مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
- أحبك يالـ معلمني أگولن صار قبل الـ ليش ... _____________
ملاك
بلحضات السهو وعدم التفكير ماكو اي شعور ولا احساس مجاي احدد شنو الي بيه او شنو الي يوجعني بس الي اعرفه انو خسرت مو اي خسره خسرت عمري وحبي ويمكن حتى مستقبلي
اسوء شي عشته انو ماعرف وين نهايتي وشنو راح يصيرلي بس گلبي مقبوض وروحي تلوب محتاجه شي يخليني اطمئن كلمات لو بشر واحد بس يصبر عليه بهذيج الليله ماكوو بس اني واربع حيطان على اي ساعه اجن واكتل نفسي محتاجة اختي محتاجة چتف احط راسي عليه وانسى هموم الدنيا
چنت أمر بضعف مو طبيعي وأول مرا اعيشه هيچ جسمي تعبان ووجهي مايتفسر من كثر البؤوس الي بيه
بكل سهوله يردوني انساه شلون انساه وهوا راحتي وحيلي بدونه اني ما موجوده شگد صلفه اني من اشتم الهوى بدونه اني مارهم لغيره ومستحيل احد يستوطن گلبي غير عيونه. هوا حلم لشخص بائس شخص ميت داخليا شخص انطه كل الي عنده الى ان ضعفت قوته وصار حتى الهوى يمسه ويجرحه.
هيج چنت يا ياسر بالنسبه الي ولازلت .
وسط الحزن والكآبه الي بعيوني انفتح سجني ودخل اسوء كوابيسي اشمئز منه واستحي اباوع بعيونه معقوله هذا اخوي؟ ليش بس الكره موجود بداخلي تجاهه اتمنى هسه اگوم اخنگه بيدي وارتاح واطلع حره گلبي وروحي كلها بيه.
طبت وراه امي هوا گومني من مكاني جرني من الثوب مالي للحمام وشمرني هناك وهوا يباوعلي بنضره اشمئزاز وكأنما اني اقذر خلق الله وگال.
عزيز :"طبي اسبحي الخيسه كاتلتج وعدلي نفسج بسرعه هسه تصعد وحده من البنات تعدل خلقتج الزفره واذا سمعت حسج لو نفس منج اموتج افتهمتي مادري هسه اني شلون متحمل اباوعلج بدون ما اكتلج واشرب من دمج"
اني بس هزيت راسي بدون حتى ماأسال لان بكل بساطه مالي خلك للنفس فما بالك بالكلام امي چانت تباوع نضرات عاديه ماتكدر تسوي شي سديت الباب ودخلت ذبيت مي بااااارد على جسمي عسى ولعل تخف همومي والنار الي بداخلي.
