أربعه راكب ( مُكتملة)

برومو من "فتاة النورسين"

الرواية هتبقا زي مسلسل رمضاني هتنزل في رمضان بس الصراحة انا محددتش هتنزل كل يوم و لا يومين في الأسبوع هشوف لحد يوم الجمعة و هبلغكم

علشان بس أقدر اوفق بينها و بين الجامعه بتاعتي و شغلي و كمان اوفق بينها علشان تطلع بالشكل الي يعجبكم

و دا غير انه شهر واحد في السنة الي كلنا بنستني يجي علشان نتقرب من ربنا ف ياريت أبداها أول رمضان و هتخلص الوقفة بأذن الله أدعولي 🥺🥺

لو لقيت تفاعل كويس علي البرومو هنزل مفأجاة من رواية أربعه راكب ، لأن لقيت ناس كتير بعتت أنها عايزة مشاهد تانية فهنزل مشاهد تانية عبارة عن خمس مشاهد بين كل بطل و بطلة في الرواية

مشهد بين ياسمين و احمد

مشهد بين نورا و هادي

مشهد بين نديم و كريم

مشهد بين مروان و شهد

مشهد بين أبطال أربعه راكب

########

#برومو من رواية " فتاة النورسين"

فتحت عيونها بأرهاق شديد و هي تتذكر أن اليوم سوف تتوج لكونها الملكة المنتظرة ......
نهضت بتكاسل و هي تمسك رأسها بوجع و تقول : يا إلهي ما هذا الوجع الذي حل بي ؟؟؟

فتحت عيونها قليلاً لتجد نفسها بمكان غريب عليها......فركت عيونها لتفتحهم مجدداً حتي فتح باب الغرفة لتدخل عايدة و هي تصرخ بها : قومي قامت قيامتك يا شيخة كل دا نوم و سبتيني لوحدي في شغل البيت ؟؟؟؟

نظرت لها الفتاة بعدم فهم لتكمل عايدة بتعجب : بت يا جوري اي الي أنتِ لابساه دا؟؟؟؟

نطقت الفتاة و هي تحاول أن تستوعب ماذا يحدث لتنطق أخيراً : من أنتِ؟؟؟

عايدة بحاجب مرفوع : من انا !!!!! اي يا بت أنتِ خرجتي من فيلم صلاح الدين الأيوبي بلبسك دا ؟؟؟؟

الفتاة و هي مازلت تمسك رأسها بوجع : أنا نورسين ، أنا الملكة نورسين

فتحت عايدة فمها بتعجب و هي تنظر لها : بت أنتِ انا هروح أكمل شغل البيت خمس دقايق مخرجتيش تغسلي السجاد هطلع عليكي القديم و الجديد

تركتها عايدة و خرجت لتظل نورسين جالسة في مكانها لا تعلم ماذا يحدث حولها

نهضت بتكاسل و هي تسير ببطئ و تتفحص المكان حتي رأت عديد من الصور معلقة علي الحائط لها و هي ترتدي ملابس تختلف عن الذي ترتديها إلي حد كبير فبعمرها لم  ترتدي ملابس مثل تلك ، وقفت تتأمل المكان بتعجب  فكل شئ غريب عليها كادت تجن و هي تسأل نفسها اين هي ؟؟؟؟

لترا ضوء أزرق يخرج من يدها نظرت لذلك الخاتم العزيز علي قلبها فجدتها أعطته لها و هي صغيرة

تراجعت للوراء بخوف شديد لترا مجسم فتاة يخرج من ضوء الخاتم و ما هي الفتاة سواها و لكن ترتدي تلك الملابس الغريبة لتسمع صوت الفتاة المشابهة لها تقول : احيه هو انا بقيت مزة كده أمتي؟؟؟؟