دوافع الحب ♥

5

#دوافع_حب5❤!!
#نون_علي

لمن شوفت عمار مضروب والناس بتساعد فيهو عشان  يمشي ،،،اتهجمت وقلبي وقع بين يديني بقيت شغاله ليهم  الحصل شنو  مالو !!!!،،وهم بدخلوه لي جوه،، ساعدهٌ لحدي الصاله وقعد علي اقرب  الكرسي ،،،عاين لي لقاني ببكي قال لي الموضوع ما مستاهل ما تبكي ،،،قلت ليهو كيف ما مستاهل وانت مضروب كدا ،،، عاين للناس قال ليهم شكرا ليكم، ،،في واحد قال ليهو نجيب ليك الدكتور، ،قال ليهم لااا هسي بتصل ب اخوي يجي ،،،في واحد تاني قال ليهو مفروض تمشي المستشفى عديل ،،قال ليهم لااا شويه خدوش بسيطه ،،شكرا ليكم ،،،،حاولوا يقنعوه يمشي المستشفى بس الرأس القوي يخلوه لي منو في النهايه  طلعو قالوا ليهو بنجي نشوفك ،،طول الفتره
دي انا قاعده جنبو ولا قدرت اقدمهم ولا اقفل الباب  وراهم ولا اعمل ليهم اي حاجه قاعده علي اعصابي،،، بس بعاين لي عمار ،،بعد ما فاتو قبل علي قال لي لسه تبكي انتي ،،،،قلت ليهو العمل فيك كدا منو ،،، قال لي كدي اهدي وجيبي لي تلفوني اتصل بوليد   قبيل خطيتو في الطاوله ،،انتي عارفه كراعي دي ما قادر اتسند عليها عديل ،،،، قال لي قومي !!! بقيت بعاين ليهو بس،، قال لي حبيبي اتحركي💕 ،،،،فعليا  مشيت خطوتين جيت راجعه حضنتو وبقيت ببكي بعدلي، ،،، لمن شوفتو بالحاله دي حسيت نفسي يمكن اخسر او ممكن ما اقدر اشوفو تاني ،،،،فكنت عايزه اطمن نفسي انو موجود وقاعد ،،،،خت يدو على ظهري  قال لي شوفي انا كويس ،،،،،ما رديت قال لي الله يرضى عليك  ما تبكي ،،،،من بحة صوتو حسيت انو الضريب واجعو  قومت سريع قلت ليهو معليش معلييش، ،جريت جبت التلفون وجيت  اتصل بوليد ،، بعد ما خلص قال لي اسنديني  ادخل الغرفه، ،قلت ليهو طيب، ،،رفعتو يا الله يا الله، ،، بطريقه عفويه قلت ليهو  ده الحاله انك ما سمين !!! عاين لي قال لي البنيه يا ستي ما عجباك!،،،رديت ليهو بسرعه لااا عجباني ،،،طبعا خجلت يعني مفروض ما كان اقول ليهو كدا ،،، بعد ما قام خده يدو على طول كتفي وانا بقيت ماسكاهو ،،  ماشين خطوه خطوه نتلولح  يمين وشمال، ،،هو في عز وجعو قال لي ما عارف الساند منو على منو ،،، ما رديت لانو مافيني حيل اصلا ارد ،،، لمن لقاني مجتهده  معاهو و في مره قربنا نقع ،،قال لي لو نحنا كنا سكاره  كان مشينا اعدل من كدا، ،،،برضو ما رديت  المشكله هو مستقل الموقف وماسك فيني قوي ما عارفه اذا هو ماسكني قوي كدا عشان خايف يقع ولا عشان جات في هواء فاستغلها، ،،، ما صدقت وصلت السرير  ظهري اظن اتقسم نصين ،،،قلت ليهو اجيب ليك حاجه قال لي لااا وليد بس يجي، ،،يعديها حكايه عشر دقائق كدا لقينا وليد قدامنا المشكله معاهو ابوه وامو و علياء  زاتها جايبين الدكتور ،،انا ما عارفه هي فعليا كانت عشره دقائق ولا غيرها لانو وصلو سريع ،،، "جاين كلهم ملهفين علي عمار ،،،" جات خالتو ليلى "ام عمار "" قالت ليهو وابعلي  يا ولدي ده شنو ده !!!!