لجين ٩٩.٨
مهيمن شنو ؟بله اشوف اخذت التلفون منها واباوع علئ درجاتها الي صدمتني كلها مئات ماعدا درس واحد الانكليزي ٩٨واني اباوع كلي فخر بيها بهاي الدرجات والمعدل فخر العشيره
لجين رجلي ماشالتني من الصدمه هذه معدل الي احلم بي او اقل منه احلم بي مو هيج صدمه جان معدل وفرحه الي بس يمكن يكون حاجز بين حلمي؟!
ريم بجيت لأن هيه جابته بدون مساعده أحد بديها حتئ مو خصوصي حمدت الله هيج معدل جايبه ياناس فخوره بيها
لجين كلها تبارك وتهلهل وتسلم بس بقئ عقلي واكف علئ هذه الشيء واين اروح ! وراح يخلوني؟وكومه اسئله بهذه الموضوع مومعدل نقمه صار عليه
ريم حبيبتي لجونه وياي لجون!
لجين ها وياج بس تعبانه اريد اروح ارتاح
ريم نامي بغرفه جدتج كومي
لجين لا اريد اروح لبيت انطيني المفتاح؟
ريم وحدج ماما ! اخاف يصير عليج شيء واخاف يجون خطار؟
لجين انتم تصرفوا اريد ارتاح كلبي يوجعني نوب
ريم هاج انتبهي لنفسج وقفلي الباب ودكي عليه اول مايصير شيء أو تخافين تمام!
لجين تمام طلعت واني امشي بخيبه امل ماردت هذه المعدل ردت معدل يقبلني لحلمي ليش هيج معدل اجه افف استغفرالله والحمد الله توجهت لبيت وفتحت الباب وكعدت بغرفتي وتقوقعت هذه اني اسوي اول مازعل ماحجي ويا احد اقفل علئ نفسي وانام أو ابجي اهم شيء ماحجي ويا احد
مهيمن ريم واين لجين جدي يريد ينطينها هديتها
ريم راحت لبيت
مهيمن شلون تخليها تروح ماتخافين عليها بنيه وحده بالبيت
ريم شلون ماخاف عليها بس كالت تعبت ودخت وتحس كلبها يوجعها كتلها ابقي هنانه ماقبلت فدزيتها وانطيتها التلفون ووصيتها
مهيمن زين جدي يريدها شلون
ريم كله وهيه تروحله باليل وينطيها الهديه
مهيمن تمام اني فخور بيها ريم حيل فخور
ريم واني هم مسحت دموعي هاي فرحتي وهيج ردت علئ الناس تحجي عليها
مهيمن كافي دموع يله اني يصيحولي خليني اشوفهم
محمود اي بنتك صارت دكتوره كمت ماتسمعنا
مهيمن لا ابوي شنو سالفه هيه بنتك اصلا
محمود اعرف واينها؟
مهيمن راحت لبيت لأن كالت كلبها يوجعها باليل ادزها لك
محمود والناس الي تجي تبارك شلون؟
مهيمن والله جدي كلبها اخاف تخربط
محمود خليها ترتاح لعد
حمديه يمه اروح فدوه لجين هيج معدل صارت دكتوره وتعالج مفاصلي
رحمه واني تزوجت وجبت وماكو هيج دلل عمي حظوظ
حمديه امداج ومده خلفتج
سعاد ليش عيني لو هاي لأن رحمه وهذيج لجين
حمديه جاب لجين علئ رحمه شايفه لجين جنها العافيه شطب ريحان
سعاد اي كبري رأسها أكثر من راسها هسه جبير
حمديه شعندي غيرها أخلف اجيب شو جنها العافيه
سعاد اكلج ام مهند شوكت تخطبوها وتعقدون عليها موعيب صارت مخطوبه وهيه تطلع بكفشتها
ام مهند والله مدري اكلج ام لجين شوكت يناسبكم الوقت نجي نخطبها
ريم ها ليش تخطبوها
سعاد يعني ليش والله فاهيه غير صارت باسمه
وليان ليش هيه سياره علمود صارت باسمه
سعاد خيب انجبي الخرسه طالعلج لسان
ام مهند تربيه سز
وليان تربيتي احسن من الف وحده
سعاد وام مهند شنو كلتي؟!
أنت تقرأ
عيناك ولحن القديم
Truyện Ngắnفي بطن واحد ولدت حياتين مختلفتين الاولئ متماشية مع العادات والتقاليد تدور مع عقارب الساعة اما الثانية ضد العادات والتقاليد عكس عقارب الساعة من ستنجح بالحياة
