البارت60 والأخير من القصة الحقيقية #رجال_لاتعرف_الحب بقلمي #الكاتبة_شهناز_الخزعلي # Jaymin
باجر اول يوم العيد. يعني موضوعي انحسم ....
ما كنت متحمسه....حالي حال اي عروس...
كنت حاسه اكو مصيبه راح. تواجهني.
اواني الي راح اوجهها..
ما فرحت. ....استعجلت موو...اي استعجلت
ما اعرف شنو هذا اليوم اللي خله تفكيري انقلب 180 درجه ..
بينهم بين حزن. وضيق نفس.
بس لازم.
ماكدر اسوي شي اني اتحسبت متزوجه شرعا وقانونا بنظر الناس ..احنه ماعايشين لنفسنا احنه عايشين بعيون الناس
تالي الليل.كعدت وحدي .....طلعت فستان الزفاف خليته على جسمي وقفت كدام المرايه افتر. افتر افتر ا بدون واهس. لحد ما وكعت مثل الطفل اللي توه يمشي وفرحانه برجله. يفتر يفتر ويوكع.....
هنا دخلت اخلاص.
اجت اخلاص شافتني لازمته وكاعده بالكاع...اخذت الفستان مال زفاف وخلته على السرير. كالت"
_ما يصلح توكفين كدام المرايه. عوفي بعد كلها كم ساعه وتلبسين الفستان هههههه
_اه ياكلبي شكلي تسرعت بهذا الموضوع.
_حبيبتي ارتاحي .
_خايفه
_ههههههه اي والله الي يشوفج يكول اول مره متزوجه.
ضليت صافنه.....مدري مدح مدري بسمار شاريد اجاوبها؟؟ اذا خاصه هالمرة . خوفي مو خوف زفاف اني هالمره خوفي يختلف.....
حاسه بمصيبه جايه بالطريق عليه.....اي تسرعت حمزة كلها كم مره شايفته ووووهيج قبلت معقوله ردت اتخلص من لقب المطلقة......؟
ما سويت اي رده فعل كتلها تعبانه.
اريد انام.
هذا انسب جواب ...
ثاني يوم بالسبعه الصبح اخلاص كعدتني.
كالت" كومي.......بالتسعه ييجي حمزه هو واخته ياخذج للصالون.
كلت لها ماشي. رحت غسلت. وكفت كدام المرايا.
اول مره في حياتي اتمنى يصير شيء يوقف هذا العرس ........العرس اللي كنت متفائله بي . الشخص اللي كنت هواي فرحانه لانه راح ارتبط بيه؟هسه ؟؟
طلعت من ال٩لل١ونص الظهر تسريحه نازكه ووورايه كاعدة اخته تباوعلي عيونها تجدح غيرة ..وحمزة يدزلي مسج يتغزل بيه...احس القلق يخفت ويصعد
عرس...زفه ....ضحكه ...غمزه طيرة وطايرة
ماحاجه نحجي عن اليوم الاول ...لان هو عبارة عن روتين ووواكيد ماكو شي يبين اله بعد مدة ....مدة شهرين الى ٣اشهر .....توقعت زهراء الها دور بمأساتي.....لكن الشي الي صدمني الموضوع اكبر من زهراء .....مشاكل اي مشاكل زادت غيره حماتي الي ماتنتهي حقها تنحيشها عليه ماعدا زوجي حمزه يسمع كلام امه واخته واني نكسرت...نكسر من حملت بطفلتي الاولى ......وكمت اسمعه يخابر وحده ...واذا زعلت منه ينكلب وجهه ....من ينزل للدوام مويمي ومن يجي مويمي...لاكلبه ولا باله ولافكرة يمي ...ولدت طفلتي مها ....بالولادة ماحضر .....ولدت وماسئل عني ولااجه ٤٠يوم،كل ما اخابر عليه الكاه مشغول ...طول لليل ....تعب نفسيتي اخر شي حمزه صار يمد ايده عليه ....يصيح يهين وبيوم جنا دنتعشه بعد٥اشهر من ولادتي مها داسولف وياه كال:
_اي سارة
_سارة منو؟
_ها؟
_ههههه منو هاي سارة تينه اني .....حمزة تخوني احجي الصدك ...حمزة احجي لاتسكت ؟؟
_اني رايح
_وين دنيا ليل تقبل اظل هيج مو اني مرتك وام بنتك ....
