" မြန်မြန်လာ !! "
ကားတံခါးကိုဖွင့်ပေးကာ သူ့လက်ကိုဆွဲပြီးလောနေသာ မိုနီကာပါလေ ၊ နောက်ပြန်လှည့်ကြည့်ပြီး တစ်ချက်ကလေးကားကို lock ချလိုက်သည် ။
" ငါ့လက်ကိုကိုင်ထား ၊ "
လက်ဆွဲကာ ဓာတ်လှေကားထဲရောက်သည်ထိ ပြေးခဲ့ရသည် ။ ဘာကိုလောနေမှန်းမသိ မျက်စိတော့အမှန်တကယ်နောက်လာမိသည် ။
" ဟူး ရောက်ပြီပဲ ၊ "
ချွေးစီးစလေးတွေကျနေသော ဆံပင်စလေးတွေကို ဖယ်ရင်း ဖုန်းဆက်ဖို့လုပ်နေသော ထိုအမျိုးသမီးသည်မှာ တော်ရုံကြည့်ကောင်းရုံတင်မကပါ ။
" ရောက်ပြီလား ? အိမ်မှာစောင့်နေမှာမို့လို့ မြန်မြန်လာ ! "
ဓာတ်လှေကားတံခါးပွင့်ပွင့်ချင်းပင် တွေ့ရသောသူ့အခန်း ၊ ကွန်ဒိုဆိုပေမဲ့ ဒီလောက်ထိ တိတ်ဆိတ်တာမျိုးကတော့ ထူးဆန်းသည် ။
" လာ ဝင် ၊ "
တံခါးကို ဖွင့်ပေးပြီး အရင်ဝင်ခိုင်းသည် ၊ အိမ်အခြေအနေကတော့သန့်သန့်ရှင်းရှင်းပင် ။
" နိုဂျယ် ငါ့အိပ်ခန်းကိုဖွင့်ပေးမှာမို့လို့ ခဏဝင်နေနော် ။ အစ်မစားပွဲပြင်လိုက်ဦးမယ် ။ "
" အစ်မ ကျွန်မ ကူရမလား ? "
" မဟုတ်တာ ရတယ် ၊ မကူနဲ့တော့ ၊ "
ဧည့်ခန်းကို ဘာမှမထားဘဲအရှင်းအလင်း hall type ထားထားသည် ။ ဘေးနံရံရှိ ဓာတ်ပုံလေးကလွဲရင် တကယ့်ကိုအရှင်းသား
အစ်မကတော့ စားပွဲတွေရွှေ့ရင်းအလုပ်များနေသည် ။ ထိုစဥ်တွေ့မိလိုက်သော ဓာတ်ပုံတစ်ပုံ ၊
ဆံပင် အနီရောင်ကိုမှ တောက်တောက်ကလေးဆိုးထားပြီး မထင်ထားလောက်အောင်ကိုသူမနှင့်လိုက်သည် ။ ထိုဘေးတွင်လည်း ပိုလာရွိုက်ပုံစံ ဓာတ်ပုံထည့်သည့် binder လေးလည်းရှိသည် ။ အထဲတွင်လည်း ပိုလာရွိုက်ပုံအပြည့်နှင့်ပင် ၊
ထိုအမျိုးသမီးသည် အစ်မနှင့် ဘာများတော်စပ်ပါသလိမ့် ၊ ရင်းနှီးသည့်ပုံထွက်နေသည့်ထိုအမျိုးသမီးသည် ဘာတွေများထူးခြားနေ၍ အစ်မရဲ့ အလေးပေးမှုတွေကို ခံနေရသလဲ ဟု တွေးမိလိုက်သည် ။ မသိလိုက်ခင်မှာပင် ထိုအမျိုးသမီးကို မကြည်တော့တဲ့ ခံစားချက်မျိုးရလိုက်မိသည် ။
YOU ARE READING
𝘁𝗲𝗮𝘀𝗶𝗻𝗴 𝘂 < 𝖬𝗈𝗇𝗂𝗄𝖺 𝖷 𝖭𝗈𝗓𝖾 >
Fanfiction" ဒီအတိုင်း စနောက်နေရင်းနဲ့ပဲ ဘေးနားကနေ ပျောက်ကွယ်သွား ပေးမယ် .... ကတိ ! " " ဒီအတိုင္း စေနာက္ေနရင္းနဲ႔ပဲ ေဘးနားကေန ေပ်ာက္ကြယ္သြား ေပးမယ္ .... ကတိ ! " Side Characters aiki leejung
