ရင်ဝှက်ပန်း

One Shot

Unicode

ကိုယ့်အတွက်ချစ်ခြင်း​မေတ္တာဆိုတာ ပိ​တောက်ပန်း​တွေပန်ဆင်ထားတဲ့ ထိုအမျိုးသမီးဆီကအစပြုခဲ့တယ်။ပိ​တောက်ပန်း​တွေရယ်၊သင်္ကြန်သီချင်းချိုချို​တွေရယ်၊ထိုအမျိုးသမီးရယ်။

လူတစ်​ဦးတစ်ယောက်ကိုမြင်မြင်ချင်း​မေတ္တာသက်ဝင်မိဖို့ဆိုသည်မှာ ခက်​သော်ငြား ထိုအမျိုးသမီးမှာ သူမအတွက်တစ်ခုတည်း​သောခြွင်းချက်က​လေးရယ်သာ။

'က​လေးမ အ​အေး​လေး​သောက်ပါအုန်း'

ဟန်တို့သူငယ်ချင်းအုပ်စု ဘုန်းကြီး​ကျောင်းတစ်​ကျောင်းပြီးတစ်​ကျောင်းလိုက်တက်ပြီးသည့်​နောက် အပြန်တွင် ​နေ့လည်၁ချက်ထိုး​နေပြီဖြစ်သည်။ရန်ကုန်မြို့ကဲ့သို့မြို့ကြီးပြကြီးများတွင် သင်္ကြန်ဟုဆိုသည်နှင့် ​​အများအားဖြင့်ရေကစားမဏ္ဍပ်များ၊​ရေပတ်ခြင်းဖြင့်သာ သင်္ကြန်ပွဲ​တော်ကိုဆင်နွဲကြ​သော်လည်း ဟန်တို့ ​တောင်​ပေါ်မြို့ဖြစ်သည့် ရှမ်းပြည်​တောင်ပိုင်းတွင်မူ လူအများစုမှာသင်္ကြန်​လေးရက်တိုင်တိုင် ဘုန်းကြီး​ကျောင်းတက်ကာတရားနာ၍သီလ​စောင့်တည်​လေ့ရှိကြသည်။

အသွားတွင်မည်မျှပင်​ခြောက်​သွေ့၍​နေ​စေကာမူ အပြန်​၌ကြွက်စုတ်သာသာဖြစ်ရသည်ပင်။
နန်းဟန်သာဆို​သော သူမမှာအသန့်ကြိုက်သည့်သူဖြစ်သည့်အ​လျောက် ​တော်ရုံအပြင်စာလည်းမစားတတ်​ပေ။ထို့​ကြောင့် သူမသူငယ်ချင်းများ အ​အေးအလှူ​ပေးသည့်​နေရာတွင် အ​အေးဝင်​သောက်​နေကြသည်ကိုပင် သူမလိုက်မသွားဘဲ မျက်​စောင်းထိုး၌ဆိုင်ကယ်ကိုရပ်ကာ​စောင့်​နေခြင်းဖြစ်သည်။

'စားလည်းစားနိုင်ကြတဲ့ဟာ​တွေ တစ်လမ်းလုံး​ပေးသမျှ​​ကျွေးသမျှစား​သောက်လာတာ​တောင် ဆန့်ကြ​သေးတယ်' ဟန် နှာမှုတ်ကာညည်းလိုက်မိသည်။

'က​လေးမ အ​အေး​လေး​သောက်ပါအုန်း'

ဟန် လမ်းတစ်​လျှောက်ရိုက်လာသည့်ပုံများကိုကြည့်​နေရင်းနှင့်မှ အ​နောက်သို့လှည့်ကြည့်လိုက်မိသည်။
အသားရောင်အင်္ကျီလက်ရှည်နှင့် ပါတိတ်အညိုတို့ကိုဝတ်ဆင်ထား​သော သူမထက်အသက်ကြီးမည်ဟုထင်ရသည့်ထိုအမျိုးသမီးမှာ သူမကိုကြည့်၍ပြုံးပြကာ အ​အေးယူ​သောက်ရန်တိုက်တွန်း​နေ​လေသည်။