وبعد نقاش طال ووووووتعبني ....حمزة اعترف ..ب ان سارة هي حبيبته بالجامعه كال"
حبيتها واهلها مانطوها الي....وتزوجت وعلاقتها ويه زوجها مخبرطه وشكلها تريد تتطلك وعلى اساس تريدني اساعدها ...
شبيت ونطفيت..ضربني ضرب مايتحمله بشر
عاندته تخبلت مسستحيل هذا يامن رقم٢يربي ليش هيج رجال لاتعرف الحب....ليش ؟؟؟
يومين ونار بينا شابه وماتطفى ....اخر شي خله مها يم اخته ووووشمرني بيت اهلي ٣سنوات ....بنتي مها حرمني منها...وتزوج ....وإني بقيت يم اخلاص محرومه من مها...... مشايفه طفلتي من عمرها اشهر ......تمرمرت
زينب صار عندها طفل سمته جود .....
واني ضل حمزه يدك ويزن براسي ....ويدز شيوخ وعمامه وعالم حتى يرجعني واخلاص كالت ارجعي لخاطر بنتج ...ورجعت....رجعت هو جان مكعدها بشقه ل سارة واني بغرفه يم عيالي ...وحبلت بطفل ثاني...ويه الايام جابها واني خلاني ابات بالمطبخ .ههه غرفه شبه مخزن..هه اخر شي تعبت عفت اطفالي الي مهددين بيهم ورحت ....تطلقت رحت سكنت يم اخلاص وكملت الجامعه وحاليا موظفه ......
مصطفى طلق سلمى....وزوجته الاولى رفضت
ترجع اله....
علاء ابن عمي حاليا متزوج وزوجته حامل بالجنين الاول......
اني اختاريت كرامتي ...والمراه من توجعها كرامتها تحير شتسوي حتلو على حساب ضناها ؟
بمجتمعنا أغلب العوائل تحديدا من النساء والرجال مايربطهم حب وانما يربطهم اطفال؟
هيج دمار قررت اترك كلشي اذا ابوهم ترك ايدي المن باقيه وانام بالمطبخ؟صوت بواري الماي يوكع على الكاع ويزن بااذاني ويحرك اوجاعي جسمي الي فوك اثار ضرب يامن الي....هه اجه ضرب حمزة اني اتحسر وكل ما افوت من محل أطفال العاب .ملابس اتمنى لو ...لو جان الحظ محالفني ...لكن للأسف كن ت عبارة عن سد فراغ بالنسبه الحمزه وسد شهوة بالنسبه ليامن ..اني تسرعت بس ماغلطت اني وضعي ووضع اختي الي الحمد لله مستقر يشبه وضع هواي بنات واكيد كل الي قروا قصتنا راح يلتمس روحه بيها او عبؤة او هدف
والله لايفقدلكم عزيز ولاحرمكم من الأمان وهو حضن الام ...ويرزق كل العالم كتف وان كان مائل مثل اخلاص الي سندتنا بشدتنا..
أطفالي يم ابوهم وعمتهم تخلي صورهم على ستوريات تعرف بيه اتبعهم اني وحده من آلاف النساء الي مهملات الي محد يحس بيهم والي نكسروا وووكفوا الي حصلو نصيبهم من هالحياة الباردة
لايوجد حب في عالم مليئ بالقلوب الحجر ....في وسط رجال لاتعرف الحب ألا ماندر
الحب يحتاج رجل وفي و فتاة تبتسم في كل الظروف ....
الحب حكايه لن يفهمها الا من احترقت روحه عشقا لمحبوبته....
الحب هو الحب عندما تتشابك اصابعنا نحو طريق واحد هو الزواج ....
الحب هو ان يكمل لك الجزء المفقود من المخ وان تكملي له الجزء المفقود من قلبه .....
وكل ممنوع هو مرغوب ....
..........النهاية
اتمنى ان نالت اعجابكم وتعلمتوا منها عبر
#الكاتبة_شهناز_الخزعلي
أنت تقرأ
رجال لاتعرف الحب(مكتمله)
Genç Kız Edebiyatıهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
