنا وقلت معيشتنا وامي هذا الحالة وصلتها لحالة هستريا لان ما رادت سناريا  ولا غياث يتركون الدراسة
بس ضروف ابوية وفقره ودائما يكول ما عدنا هيج خليتهم يتركون الدوام
سناريا .. كافي يمة فدووة اروحلج مو داشتغل خياطة وراح تجيني فلوس الضحى ونشتري مسواك وغياث هم يشتغل لا تخلين بالج
علي .. من سمع كلامها هيج راح هجم عليها وطاحلها كتل بدون شفقه ولا رأفت بعينه بناتنه الصغار ولا اهتم الشي اهم شي عندة كرامته وغرورة رغم كلام امي صحيح ..
انعل ابوج لاابو اخوججج
حقيرررة
وسن ..  ووخرر عني والله لا اروح لا خوي يوسف واخلية هو يتصرف وياك ..ان شاء الله اموت واخلص جهالي ضاعوا ضاع مستقبلهم بسببك حسبي الله ونعم الوكيل
علي ... راح اخابر على اخوووج الشفية يجي ياخذج بعد لا احبج ولا اريدج اني اكرهججج فهمتييي
...
ربع ساعه مو هواي واجه خالي وزوجته مها
يوسف ... ولك بس كلي انته ما تصيرلك جاره هم حمال وهم على صفحه بس فهمني شعندك يومية ضاربها
علي .. هيه اختك ما تحترم اخذها وروح يلا
يوسف . احترم نفسك واختي ما ذابينها عليج
اندار خالي لامي وكومها ولبستها  سناريا ومرت خالي واخذ اختي الصغيرة رؤيا
يوسف .. بعد ماالك مرة يمي وجهالك يمك ولا نعرفكم ولا تعرفونه خووش
علي ... درب الصد لا رد ان شاءالله..
يوسف ...ذيل الجلب ما ينعدل لو يموووت صدكني
.....
طلعت امي من البيت واحنا شبعنا بجي اني وسناريا
وابوي هم طلع وتركنا
محد مهتم النه ابدد

#_يتبع