دوافع الحب ♥

2

#دوافع_حب2💕
#نون_علي

تفاصيل العرس كانت سريعه والبيت مليان والناس مستغربه في إني وافقت وفي ناس قالوا جابرني ، ،،، انا بالنسبه لي بين مبسوطه وما مبسوطه لسه بقول لي نفسي الخطوة العملتها دي صح ولا اتسرعت ،،، تاني بقول هي فرصه وجاتني لحدي عندي اقول ليها لااا ؟؟؟،،،حتى لو ما كنت الزوجه الاولى في حياتو بس المهم فيها ،،،، طبعا حبوباتي من سمعوا بالعرس جوا قعدوا معانا غايتو هي كانت حبسه بأدب ما اعلق على حاجه حبوبتي تقول لي اسكتي اسكتي انتي عارفه حاجه لو عارفه كان بترضي بالزول ده ؟؟؟؟؟ حبوبتي التانيه قالت ليها والله يا حاجه علويه معاك حقك بس كمان عمار بيتفاد ،،،، ودي تشيل ليها ودي تخت ،،،،قطع كلامهم بنات خالتو سوسن بنات عمي "ألين عمرها ، 24،،رنا 20 اكبر منها انا بسنتين ،،وسن اخر العنقود 17" ،،، ألين قالت لي ما نكون اتاخرنا ،،قلت ليها لااااا بدري بدري خالص ياستي ،، قالت لي معليش معليش اتلخمنا مع عرس صهيب واول ما خلص جيناك جري، ،، قلت ليها وطلع كيف بالله؟؟
مبالغه والله فاتك يا العويره، ،قلت ليها اجي ب وين يازوله اها،،،،، عاينت لي رنا قلت ليها مالك ساكته !!! الين قالت لي خليها دي ،،وسن اختهم قالت لي ما حسان خطب بت عمتنا بسمه ،،، عاينت طوالي لرنا ، صراحه انصدمت والله يعني رنا دي مكشوفه لينا كلنا انها عايزهو اذا انا الما عايشه معاهم في بيت واحده لاحظت ليها طيب الباقين كيف !!!!( اخوان واخوات ابوي كلهم عايشين في البيت الكبير ما عدا ابوي نسبه لي انو اتنقل من الشغل )،،،،ما عارفه شعورها كيف او هي حاسه بشنو بس والله صعبه،،ذكرتني بنفسي زمان بس انا بختلف انا صبرت سنتين ولا كان عندي امل انو كان يعرسني و خاصه بعد ما عرس هند بس سبحان الله النصيب لو مكتوب بجي بجي ،،، وهسي بقى على رنا وعلى العليها معاها في نفس البيت يعني والله ربنا يكون في عونها ،،، قلت ليهم تعالوا الغرفه جوا دخِلو حاجاتكم ،،قالت لي الين وين خالتو فاطمه (امي) قلت ليها طلعت الجيران قالت في حاجات دايره تجيبهم هسي بتجي ،،،قبل ما ندخل جات
سلمت عليهم بعديها جو الباقين عمامي وعماتي، ،،،
كان واضح نظرات حسان لرنا في قلبي قلت ليهو وقت دايرها بتعذب في نفسك ليه ،ضيعتها علي نفسك والله،،،،،، اتكلم قال ليهم انتو وقت جاين ما انتظرتونا ليه ؟؟؟؟ ألين قالت ليهو قولنا ح تتأخروا، ،،،، وبعدين عاينت لي بسمه القاعده قصاده قالت ليها مبروكات ليكم امبارح ما لقيناكم، ،،، انا بعاين لي رنا شويه ح تبكي قدامنا ،،،حسان ما رد ليها ردت بسمه قالت ليها الله يبارك فيك ، وسن قالت لحسان مبروك والله فرحتنا بيك ،،، قالتها بطريقه مستفزه يعني صراحه لو علي اضحك فيهم ،،قال ليها الله يبارك فيك ،،بعديها الرجال مشو الصالون ،،،لقيت رنا بتعاين لبسمه ،،،سوقتها معاي قلت ليها تعالي يا رنا دخلنا الغرفه وبقت تبكي قلت ليها معليش بكره بتهون ،،قالت لي ما قادره ما قادره اشوفهم مع بعض والله ،،ما عرفت اقول ليها شنو لاني يوم من الايام كنت زيها ،،،،،
"مشكلتنا الحقيقيه ما بنقدر فرضية انو الزول ده ممكن ما يكمل معانا بلا بنخد أمانا كلها فيهو بنتجاهل فكرة انو ما ح نواصل مع بعض فلمن تجي الحقيقه المره بتبقى لينا حنضل ساعتها حتى البكي ما بسعفنا ""'
___________________
من جانب رنا
بعد ما اعترفت ليهو ما كنت متوقعه دي ردة فعلو والله ،،استهان بمشاعري شديد وعلى العليهو مشى في نفس الوقت يتقدم لبسمه كأنو بقول لي ايوة انتي ما فارقه معاي وانا ما عايزك يعني ولا عمل اعتبار لي اي حاجه ولا لاني بت ممكن اتكسر او تحصل لي حاجه ،،، ما قدرت اتم باقي العرس ورجعت البيت،،انا ما واعيه لنفسي دخلت الغرفة قبل ساعات كنت بشجع في نفسي وكنت متحمسه على حس انا خلاص ح اكون منتصره وخاصه اهتمام حسان فيني خلاني اتشجع اكتر بس طلع على الفاضي وهسي ما نفسي غير اني عايزه اصرخ عايزه اسمع الناس كلها اني قدر شنو اتكسرت وما انكسار عادي لاا ده ده من حسان، ،حسان الطول عمري شايفاه في قمة المثالية هسي عمل فيني شنو ،،،بس ما بقدر ما بقدر أجبرو علي بس كمان انا بحبو ،،قلبي ح يطلع من مكانو شعور سيء متملكني، ،،،ياريت ما حبيتك ياريتني ياريت لو كنت انا مكاني انت العايزني انا ،،،انا بالجد تعبت تعبت ياربنا ..