■ Unicode
Chapter 18 | သူ့ကို လွမ်းသည်
" နိုး မင်းခေါင်းမမာနဲ့... ကိုကိုနဲ့ ပြန်လိုက်ခဲ့ "
" ဟင့်အင်း... သား ဒီမှာပဲ အံ့မင်းနဲ့ နေမှာ "
ရေခဲပြင်အလား အေးစက်လှသည့် မျက်နှာထားဖြင့် နိုးအား လေသံတင်းတင်းပြောလာသော ကိုကို။
" မင်းဆေးတွေ ပြန်သောက်နေရတာ ကိုကိုသိတယ်နော် "
" .... "
" နိုးရာ... ကိုကိုနဲ့ ဂျပန်ကို ပြန်လိုက်ခဲ့စမ်းပါ... ဒီမှာထပ် ဟိုမှာ ဆေးကုရင် ပိုကောင်းတာ နိုးလည်း သိရဲ့သားနဲ့..."
ကိုကိုက ခြောက်တစ်လှည့် ချော့တစ်လှည့်ပြော၏။ နိုး မှင်သေသေဖြင့် ရပ်မြဲအတိုင်းသာ ပေကပ်ရပ်နေလိုက်သည်။
" ဟင့်အင်း.. အံ့မင်းနဲ့ မခွဲချင်ဘူး "
" ဒါဆိုလဲ သူ့ပါ ဂျပန်လိုက်ခိုင်းမယ် "
" မဖြစ်ဘူး...မခေါ်နဲ့... မဖြစ်ဘူး.... အံ့မင်း သားရောဂါအကြောင်း သိသွားရင် ဘယ်လိုလုပ်မလဲ..."
ချာနေအောင် ခေါင်းခါလျက် အတင်းကာရောငြင်းမိသည်။ နိုး အခြေအနေကို အံ့မင်းသိသွားလို့ သူနိုးကို မချစ်တော့ရင် ဘယ်လိုလုပ်မလဲ။ သေချာပေါက် ဒီစိတ်ပျက်စရာ စိတ်ရောဂါအကြောင်းကို အံ့မင်းအား ပေးမသိချင်ပါ။
" သျှားနိုးတ ခေါင်းမမာစမ်းနဲ့ကွာ..။ မင်းကိုကို့အကြောင်း သိတယ်နော်။ လွိုင်အံ့မင်းနဲ့ ကိုကိုစကားသွားမပြောချင်ဘူး။ အဲ့တော့ လိမ်လိမ်မာမာမနဲ့ ဒီည ကိုကိုနဲ့ ဂျပန်ပြန်လိုက်ပြီး ဆေးကုသမှုခံယူ။ "
ကိုကိုက နိုးကို ခပ်မာမာပြောရင်း ခပ်စူးစူးအကြည့်တစ်ချက်ပစ်လွှတ်ပြီး ချက်ချင်းလှည့်ထွက်သွား၏။ မိမိမှာ ရွေးချယ်မှုမရှိတော့။ အံ့မင်းနဲ့အတူ တက္ကသိုလ်တက်ရမည့်အစား ကိုကိုနဲ့အတူ ဂျပန်ပြန်လိုက်သွားရမည်သာ။ အလိပ်လိုက် အလိပ်လိုက်တက်လာသော အလိုမကျမှုတွေနဲ့ ဒေါသတွေကြောင့် စားပွဲပေါ်ရှိ ပစ္စည်းတွေအားလုံးကို အားဖြင့် တွန်းချလိုက်သည်။ ကျကွဲသည့် ပစ္စည်းများက ကွဲ၊ ကျိုးသွားသည့် ပစ္စည်းများက ကျိုး။
YOU ARE READING
ဆန္ဒရှိမယ်ဆိုရင်တောင် | #1 ✔
General FictionStatus: COMPLETED. Genres: BL/ Drama/ Romance Tag: LoveTriangle/ Psychological/ Angst Location takes place: Human world Time: Current Targeted audience: New Adult Update Schedule: Mon, Wed and Sat IF the series #1 Even If we Wish for Own Creation...
