مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وأنتِ وأنتِ وأنتِ ثُم أنا . ________________
فاطمة
من بعد كل الي صار وغرفتي الي چانت متروسة بذياب على اي ساعة ينقضون عليه صارت فارغه وصرت اني مالكتها لمده زمينه قصيره ماضليت واكفه واشوف نفسي ومستقبلي وزواجي يتدمر اني ماتعلمت عالذل ولا الضرب عشت معززه مكرمه طول عمري محد يبزني بكلمه.. يجي واحد بأعتقاده الحب بالضرب حتى لو احبه اتركه الأنسان شيفيده غير عزه نفسه وكرامته؟؟ هذني اذا ضيعهن هوا ضاع وصار بكل بساطة يتم وصفه بــ " عديم الشخصية"
ماريد احط نفسي ضمن هذه المسميات النكرة بالنسبة اليه اني اعمق وأقوى من مراحل او مواقف الحياة العابرة الي على اي ساعة تنتهي وتصير مجرد ذكريات !!
هذه چانت خارطة افكاري واستغربت من قوتي بهيج مواقف البعض يشوفه شي بسيط بس بالنسبه الي انجاز يعني ماماره بهيج مواقف من قبل ابدا فلذلك الصدمة من حقي ....
شديت همتي وگمت فتحت الجنط الي بيوم من الايام چنت انقل بيها جهازي قبل العرس بأربعه ايام وهسه راح ارجع بيهن لمكاني الي استحقة والصحيح.
لميت كل ملابسي بشكل مخربط وعيوني بدت تحركني من كتم الدموع ماعرفت هيج حياتي تصير بيت الأحلام الي بنيته احترگ عليه وبقى بس رماد واثار ااحرگ بعدها بروحي ماتروح ولا تشفى اني بمخيلتي قبل بنيت اشياء يعني كل تفكيري چان هيج راح ابدي صباحي وهيج راح نطلع وهلكد راح اجيب اطفال كله انمحى هسه تسألوني ليش نمحى؟
"الحب راح وانتهى علي مات بگلبي بعد واليموت مايرجع"
ضميري مات والحُب اكثر شي اكرهه حاليا دمر مشاعري وروحي الله يدمره دمرر نفسيتي اني تدمرت بكل ما تعنيه الكلمة الحياة ماتت وماكو أمل ارجع مثل قبل بس نصيحة لا تستغربون اذا خانتكم أضلعتكم اي نعم نفسك تخونك فما بالك بالبشر الـروح چـانت بـس يـمـه تـهـده وهـسه صـاير مـوش هـوا الـي عرفته..
اشيل بالملابس بدون تسفيط بسرعة بسرعة كملت تقريبا ثلاث جنط رحت للثلاجه اشرب مي واني تشوغ روحي من الوجع الي بالساني نارر عبالك لا اكل ولا اشرب شي بس ألم عبالك حياتي نكتبت تحت هذا المسمى... اباوع لجسمي واثار الضرب بعدها عبالك جاي تگلي انسي شي اسمه سماح واخطي نحو مستقبل دون ذكوري يرى المرأة احدى السلع الرخيصة او حقل تجارب لأفعاله المتوحشة اصنعِ لنفسك مكانه