العمل فيك شنو، ،قال ليها لااا  يا الوالده حاجه بسيطه ،،عاينت لي يدو وكرعينو المليانه دم ده كلها حاجه بسيطه، ،، عم عبد الحفيظ "ابو عمار" قال ليها يا ليلى خلي الدكتور يشوف شغلو  ،، الدكتور قال بعد اذنك اطلعو كلكم ،،، فعلنا طلعنا ،،شخصيا انا ما كنت عايزه اطلع بس عارفه نفسي لو شفت منظر الجروح ح افتح ليهم بيت بكى  وتاني مافي زول بسكتني احترمت نفسي وطلعت معاهم ،، علياء دي تقريبا ما خلت لي حاجه من المعاينات  لو بيدها  تقتلني كان قتلتني  اصلا هي كدا من زمان ما بتحبني  وبعد  ما عمار عرسني، ،بقت ما بتحبني بعدلها  ،،،،خالتو ليلي قالت لي هو الحصل شنو يا بتي ،،قلت ليها والله يا خالتو هو قال نازل لحاجه ضروري تاني ما لقيتو الا كدا والجيران معاهٌ ،،،،علياء قالت لي ما بركاتك يا هديل الولد ما قعد معاك كويس جاء مضروب مع انو مع هند ماشاءالله  زي الطلقه ،،،، عم عبد الحفيظ وقفها قال ليها علياء!!!!!!! عشان كدا ما كنت داير تجي معانا ،،،خالتو ليلي قالت ليها ما بتمسكي خشمك ده ،،، بهناك وليد عيون تبرق ساي ،،،، ما كنت مركزه في اي حاجه غير لمن قالت حياتو مع هند كانت زي الطلقه ،،اكذب عليكم اقول ليكم مطاعنتها ماحرقتني  والله حرقتني وحسيت قلبي دي بطعن بميه سكين  بس ما رديت ،،،المشكله بدل اعدي على كلامها بقيت بشاكل في نفسي وقول ليها انتي السبب ،،،بعد ما طلع الدكتور قال لينا كويس هو بس كرعو إلتوت عشان كدا هسي رجعتها ليهو بعد يوم كدا برجع يمشي عليها وان شاء الله  بالعافيه، ،خليتهم واقفين معاهٌ دخلت ليهو  رفع راسو عاين لي قال لي انتي البكى ده عندك هويه ما بتفتري من قبيل تبكي دايره اتكلم جات علياء قالت ليهو عمار سللاامتك يا اخوي الله يجازي الكان السبب ،،،قال ليها الله يسلمك جات بعديها خالتو ليلى وعم عبد الحفيظ وبعديهم جاء وليد ،،، قال ليهو ما عرفت العمل كدا من يا عمار ،،، قال ليهو لاااا بس ح اعرف ،،هسي سوقهم رجعهم البيت ،،خالتو ليلى قالت ليهو لااا ح اقعد معاك يا ولدي  قال ليها لاااا انا بقيت كويس ،،،،امشو انتو ،،، بعد اصرار من عمار انهم يمشي  في الاخير وافقوا بس خالتو ليلي قالت ليهو بعد كدا تجي شقه الفوق معانا ،، عاين لي قال ليها لااا باذن الله ،،قدمتهم لحدي الباب بس قبل ما يطلعوا علياء قالت والله يا هديل  بالغتي كباية مويه استخسرتها علينا ،،،،انا موضوع اضيفهم ده كان اخر همي اي ما من الذوق وخاصه اول مرة يجونا  بس نهائي بالي ما كان معاهم ،،خالتو ليلي قالت ليها علياء موية شنو الدايره تشربيها انتي في شنو والناس في شنو  امشي امشي قدامي ليهو حق ابوك يقول ما تجي معانا لكن نعمل شنو ،،،،قبلت علي قالت لي يا بتي اعفي ليها ،،قلت ليها لااا ما مشكله يا خالتو ،،،قالت لي ما اوصيك على عمار ،،قلت ليها لاا ما تشيلي هم ،،، بعديها طلعت قفلت الباب اخدت نفس وقفت مسافه جنب الباب تاني دخلت ل عمار لقيتو نايم شكلوا من الدواء المخدر الاخدوا وقفت بعاين ليهو جيت قعدته جنبو وانا بمشي يدي على ملامح  وفي قلبي شغاله  السمحه الفيك دي ما سماحة ناس نصاح ،،،، اترددت ارجع  غرفتي ولا اقعد معاهُ في النهايه قلت لو صحى  داير حاجه احسن اكون معاهٌ وفعليا  رقدت جنبو ،،،،،تاني ما صحيت الا الصباح لقيت وشي قصاد وشو  هو صاحي،،،لمن  اتخلعت  قال لي بسم الله مالك ،،، قلت ليهو لااا انت كويس ؟؟؟ قال لي احسن من امبارح ،،،قلت ليهو الحمد الله ،،،عاين لي مسافه قال لي ده صباح الخير البقولو عليهٌ ❤ !!!!!،،، عاينت ليهو ب استغراب قال لي ما مهم  بس وصليني الحمام اغير هدومي دي ،، قلت ليهو كويس ،، الليله احسن من امبارح يعني كان نوع ما قادر يتحرك، ،، وصلنا الحمام قلت ليهو اجيب ليك هدوم دقيقه وبس  يعاين لي اتوترت توتر لدرجه ضربت راسي بباب الدولاب قال لي حاسبي وهو بضحك عاينت ليه بغيظ  هو واضح انو عايز يوترني
_____________
رنا
كانت شايفه نظرات حسُان  بس غلبني امشي ليهو ،،،،واضح انو ما قادر يعبر والزاد عليهو يوسف وقف قصادو قال ليهو من حقي امسك يديها انت الما من حقك على الاقل انا عايزها انت بصفتك شنو تمسكها  ولد عمها ؟؟؟ يعني شنو المحرم علي محرم عليك ،،،ما رد عليهو بس كان بعاين  لي زي البقول لي عاجبك الكلام ده ؟؟؟ دنقرت راسي ،، يوسف وقف قصادي قال ليهو ما تعاين ليها لو عندك كلام  داير تقولو قولو لي انا ،،،،، برضو ما رد وانا غلبني نظراتو مشيت طوالي ،،، بعديها يوسف قال ليهو جات فرصه لحدي عندك  ما استغليتها  وممكن اقول ليك رفضت النعمه بيدك ولمن لقيتها  راحت منك جاي تفتش في دربها ونسيت يا حسان انو في الف من يتمناها و الف ممكن يجيبوا ليها النجوم لو عايزه ،،، بس هي غبية ما شايفه غيرك ،،،، والحمد الله  هسي جاتني فرصه لازم افوز بيها ما انا ما زيك ،،،، قبل ما يفوت  حسان وقفو قال ليهو ما متعود ارد علي اي زول وده الح اعملو ما ح ارد ليك بس قابلني لو خليتها ليك ،،،،، ضحك قال ليهو مافي حاجه غير غرورك ده ح يوديك في داهيه، ،،،،وفات خلاهو   .....
اما انا مشيت قعدت جنب حبوباتي  وبسمه تعاين لي عشره عشره ،،، اخت يوسف قعدت جنبي قال لي شايفاكم مع بعض ضحكت ،،قلت ليهااا ااا لااا اي ،،،قالت لي اها اتفقتو، ..
_اتفقنا علي شنو !!!
_لااا احساس خلاص ح تكونو مع بعض وكذا
سرحت مسافه قلت هسي يوسف ده الجابرو شنو عارفني ما بحبو وبحب زول غيرو كيف يرض على نفسو الحاجه دي ،،، معقوله ده كل عشاني بحبني  فبتجاهل  اتجاهي ليهو ،،و فكرتو كلها اني اكون معاهُ ،، لفتتني  اخت يوسف قالت لي سرحتي وين قلت ليها هااا لاااا ،،بعديها بدينا نتونس لحدي ما رجعنا ما لمحت حسان تاني ،،،بعد ما رجعنا  قلت  بكره برجع بيتنا بعد كدا ،،كلمت خالتو فاطمه قالت لي اقعدي معانا قلت ليها يا ريت يا خالتو بس بعد كدا احسن ارجع قعدت ما فيهو الكافيه قالت لي سمح يا بتي ما قصرتي والله نردها ليك في عرسك 💛 قلت ليها لااا ان شاء الله  ،،،، فعلا تاني يوم جهزت حاجاتي ما كلمت حسُان  قلت مافي داعي ،،،،جات زوبه صحبة هديل ،،،قالت لي ده شنو يا رنا دايره تمشي ؟؟؟؟؟؟ قلت ليها ااااي ،،،اتخلعت قالت لي تمشي ما تجيني عيب في حقك والله ،،،قلته ليها لااا قاطعتني قالت لي لاااا الله يرحم ايام زمان لمن تجي انتي وهديل تقعدو معاي بالساعات هسي  بعد ما هديل فاتتت عايزه تنسيني، ،،قلت ليها زوبه ده كلام شنو نحنا كمان بيناتنا  هديل ،،،قالت لي خلاص امشي بكره وتعالي عازماك شاي مغرب قلت ليها لكن ،،قالت لي من دون لكن بنتظرك .....
