البارت السابع والعشرون الكاتبه (سمو الملكه) تصويت⭐️⭐️
اسد يكول لعسل أغارُ عليك من عيني ومنّي ومنك ومن زمانِك والمكانِ ولو أني خبّأتك في عيوني إلى يوم القيامةِ ما كفاني
ثاني: يوم خابرت ماما وانطيتها الخبر واكيد طششته بالعائله وعسل وعلي وادومي وحتى عمور ما قصرو راحو جابو كيكه وحلويات معجنات وجانو بيت عمي الصغير هو وبنات صغار اثنين وزوجته موجودي كلنا بيت جدو نحتفل واكيد الكعده ما تخلى من خزرات اسد لاختي او خوفه عليها يبووو من اجت يم الشعالات الناريات وشعرها راد يحترك تخبل وخر شعرها بسرعه وايده احتركت عادي! رغم مو ذاك الحرك القوي جان اشبهه بالجويه بس هلكد يخاف ع عسل يعتبرها بنته ابد ميعتبرها خطيبته وهي ماشاء الله عليها صدك طفله ماكو سالفه مال جهال ما تسويها حالها حال بنات عمي الصغار تجي منا وتروح منا حركات الاطفال كلها يمها خبله كلش مستمرين هيج هي واسد هو متخبل عليها وهي مخبلته بحركاتها هههه واني وفهدي محد فرحان كدنا بطفلنا الاول
**عسل صارلنا فتره زينه مخطوبين تعودت ع اسد وحبه وغيرته عليه ودلاله الي خابرني بيوم العصر اسد: هلو بنتي راح اجيج تحضري ربع ساعه تطلعيلي عسل: ما ما مالحك اسد: بدا العد بسرعه عسل بس اتصل اشوفج مزروعه بالباب عسل : غلقه بوجهي اهوووو شلون سالفه هاي بدلت بسرعه فستان وردي فاتح وشال حليبي ع بياض وبوتين وحمره ومسكاره وكحل ونزلت اركض ماما : وين عسل عسل: ويه اسدددد خابري وافهمي منه لان خابرني وبس اتاخر دقيقه يكتلني اامشي واحجي اخاف منه خاف اتاخر! ركضت صعدت بسيارته فحطانه وانفاسي عاليه اسد: هااا جنتي تركضين؟ عسل: دايره وجهي عود عصبيه ايييي جنت اركض اسد: اي عادي عسل:.... مستفز وبارد نزلنه بحديقه كال عندي موضوع مهم! عسل: اي احجي اسد: نحدد موعد عرسنه ... عسل: شنو السالفه شو كبل لا احم ولادستور شدعوه ليش مستعجل بـعد وكت هواي اسد: صار مده زينه مخطوبين ليش دتماطلين عسل؟ عسل: احمم اا مو شسمه اسد: احجي فضيني عسل عسل : مو خاف انت ديصير عليك ضغط من جدو او عمو حتى تقدم العرس اذا تريد تفسخ عادي اذا متحبني. كلتها ودمعت (لان احس هو بعده ما مقتنع بيه واني صرت احبة بس مستحيل اجبره عليه) اسد: اممممم تكتف ورجع ظهره لورا ورجليه رجل ع رجل وكال ليش من شوكت انييي احد يجبرني ع شي؟ واني اذا خطبتج او اتزوجج تاكدي بمزاجي وبكامل قناعتي مستحيل احد يجبرني ع شي وهاي مره ثانيه تعيديها مال يجبروني اذا عدتيها مره ثالثه عقابج عسير لان مو اسد لينجبر ع شي! عسل: فرحت انو هو ما مجبور وطلع احساسي خطاء بس خفت من كال نقدم العرس الموضوع يربكني احسني ما مستعده بعدني اسد: شبيج! تره داخذ رائيج مو اجبرج واكول صار مده زينه مخطوبين ولازم نزوج بعد لان خير البر عاجله مو حلوه المماطله عسل: اي نحدد بعد شهرين؟ اسد: شسوينه لعد؟ عسل:لعد؟ اسد: اسبوعين؟ عسل: عااااا لاااااا اسد لاااا الله عليك ع الاقل شهر اسد: كسرتي خاطري هاي لخاطرج راح اجل ٣ اسابيع غيرهم ممنوع لاتناقشين بعد عسل: اووووي اووووي ينطي القرار ولازم انفذ جنود عندك احنه اسد: ي جنود عندج اعتراض؟ عسل: هو احد يكدر يحجي وياك ياله نوب يعترض اوووي العصبي ما تتحاجه شدعوه يعمي اسد: يعمي هذا لموجود عجبج خير ع خير معجبج شوفي ذاك العمود ركعي راسج بيه عسل: ي ابقه هيج وياي تتعامل كله بعنف يحتاجلك درس بالرومانسيه تره اني خطيبتج مو اخوج الصغير اسد: عادي انتي وفهد نفس الشي! عسل: هاي الانوثه والرقه كلها وتشبهني باخوج اوووي شكد ظالم اسد: صرفتي اوي هواي! بطني وجعني من الجوع مادري من الاوي مالتج امشي ناكل عسل: رحنه تعشينه هو طلب كباب واني بيتزا طبقي المفضل ولو احب الاكل كله وكعدنا ناكل كمل الكباب حول ع البيتزا مالتي سالته عسل: اكولك شو تاكل هواي وانته رشيق وجسمك يجنن وين يروح الاكل؟ اسد:اممممم اوكفي وحده وحده اكل هواي عادي اني ولد اتحرك واشتغل واتمرن ينحرك الاكل لان اصرف طاقه مو نفسج بس نايمه وبعدين طلعتي معجبه بجسمي يامعلونه لعد متحجي شمنتضره وغمزلي عسل: كمت امتمت حتى معرف شرد عليه كبل كتله رايحه اغسل وشردت للحمامات واسمع صوت ضحكته وراي رحت غلست ورجعت حاسب المطعم وطلعنا اخذنه تمشينا شويه بالمنصور بالمول والمحلات اشتريات تجهيزات احتاجها ملابس وشغلات لان صدفه لكيت اشياء حلوه ف اخذت كلشي كدامي لان من اروح على مودهم يختفن رجعنا واسد اجه وياي لبيت اهلي وطلب يكعد ويه بابا يحجي وياه ع موعد العرس وعلي اخوي هم جان موجود بابا ما كال شي كاله هي مرتك اصلا سوو الي يعجبكم ابني بالتوفيق شايفين كل الخير اسد تشكر منه وباس راسه وسلم وطلع راح لبيتهم واني كبل صعدت بس عزلت الغراض وبدلت وغسلت ونمت بسرعه لان تعبنا استمرت الايام تمشي واني اجهز من صالون من قاعه للحنه لان العرس بس زفه وللفندق والحنه قاعه الي وقاعه اله بس قاعه يم الثانيه حتى يجي يحنيني وتكون قريبه عليه والبدلات وشمس وغزل معرسات وياي هاي تريد فستان وهاي تريد صالون وهاي تريد حجاب وهذيج كعب مخبوصات اكثر مني وخبلوني وياهم واسد منا كل ساعه وكال راح تجين عندي واكلج اكل واذبحج واموتج وبس يهدد ماخذني سبيه عنده مو عروس واني مقهوره لان راح اتزوج وتبقا ماما وحدها والولد ضايجين وابوي حتى ميحجي لان اني جنت ساده مكان شموس ومغيره الهم الجو هسه اثنينا راح نزوج ونعوفهم حتى قررنا نخطب لعلي ورا عرسي لان خطيه امي وحدها وهمه ما شاء الله هواي ومتلحك وحدها وحتى لمساعده مالتنه هم امي تطلبها بس للتنظيف والباقي كله ع ماما طبخ وترتيب وشغلات الولد وابوي لما تخلص خطيه كلش شايلين همها اني وشموس اسد الوحيد لمتونس ساعه يكول راح اتزوجج واعيشج ملكه لان اني ملك ومرت الملك لازم تكون ملكه وادللج دلال مصاير وساعه يكول جاريه لان اني سلطان ولازم تخدميني وساعه يكول الحياه راح اصيرممله بس ازوجج بس اطلع وين رايح. آٍجُــي تاخرت.اكل جيبلي وياك طلعني اشتريلي يبووو طلباتج ما تخلص وكل ساعه اسد برأي ولا صافي اله ع رأي او كلمه ومخبلني وياه ع والواهس اخر شي رحت جيكت البدلات وحجزت بدله ملكيه ردن للعرس جان لونها ابيض وبيها لمعه قويه وكلها كرستال نفس الصوره كلش حلوه وفخمه وشمس وغزل جانو حاجزين فساتين سوه لان هم الاشبينات مالتي ع اساس ف اشترو فساتين متناسقه ومتقاربه للعرس اثنيهم ابيض ع مود جلسه التصوير همه وياي طلعو يخبلون حبيباتي ولبست بدله حمره واسد بدله سوده بالحنه وبعدين بدلت لبست قفطان ماروني وذهبي واسد دشداشه اوف ويات وعكال يجنن طلع اجه من حنتهم مال ولد لقاعتنا واصلا اغلبها اقربائنا ماكو غربه بس صديقاتي امي وخالتي كم وحده وصديقاتنا وبليل اخر شي من سولنا فقره زفه من القاعه قبلها دخلو الشباب كلهم عمامي وخوالي وجدو ولد عمامي واخواني ولد خوالي وركصو لعبو لعب البنات تسترو نص لبسو عبي ونص بس حجابات وامي وخالتي يركص ويه الولد وغزل وشموس لعبو لعب بالركص استهترو واسد هو عرسه وفرحان ويركص وبنص الركص يحجي عليهم هاي غزل اذا اللزمها اعدمها وهذا فهد الفاهي ما يلزم مرته لعبت لعب موتني ضحك كتله دحير بروحك عوف العالم متونسة حتى هنا مخلصو منك ولو هو منو يخلص من اسد وطبكاته ههههه.....
هاي بدله الحنه مالتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهذا القفطان شحنته خاص من تركيا لان ردت هيج موديل وما لكيت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاي بدله العرس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هذا فستان شمس عروسه هاي تحس نفسها ولابسه بدله وياي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهذا فستان غزل غزل كلش نازكه وهادى فستانها يمثلها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مشتاقتلكم بنياتي الحلوات رمضان كريم عليكم يارب♥️🥺🌙 تصويت⭐️⭐️
