■ Unicode
Chapter 19 | အားလုံးကို သတ်မယ်!
" လူနာ ခွန်းသစ်ပလား?.. အာ.. သူ စောနကပဲ ဆေးရုံဆင်းသွားတယ်ရှင့်။ "
" .... "
" ...ဟုတ်ကဲ့ပါဗျ ကျေးဇူးပါ။ "
သူနာပြုဆရာမလေးကို ကတိုက်ကရိုက် ကျေးဇူးတင်စကားပြောပြီး စကားဆုံးအောင်မစောင့်ဘဲ ချက်ချင်းဆေးရုံအပြင်ထွက်ဖို့ပြင်နေတဲ့ နိုးအနောက်ကို ခွန်နေနိုင်းအောင်တစ်ယောက် အပြေးလေးလိုက်ရပါသည်။ နိုး ခွန်နေကို မစောင့်နိုင်လောက်အောင်ကို အလျင်လိုနေမိသည်။
ဟိုကောင်လေး ဆေးရုံဆင်းသွားပြီမလို့ သူနဲ့ အံ့မင်းနဲ့ ဆက်ဆံစရာအကြောင်းမရှိတော့ပါ။ အတွေးကြောင့် ရင်ထဲမသိမသာပျော်မြူးနေမိသည်။
အစကတော့ ကိုယ့်အခြေအနေကြောင့် မိမိမှာ အံ့မင်းကို လက်လွတ်ပြီး သူ့ကို တကယ်ချစ်တဲ့ သူတစ်ယောက်ယောက်နဲ့ တွေ့စေချင်သည်။ ဒါကြောင့် အဲ့ကောင်လေးနဲ့ စကားသွားပြောပြီး အံ့မင်းကို တကယ်သဘောကျ မကျ သွားအကဲခတ်ကြည့်ခဲ့သည်။
သူက မိမိလောက် အံ့မင်းကို မချစ်နိုင်ပင်မဲ့ မဆိုးဘူးဟု နိုး တွေးမိသည်။ သို့ပင်မဲ့ တကယ်ကြီး အံ့မင်းနဲ့သူ အဆင်ပြေနေသည်ကို နိုးမကြည့်ချင် မကြည့်နိုင်။ အံ့မင်းကို လက်လွှတ်လိုက်ပြီဟု တွေးနေသည့် ကြားမှ မိမိမသိစိတ်က အံ့မင်းကို လက်မလွှတ်နိုင်သေးပါ။ အခုလည်း ခွန်းသစ်ပဆေးရုံဆင်းပြီဆိုလို့ စိတ်သက်သာရာရနေသည်မှာ ကွဲနေသည့် မိမိခြေဖဝါးက နာကျင်မှုကိုတောင် မခံစားမိတော့ပါ။ မိမိမှာ အံ့မင်းကို လမ်းခွဲစကား ဆိုပြီးတာတောင် မသိမသာကျေနပ်နေမိသည်။
နိုးကားထဲဝင်ရန် တံခါးဖွင့်ပေးသည်ကအစ စကားတစ်ခွန်းဟစရာမလိုအောင် လိုလေသေးမရှိ အနောက်က လိုက်ဖြည့်ပေးပြီးနောက် ကားမောင်းသူနေရာကို ခွန်နေတက်ထိုင်လိုက်သည်။
" နိုး.. ခါးပတ်ပတ်။ ဘယ်သွားမှာလဲ ဆို.. "
" အိမ်.. အံ့မင်းအိမ် "
" အမ်.. လိပ်စာသိတယ်မလား? "
ကားစက်နိုးရင်းပြောတော့ နိုးလေးက ခေါင်းညိတ်ပြ၏။ ထို့နောက် နှုတ်ခမ်းဖူးဖူးလေးဆီက ထွက်ကျလာသည့် လိပ်စာအတိုင်း ခွန်နေနိုင်းအောင် ကားလေးကို မောင်းနှင်လိုက်သည်။ တစ်လမ်းလုံး ဘေးနားက ကောင်လေးမှာ တိတ်တိတ်လေးနေပြီး ကားပြူတင်းပေါက်မှအပြင်ကိုသာ ငေးကြည့်နေသည်။ မျက်နှာဖွေးဖွေးလေးမှာ နဂိုထပ် အနည်းငယ်ဝင်းလက်လာပြီး အပြာရောင်မျက်ဝန်းတို့မှာလည်း တောက်ပလာဟန်။
BẠN ĐANG ĐỌC
ဆန္ဒရှိမယ်ဆိုရင်တောင် | #1 ✔
Tiểu Thuyết ChungStatus: COMPLETED. Genres: BL/ Drama/ Romance Tag: LoveTriangle/ Psychological/ Angst Location takes place: Human world Time: Current Targeted audience: New Adult Update Schedule: Mon, Wed and Sat IF the series #1 Even If we Wish for Own Creation...