_________________
هديل
بعد ما طلع من الحمام  لقني منتظراهو قال لي لسه واقفه انتي قلت ليهو عشان اساعدك ،،،قال لي مساعده  بضبط  لشنو قالها بخبث شديد  ،،قلت ليهو هاااا؟؟!!،،ضحك قال لي بس تاني معالم وشو اتغيرت جيت عليهو بلهفه قلت ليهو كراعك  واجعاك!!!!،،،قال لي اسنديني بس اقعد ،،لمن جيت اساعدو دموعي لا اراديا تاني بكيت ،،،اول ما شافني ببكي قال لي الله!!!!!! تاني !!!ما بتفتري  انتي ،،،قلت ليهو انا السبب ،،عاين لي قال لي وانتي ادخلك شنو؟؟ ،،،قلت ليهو انا لسه ببكي ،،ما انا من عوارضي الكتيره  حصل ليك كدا ،،،  هسي مع هند كانت حياتك عاديه وقعدت ابكي ،،عاين لي ،،قال لي انتي متخلفه ؟؟؟؟ لا بالجد انتي متخلفه ،،،،رفعت ليهو راسي وانا مصدومه ،،،، مسح لي دموعي قال لي انتي ما عندك اي علاقه وده قدر يا ستي ولا تزعلي نفسك، ،،وبعدين انا قدامك ماشاء الله بقيت كويس حتى شوفي زح يدو من علي ومشى قدامي  قال لي شوفتي انا بس كنت بستهبل عليك ساي ،،،لمن لقاني ساكته مسكني من يدي قال لي تعالي وانتي وشك شاحب كدا تقومي تقعي ما اقدر ارفعك، ،قعدنا علي السرير خت يدو في وشي قال لي تاني حكاية انك  عليك عوارض دي تنسيها  بالعكس انتي وش خير علي ❤❤ ،،،وبعدين انتي ما عارفه بحصل لي شنو وانا جنبك كدا ،،، قرب علي  قال لي ما نفسي الا تحني على حالي يا بت الناس ❤ ياخ انا معرسك قدام اهلك كلهم  ،، ابتسمت بخجل ،،،عاين لي قال ابتسمت يعني رضت  وما مهلني افهم حاجه لقيت بقرب  اكتر واكتر ،،، تاني ما وعيت على نفسي الا بعد وقت هو بضمني عليهو قال لي كدا بقيتي مدام هديل عمار ❤،،،،، خجلت ودسيت نفسي فيهو ،،، ضحك قال لي ما الخجل تاني  لي شنو،،،، دسيت وشي تحت الغطاء  ضحك تاني ،،،،  ما قدرت احدد موقفي بس خجل يعلم الله ما قدرت اخت وشي في وشو، ،بس انتشلني من فرحتي  دي  اتذكرت الدواء حقو  قلت ليهو الدواء عاين لي قال لي باقي ليك محتاج تاني دواء ،،طبعا بعاين ليهو باستغراب ده عمار معقوله ؟؟؟؟،،، ضحك  وقرب وشو مع وشي وانفاسيبقت مع انفاسو،،قال لي بصوت هادي ما تجي اقول ليك كلام حلو زيك !!،،، وقرب علي شفايفي،، و لي المرة التانيه ما مهلني ❤🌻
"لمن يكن انتصاري هين فلقد فُزت بك "
_____________________
رنا
ما قدرت احرجها  والمساء كلمت خالتي فاطمه ،،،اخت يوسف قالت ماشه معاي بس تاني غيرت رأيها قلت احسن عشان اقدر اتونس مع زوبه براحتي ،،،مشيت ليها  لقيتها مجهزه قعده عديل لشاي المغرب قلت ليه عذبتي نفسك ليه !!!قالت لي انتي بتجي متين هو في السنه مرة ،،قلت ليها  ما قصرتي والله ،،،تاني شالتنا الونسه وحكيت ليها الحاصل معاي ،،قالت لي لو دايره تاخدي رأيي مفروض تشوفي نفسك يوسف ده ح تقدري تحبيهو في يوم ؟؟؟؟ طيب حسان ح تقدري تنسيهو  ح تقدري تعيشي من دونو وتشوفيه عايش حياتو عادي ،،، سكت قالت لي لمن تلقي جوابات الاسئلة دي وقتها ح اصدق انك اخترتي صح ،،بعديها ما شعرنا بنفسنا الا الساعه 9 ويوسف بتصل ،،قلت لزوبه ده يوسف، ،،قالت لي هو عارفك انك بره، !!!،، قلت ليها لااا بس اختو بتكون قالت ليهو، ،قالت لي اها ردي شوفيهو ،،فعلا رديت قال لي وين ما جايه بعد كدا ،،،، قلت ليهو لااا جايه في حاجه ؟؟؟ قال لي للااا قلت اسأل منك ،،قلت ليهو جايه ،،،، بعد ما قفلت قلت ليها شوفتي مركز معاي بس ما حاسه اني مبسوطه  قالت لي ما قلت ليك شوفي نفسك  الكويس معاك شنو في المهم سعادتك، ،قلت ليها سعادتي مع حسان بس حسان ابسط حاجه ما مركز معاي فيها ،،،قالت لي يمكن عايز يركز بس ما لاقي طريقه،،قلت ليها كيف ما لاقي طريقه هو جابر نفسو علي يعني بالقوة عايزني ارجع زي زمان ،،،قالت لي ما تسبقي الاحداث في جوانب ما بتكوني عارفها ،،،سرحت في كلامها تاني قلت ليها احسن امشي بعد كدا ،،،قالت لي ليه اقعدي ،،قلت ليها الوقت اتأخر، ،، قالت لي ياخ ؟؟؟ قولي عشان يوسف اتصل ،  قلت ليها ما عندها علاقه على فكره،، قالت لي طيب اقدمك لنص المسافه ،،قلت ليها لاااا البيت قريب قالت لي تعالي تعالي ،لبست توبها وقدمتني  نص المسافه وقالت لي يلا بيناتنا تلفونات  💕💕 قلت ليها لااا ان شاء الله  ،،،ومشيت لمن وصلت  لقيت حسان منتظرني جنب باب البيت وشو ما بتفسر، ،،جاء علي مسكني من معصم يدي قال لي انتي دايره تجننيني  ؟؟؟؟؟؟؟؟ وريني  بس ليه بتعملي في كدا ،،،شيفاني طرطور  قدامك!!!انتي عارف انا كنت مقلق كيف !!!!! انا من شدة ما قلقت  غلبني اتصل بيك ليه تعملي فيني كدا ؟؟؟؟ ،، قلت ليهو ممكن تفكني، ،،قال لي رنااااااا، ،،قلت ليهو هسي بقيت رنا ،،، قال لي طيب وريني كنتي وين ،،،، قلت ليهو ببساطه مع زوبه صحبت هديل ،،قال لي ،،لحدي الوقت ده ،،، قلت ليهو ايوة عادي زمان كنا بنقعد كدا ،،قال لي زمان قولتي لي ،،، لاا تاني ما هو نحنا ح نكون مع بعض، ،قلت ليهو كيف يعني مسك وشي بيدينو و قال لي عشان انا دايرك معاي لحظه بلحظه ممكن بس تديني  فرصه ؟؟؟؟؟ ضحكت قلت ليهو انت بتطلب فرصه ما انا ياما طلبت منك فرص،،، قال لي غبي غبي غبي  والله قايلاني ما ندمان انا سافي التراب بعدك سف وما نفسي الا اكون معاك 💕💕 اشفقي علي عجبك حالي انا امبارح غلبني النوم كل كل من شدة ما ندمان ومن شدة ما خايف اخسرك ،،،ما انتي الزوله البتتخسر انتي البعافرو فيها لحدي ما يصل ليها ويصلو عليها صلاة شكرا كمان 💕 ،،،رفعت راسي مع كلامو  لقيت فعليا وشو واقع واضح انو كان مساهر وهسي قلقو  ولهفتو علي خلتني اشفق عليهو ،،،قال لي قولتي شنو يا روح الروح انتي 💕،،،ابتسمت  طوالي قال ابتسمتي يعني موافقه ،،قال بصوت عالي نسيبا يا بختك يا حسان 💕 قلت ليهو بس...قاطعني قال لي عارفك في مواضيع كتيره في راسك واسئلة بس هسي خلينا نعيش اللحظه  وخليني ادخل حياتك تاني ،،قلت ليهو  بس المرة دي لو خذلتني  قال لي الله لا جاب الخذلان  ولا عاش البخذلك، ،،قبلني من جبيني  وقال لي  اعتبري دي عربون محبه بيناتنا لمن يتقف علينا باب واحد ❤❤
"الحب ده دافع بخليك تغفر للزول البتحبو وتديهو فرصه تانيه  بتحس انو يستاهل الفرصه بس بالنسبه ليك دي الاخيره يا فاز بيها يا خسرك"

#احداث الروايه زي الواقع بتتمحور وتتغير على حسب نفوس الناس يعني مافي حاجه ثابته "
___________________
يتببععع
البارت ده خليتو كدا مافيهو مشاكل عشان ناخد نفس قبل ما تسوط 🤣🤣↖️🌻