هايدي والمعلمة
الجزء الاول
بقلم فاطمه محمد
يحكى في قديم الزمان في بلده بعيده يسكنها البشر والجن
كانت هناك فتاة صغيره تسكن مع امها وأبوها في حب وامان واطمئنان ... ولكن الشر اذا دخل على القلوب يكسرها ......
هايدي _ اميي بأجر كعديني بالخمسه عندي مدرسه والمعلمه
كالت بالسته انتو موجودين عندي درس اضافي
المعلمه اختارتني اني وست طلاب شطار كالت تاخذنه درس اضافي
_ اي ماما روحي نامي حتى تكعدين الفجر نشيطه
هايدي _ نمت بثمانيه بالليل وكعدتني امي بالخمسه الفجر راجعت دروسي وتريكت وطلعت لمدرستي بس وصلت متاخره بالسته ونص وصلت المدرس
باوعت من شباك الصف وشوف المعلمه تاكل بايد صديقتي
وحلكهه كله دم واربع طلاب رابطتهم من ايدهم وحلكهم فزيت من المنضر وختلت جوا الشباك ابجي وارجف اخاف ارجع وتسمع صوتي
واني اسمع صوتهه وهي تاكلهم اكلت الطلاب السته وبهدومهم نضفت الصف من الدم وطلعت غسلت وجهه
طلعت اركض اريد انهزم شافتني وصاحت هااايدي
عفتهه وطلعت ارركض ارركض عفت القريه كلهه ومن خوفي ما رجعت لاهلي
بقيت لليل اني مستمره بالركض
تعبت وكعدت يم بيت من التعب ما حسيت نمت وكعدت الفجر على صوت رجال
_ كومي بتي كومي ليش نايمه هنا وين اهلج
_ هاا ماعندي أهل وماعندي بيت
_ ليش وين راحو اهلج
_ ماتو اهلي كلهم ماتو
_ كومي بتي اني عندي محل اشتغلي بي ونامي بي واني انطيج شهريتج
_ اي عمو اريد اشتغل ...
طلعت ويا للمحل وعلمني عل خضره واسعارهه وشلون اتعامل ويه الزبون
تعلمت الشغل وصرت اشتغل النهار كله وبالليل اقفل المحل ونام بي
اله ما بيوم فضه المحل من الزبائن
وجتي عاصفه سووده وكفت كبالي
_ هاااايدييي شفتيني شسووويت بالطلاب لو لااااا
_ لا ست ما شفتج ابد
_ هااايدي شفتييني شسووويت بالطلاب لو لا
_ لا لا ست ما شفتج.......
كلبت المحل كله وخربت الخضره وطلعت
كعدت بالكاع ابجي وارجف شراح يسويلي صاحب المحل لو رجع وشاف محله وشكله منو سوا هيج وشلون راح اخلص من الجنيه وشراح سويلي اذا كتلهه شفتهم احجي وابجي
اكيد راح تاكلني مثلهم اكييييد ...
شويه واجه صاحب المحل شاف محله وصاح .........يتبع
